Rayqo-cu (来迎図?, hərf. "enmə təsviri") — Yaponiya təsviri sənətində janr. Bu ifadə buddaların və bodhisattvaların — ilk növbədə Amitabha Buddanın və onun müşayiətçilərinin "yerə enərək" ölənin ruhunu qarşılama anını əks etdirən təsvirlərə deyilir.[1]
Təmiz torpaq buddizminin təlimi yayıldıqca ardıcıllar arasında baş ilahın — Amitabha Buddanın təsvirini görmək arzusu güclənirdi. Bunun nəticəsində uzaq Sukhavati aləmindən bənövşəyi bulud üzərində enən Amitabhanı göstərən əsərlər meydana gəlmişdir. Amitabha burada ölənin ruhunu qarşılamaq və onu özü ilə Təmiz torpağa aparmaq üçün gələn xilaskar kimi təsvir olunurdu. Bu tip rəsmlər ölüm yatağında olan şəxsin evinə gətirilirdi. "Rayqo" adlanan bu əsərlərin mərkəzində adətən Amitabha Budda, hər iki tərəfində isə onu müşayiət edən ilahi varlıqlar təsvir edilirdi. Bu janrın ən məşhur sayağı Kyoto şəhərində yerləşən Tion-in məbədinin məxsus olan məlum əlyazmadır.[2]
Təmiz torpaq məktəbinin qurucusu olan çinli rahib Hueyuanın yaratdığı təlim IX əsrin ortalarından Yaponiyada yayılmağa başlamışdır. Amitabha və onun müşayiətçi varlıqlarının Təmiz torpağa daxil olan ruhları qarşılayan zaman dedikləri salam Çin dilində "lyayin" adlanırdı. Bu söz yapon dilində "rayqo" formasında tələffüz olunurdu.[3]
- ↑ "Amida Raigo Triad - Photos of the Amida Raigou Triad". www.onmarkproductions.com. 22 aprel 2019 tarixində arxivləşdirilib. İstifadə tarixi: 5 mart 2019.
- ↑ Малинина, Е. Е. КУЛЬТУРА ЯПОНИИ. ИСКУССТВО БУДДИЗМА ДЗЭН (2-е изд.). Москва: Юрайт. 2018. ISBN 978-5-534-08183-1.
- ↑ http://www.aisf.or.jp/~jaanus/deta/r/raigouzu.htm