Raffaella Petrini (15 yanvar 1969[1], Roma[2][3]) — İtaliyalı katolik rahibə, Evxaristiyanın Fransiskan Bacılarının üzvü, Vatikan Şəhər Dövlət Qubernatorluğunun Baş katibi (2021–2025), Vatikan Şəhər Dövlətinin Pontifik Komissiyasının prezidenti və Qubernatorluğunun rəhbəri (2025-ci ildən).
| Raffaella Petrini | |
|---|---|
| it. Raffaella Petrini | |
| Şəxsi məlumatlar | |
| Doğum tarixi | 15 yanvar 1969[1] (56 yaş) |
| Doğum yeri | |
| Təhsili | |
| Fəaliyyəti | religious sister[d], universitet müəllimi[d], dövlət rəsmisi |
| Dini | katolisizm[2] |
 Vikianbarda əlaqəli mediafayllar | |
Raffaella Petrini 15 yanvar 1969-cu ildə Romada anadan olub.[5] Romadakı Luiss Universitetində siyasi elmlər üzrə bakalavr dərəcəsi alıb.[6] Daha sonra ABŞ-ın Konnektikut ştatında yerləşən Hartford Universitetinin Barney Biznes Məktəbində təhsil almış, 2001-ci ildə təşkilati davranış sahəsi üzrə magistr dərəcəsi əldə etmişdir.[7] O, 2008-ci ildə Müqəddəs Tomas Akvinas Pontifik Universitetinə daxil olmuş, 2014-cü ildə isə doktorluq dərəcəsi almışdır. Sonradan həmin universitetdə professor vəzifəsinə təyin edilmiş, burada rifah iqtisadiyyatı və iqtisadi proseslərin sosiologiyası fənləri üzrə dərslər tədris etmişdir.[6]
Petrini 2005-ci ildən 2021-ci ilə qədər Xalqların Müjdəçilik Konqreqasiyasının heyətində çalışmışdır.[6] 4 noyabr 2021-ci ildə Papa Fransisk onu Vatikan Şəhər Dövlətinin Qubernatorluğunun Baş katibi vəzifəsinə təyin etmişdir. Petrini bu vəzifəni tutan ilk qadın olmuşdur.[6] Papa Fransisk sonradan onun dünyanın ən kiçik dövlətində ən yüksəkrütbəli qadın vəzifəli şəxs olduğunu qeyd etmişdir. 13 iyul 2022-ci ildə Papa Fransisk ilk dəfə olaraq Petrini, İvon Reunqoat və Maria Lia Zervino da daxil olmaqla qadınları Yepiskoplar Dikasteriyasının üzvləri təyin etmişdir.
15 fevral 2025-ci ildə Papa Fransisk Raffaella Petrinini Vatikan Şəhər Dövlətinin Pontifik Komissiyasının prezidenti və Vatikan Şəhər Dövlətinin Qubernatorluğunun prezidenti vəzifələrinə təyin etmişdir. Təyinat 1 mart 2025-ci ildən qüvvəyə minmişdir. Petrini bu vəzifələri tutan ilk qadın olmuşdur.
Onun səlahiyyətləri, Papa Fransiskin 21 aprel 2025-ci ildə vəfatı ilə əlaqədar, kurial təyinatlarının əksəriyyəti ilə birlikdə avtomatik olaraq dayandırılmışdır. Onun ardıcılı olan XlV Papa Leo isə vəzifəyə başladığı günün ertəsi günü, 9 may 2025-ci ildə, Petrinin vəzifəsini təsdiqləmişdir.
- ↑ 1 2 https://www.ilsole24ore.com/art/vaticano-suor-raffaella-petrini-e-nuovo-segretario-generale-governatorato-AEnsHou?refresh_ce=1.
- ↑ 1 2 3 Catholic-Hierarchy.org (ing.). USA: 1990.
- ↑ 1 2 https://www.la-croix.com/Religion/Soeur-Raffaella-Petrini-premiere-femme-secretaire-generale-Cite-Vatican-2021-11-04-1201183636.
- ↑ https://elpais.com/internacional/2021-11-04/el-papa-nombra-a-una-mujer-como-numero-dos-del-gobierno-del-vaticano.html.
- ↑ "Sr Raffaella Petrini appointed Secretary General of Vatican Governorate". Vatican News. 4 November 2021. Archived from the original on 23 March 2025. Retrieved 23 January 2025.
- ↑ 1 2 3 4 Rodari, Paolo (4 November 2021). "Vaticano, per la prima volta una suora nominata segretario del Governatorato". la Repubblica Retrieved 23 January 2025.
- ↑ "UHart Graduate Appointed First Female Secretary-General of Vatican City State". University of Hartford. 17 November 2021.Archived from the original on 4 March 2025. Retrieved 1 March 2025.