Vikipediya ?

Rövşən Cavadov

Rövşən Bəxtiyar oğlu Cavadov (19 oktyabr 1951 – 17 mart 1995) — Azərbaycanlı hərbçi; Qarabağ müharibəsi iştirakçısı, OMON komandiri (1992–1995), Azərbaycan Respublikasının daxili işlər nazirinin müavini (1993–1995).

Rövşən Cavadov
Ровшан Джавадов.jpg
bayraq Azərbaycan Respublikasının
Daxili İşlər nazirinin müavini
bayraq
10 fevral 1993 — 15 mart 1995
Prezident Əbülfəz Əliyev
Heydər Əliyev
bayraq Azərbaycan Respublikasının
Daxili İşlər naziri vəzifəsini icra edən
bayraq
17 iyun 1993 — 3 iyul 1993
Sələfi Abdulla Allahverdiyev
Xələfi Vaqif Novruzov
Doğum tarixi 19 oktyabr 1951(1951-10-19)
Doğum yeri Laçın, Azərbaycan SSR, SSRİ
Vəfat tarixi 17 mart 1995 (43 yaşında)
Vəfat yeri Bakı, Azərbaycan
Vəfat səbəbi Sui-qəsd
Dəfn yeri Xırdalan məzarlığı
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Atası Bəxtiyar Cavadov
Anası Tamara Cavadova
Həyat yoldaşı Zemfira Cavadova
Uşaqları Laçın Cavadov
Hərbi xidmət
Xidmət illəri 1973–1995
Rütbəsi
Rəhbərlik edib Xüsusi Təyinatlı Polis Dəstəsi (OMON)
(fevral 199217 mart 1995)
Döyüşlər
Commons-logo.svg Vikianbarda əlaqəli mediafayllar

Mündəricat

Həyatı

Erkən illəri

Rövşən Bəxtiyar oğlu Cavadov 19 oktyabr 1951-ci ildə Laçın rayonunda anadan olub. 1973-cü ildə Azərbaycan Dövlət Tibb Universitetindən məzun olub. 1973-1976-cı illər arasında DİN Xəstəxanasında işləyib. 1976-cı ildə Rostov şəhərindəki SSRİ Daxili İşlər Nazirliyi Akademiyasına daxil olub və 1980-ci ildə buradan məzun olub. 1980-ci ildə Əfqanıstanda hərbi xidmət üçün müraciət etsə də bu müraciəti anti-kommunist fikirlərinə görə Moskva tərəfindən qəbul edilməyib. 1981-ci ildə Azərbaycanda ilk karate məşq yerlərini açaraq fəaliyyətinə davam edib. 1982-ci ildə Gəncə şəhərinə sahə müvəkkili təyin olunub. 1987-ci ildə qardaşı Mahir Cavadovla bərabər yaradır.

Qanlı Yanvar hadisələrində tərəfdaşları və tələbələri ilə SSRİ qoşunlarına əldə olan imkanlarla qarşı qoymuş və Gəncə şəhərinə gedərək iri miqyaslı üsyan hərəkatı başlatmağı planlayıb.

Qarabağ müharibəsi və döyüşlərdə iştirakı

1993-cü ildə Cavadov Azərbaycan Respublikasının Prezidenti Əbülfəz Elçibəy tərəfindən Azərbaycan Respublikası daxili işlər nazirinin müavini təyin edilir. Eyni il Cavadov Diaspora köməyini nəzərə alaraq Əfqanıstandan 1300 təcrübəli döyüşçünü Qarabağa dəvət edir.

1994-cü il oktyabrın 2-də Surət Hüseynov və Rövşən Cavadovun başçılığı ilə dövlət çevrilişinə silahlı cəhd göstərildi, Mahir Cavadovun rəhbərliyi ilə XTPD-nin və cinayətkar ünsürlərin qüvvələri respublika prokurorluğuna silahlı basqın etdilər, vəzifəli şəxslər barədə zorakılıq tətbiq etdilər, prokurorluğun işini pozdular, dövlət əmlakına ziyan vurdular. Mahir Cavadov əvvəlcədən düşünülmüş plan üzrə vəzifələrin həyata keçirilməsini davam etdirmək üçün Surət Hüseynova və Rövşən Cavadova məlumat verdi. Surət Hüseynovun qanunsuz yaratdığı Gəncədə yerləşən silahlı dəstələr, onun göstərişi əsasında silahlı basqın yolu ilə Gəncə şəhərində qanuni icra hakimiyyətini, hüquq mühafizə orqanlarını, dövlət əhəmiyyətli obyektləri ələ keçirdilər və öz hərəkətlərini digər rayonlarda davam etdirməyə çalışdılar. Rövşən Cavadov məsləkdaşları ilə birlikdə hakimiyyət orqanlarını qanunsuz güzəştlərə və vəzifəli şəxsləri istefa verməyə məcbur etmək üçün bəyanatlar, tələblər irəli sürməyə başladı. Lakin günün sonunda Gəncədəki avantüranın iflasa uğradığını görən dəstə komandirləri, şəxsən Rövşən Cavadov geri addım atmağa məcbur oldular və Prezident sarayının qarşısındakı mitinqə gələrək Heydər Əliyevə birmənalı dəstək ifadə etdilər.

Rövşən Cavadov 1995-ci ilin 14 yanvar iclasında bəyan edir ki, Heydər Əliyev prezident postundan kənarlaşdırılmalıdır və bunun üçün də müəyyən hazırlıq işləri görülməlidir:

  Planlaşdırılmış qiyamla planlaşdırılmamış qiyam eyni şey deyil. İkinci siyasi xaosa gətirib çıxara bilər. Odur ki, təşəbbüs göstərə biləcək struktur lazımdır... Sabah əgər lazım gələrsə, o da səhnəyə çıxmalıdı.  

Ölümü

1995-ci ildə martın 16-dan 17-nə keçən gecə Bakının 8-ci kilometr qəsəbəsindəki OMON-çuların qərargahı yaxınlığında başlanan atışmada OMON-la Daxili Qoşunlar arasındakı silahlı qarşıdurma Rövşən Cavadovun həyatını itirməsi və XTPD-nin tamamən ləğv edilməsi ilə nəticələnmişdi.Toqquşmalarda 22 hərbçi, 7 mülki şəxs, 1 polis əməkdaşı həlak olub, 8 XTPD əməkdaşı həyatını itirib, 105 nəfər isə yaralanıb. Rövşən Cavadov aldığı güllə yarasından DİN-in hospitalında vəfat edib.

31 may 2017-ci il tarixində açıq məktubla çıxış edən Sərhəd Qoşunlarının keçmiş zabiti Rauf Hüseynov Rövşən Cavadovu güllə ilə özünün yaraladığını və sonradan Cavadovun qanitirmədən öldüyünü bildirir. O, bu hadisə haqqında yazır:

  1995-ci ilin məlum mart hadisələrində mən Sərhəd Qoşunları Fakültəsinin 3-cü kursunda təhsil alırdım və Ali Baş Komandan Ümümmilli Lider prezident Heydər Əliyevin əmri ilə XTPD (OMON) qarşısında öz döyüş yoldaşlarımla və Azərbaycan Respublikasının Milli Qəhrəmanı Bəhruz Mənsurovla sipər olduq və XTPD niyyətinə çatmağa imkan vermədik. Həmin döyüşdə Bəhruz Mənsurovun ölümü məni çox qəzəbləndirdi və mən Rövşən Cavadova açdığım güllə ilə onu yaraladım, sonralar o qanitirmədən dünyasını dəyişdi.
Rauf Hüseynov
 

Şəxsi həyatı

Rövşən Cavadov Zemfira xanım ilə ailə həyatı qurmuş və ömrünün sonuna qədər onunla evli idi. Onun yeganə oğlu Laçın Cavadov 2003-cü il 19 dekabrda Moskvada şübhəli şəkildə qətlə yetirilmişdir.

Həmçinin bax

İstinadlar

  1. . qafqaz.ir. qafqaz.ir. 20 fevral 2017 tarixində . İstifadə tarixi: 20 fevral 2017.
  2. . www.e-qanun.az. www.e-qanun.az. 20 fevral 2017 tarixində . İstifadə tarixi: 20 fevral 2017.
  3. . www.anl.az. www.anl.az. 20 fevral 2017 tarixində . İstifadə tarixi: 20 fevral 2017.
  4. . anl.az. anl.az. 20 fevral 2017 tarixində . İstifadə tarixi: 20 fevral 2017.
  5. . www.anl.az. www.anl.az. 20 fevral 2017 tarixində . İstifadə tarixi: 20 fevral 2017.
  6. . musavat.com. musavat.com. 20 fevral 2017 tarixində . İstifadə tarixi: 20 fevral 2017.
  7. . www.azadliq.info. www.azadliq.info. 20 fevral 2017 tarixində . İstifadə tarixi: 20 fevral 2017.
  8. Rauf Hüseynov. (az). www.sozcu.az.  (azərb.)
  9. . anl.az. anl.az. 20 fevral 2017 tarixində . İstifadə tarixi: 20 fevral 2017.
  10. . www.centrasia.ru. www.centrasia.ru. 20 fevral 2017 tarixində . İstifadə tarixi: 20 fevral 2017.

Xarici keçidlər

  • ANS TV, — "OMON qiyamı", 1995-03-17, YouTube-da
  • Azadlıq Radiosu, — "Rövşən Саvаdоv və ОМОN hаdisələri hаqdа detаllаr", 15 mart 2012, YouTube-da
  • Meydan TV, — "Qiyam - Rövşən Cavadov Heydər Əliyevə qarşı", 25 mart 2017, YouTube-da
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18