Anime (アニメ?) — yapon animasiyası. Başqa ölkələrin çəkdiyi animasiyalardan fərqli olaraq, anime bütün yaş qrupların üçün nəzərdə tutulur (hətta yaş və cins qruplara görə janrlara bölünür) və buna görə dünyada məşhurluq qazanmışdır. O cümlədən, personajların və fonların cizgisində də müxtəlif tərzlər var. Anime üçün əsas süjet mənbələri: manqa (yapon komiksləri), ranobe (roman növü) və kompüter oyunları. Bəzən klassik ədəbiyyat kimi başqa mənbələr istifadə edilir. Bəzən isə anime süjetı orijinal ola bilər (onda isə, artıq bu süjetın əsasında animenın kitab və manqa versiyaları yaradıla bilər). "Anime" sözün mənası kontekstdən aslı olaraq dəyişilə bilər.
Manqa (漫画, マンガ?) — yapon komiksləri. Günümüzdə mövcud olan manqa forması İkinci dünya müharibəsindən sonra inkişaf etməyə başlamışdır. Manqaya qərb ənənələri çox təsir etmişdir, lakin qədim yapon incəsənətinin qədim köklərini özündə saxlamağa davam edir.
Yaponiyada bütün yaşdan olan insanlar manqa oxuyur, o həm təsviri incəsənət, həm də bədii ədəbiyyat nümunəsi kimi ehtiram göstərirlər, buna görə də ən müxtəlif janrlarda və müxtəlif mövzulara aid çoxlu sayda əsərlər mövcuddur: macəra, romantika, idman, tarix, yumor, elmi fantastika, dəhşət, erotika, biznes və s. 1950-ci ildən etibarən manqa yapon mətbəələri üçün böyük bir sahəyə çevrilir və dünyanın digər yerlərində də məşhurlaşır.
Sword Art Online (yaponca: ソードアート・オンライン, Hepbörn: Sōdo Āto Onrain?) və ya qısaca SAO — 2009-cu ildən Reki Kavahara tərəfindən yazılan və abec tərəfindən çəkilən ranobe seriyası. Hadisələr yaxın gələcəkdə virtual dünyalarda baş verir. Ranobe seriyası 10 aprel 2009-cu ildən ASCII Media Works nəşriyyatı tərəfindən Dengeki Bunko imprinti ilə nəşr olunur. 2012-ci ilin oktyabrında isə spin-offu yaradılmışdır. Ranobe seriyasında ASCII Media Works və Kadokawa nəşriyyatları tərəfindən çap olunan 9 manqa adaptasiyası peyda olmuşdur. Ranobe seriyası və dörd manqa adaptasiyası Yen Press tərəfindən Şimali Amerika regionu üçün lisenziyalaşdırılmışdır. A-1 Pictures studiyası tərəfindən istehsal olunmuş anime serialı adaptasiyası Yaponiyada 2012-ci ilin iyulundan dekabrına kimi yayımlanmışdır. "Extra Edition" seriyası 31 dekabr 2013-cü ildə, anime serialının ikinci mövsümü olan "Sword Art Online II" isə 2014-cü ilin iyulundan dekabrına kimi Yaponiyada nümayiş etdirilmişdir. PlayStation Portable, PlayStation Vita və PlayStation 4 platformaları üçün üç video oyun buraxılmışdır.
.jpg)
Risa Oribe (織部 里沙, Oribe Risa?) və ya səhnə adı ilə LiSA (Love is Same All ifadəsinin qısaltması) — Aniplex şirkəti üçün fəaliyyət göstərən Yaponiya pop müğənnisi və söz yazıçısı. Yaponiyanın Gifu prefekturasının Seki şəhərində anadan olmuşdur. Erkən yaşlarda musiqiçi olmağa qərar vermiş və musiqi karyerasına Chucky adlı indi qrupunda başlamışdır. Musiqi qrupunun 2008-ci ildə fəaliyyətini dayandırmasından sonra LiSA solo karyerasını davam etdirmək üçün Tokio şəhərinə köçmüşdür. 2010-cu ildə əsas debütünü etmişdir: uydurma Girls Dead Monster qrupunun iki vokalistindən biri kimi "Angel Beats!" anime serialı üçün mahnılar ifa etmişdir. LiSA 2010-cu ilin avqustunda Animelo Summer Live festivalında, 2012-ci ildə isə Anime Expo tədbirində çıxış etmişdir. Anime Festival Asia tədbirinin daimi qonağıdır.
LiSA-nın mahnıları "Sword Art Online" və "Fate/Zero" kimi bir çox anime seriallarında səsləndirilmişdir. Onun sinqlları Oricon-un həftəlik sinqllar çartının ilk onluğunda yer almışdır. "Crossing Field" sinqlı Yaponiya Səsyazma Sənayesi Assosiasiyası tərəfindən platin sertifikasiya, "Oath Sign" sinqlı isə qızıl sertifikasiya almışdır.
Fate/Zero (フェイト/ゼロ, Feito/Zero?, azərb. Tale/Sıfır) Ufotable animasiya studiyası tərəfindən eyniadlı ranobe seriyası əsasında çəkilmiş anime serialıdır. Anime serialının rejissorluğunu Ey Aoki etmişdir, ssenarini isə Akira Hiyama və Akihiro Yoşida yazmışdırlar. Personajların ilkin dizaynlarını Takaşi Takeuçi hazırlamış, Atsuşi İkariya və Tomonori Sudo orijinal dizaynlardan istifadə edərək anime üçün personajları dizayn etmişdirlər. Musiqi Yuki Kaciura tərəfindən bəstələnmişdir. Anime serialı Type-Moon şirkəti tərəfindən istehsal olunmuş "Fate/stay night" vizual romanında baş verən hadisələrin 10 il əvvəlidir: yeddi ustanın və yeddi xidmətçinin Fuyuki şəhərində ortaya çıxacaq Müqəddəs qədəhi qazanmaq üçün qatıldıqları Dördüncü Müqəddəs qədəh müharibəsindən bəhs edir.
Eyniadlı ranobe əsasında anime serialının çəkiləcəyi "Young Ace" jurnalının 2011-ci il fevral buraxılışının reklamı vasitəsilə anons edilmişdir. "Fate/Zero"-nun istehsalında Aniplex və Nitroplus da iştirak etmişdir.
.jpg)
Pikaçu (ピカチュウ, Pikatyu?); ing. Pikachu) — Nintendo və Game Freak-ə məxsus olan oyun seriyası, manqa və anime olan "Pokemon"da yer alan personaj. Uydurma kainatın xüsusi pokemon canlılarından biri olan Pikaçu oyun dizayneri Suqimori Ken və Game Freak yaradıcılıq komandası tərəfindən yaradılmışdır və ilk dəfə "Pokémon Red və Blue" video oyunlarında ortaya çıxmışdır və daha sonra sonrakı oyunlarında iştirak etmişdir. Pikaçu ən çox tanınan və məşhur pokemonlardan biridir, o franşizin rəsmi talismanı kimi son illərdə isə Yapon pop mədəniyyətinin ikonasına dönmüşdür.
Pikaçu Piçu pokemonundan yaranıb və təkamül nəticəsində Rayçu pokemonuna çevrilə bilər. Uydurma pokemon dünyasında Pikaçu adətən evlərdə, meşələrdə, dərələrdə, bəzi zamanlar dağlarda və adalarda, həm də elektrik stansiyalarda yayılmışdır. Elektrik növü pokemon olaraq, Pikaçu yanaqlarında elektrik saxlayır və lazımlı hallarda onun köməyi ilə hücum edə bilir.
- ...Yuu Kamiyanın "No Game No Life"ı əvvəlcə manqa şəklində yazmaq istədiyini, amma xəstəxanada müalicə alarkən ranobe şəklində yazmağa qərar verdiyini?
- ..."Re:Zero" animesinin rejissoru Masaharu Vatanabenin bəstəkar Keniçiro Suehirodan Hans Zimmerin "Qara cəngavər" filmi üçün bəstələdiyi musiqidən ilhamlanaraq anime üçün bir neçə mahnı bəstələməsini istədiyini?
- ...anison müğənnisi LiSA-nın adının açılışının "Live Is Smile Always" olduğunu?
- ...Fransa-Belçikada manqa stilində nəşr olunan komikslərin manfra adlandığını?
- ...Azərbaycanda ilk və tək anime konvensiyasının hər il keçirilən AzeCON tədbiri olduğunu?
- ...Naoko Takeuçinin "Seylor Mun" manqasında astrologiya, astronomiya, Roma-yunan mifologiyası, geologiya, məktəbli şıltaqlıqları kimi ünsürlərə yer verdiyini?
- Ümumi
Anime və manqa fanatları • Anime-festival • Anime sənayesi • Kospley • Docinşi • Anime tarixi • Manqa tarixi
- Auditoriyaya görə
Kodomo • Cosey • Seynen • Şonen • Şoco
- Janrlar
Eççi • Harem • Maho-şoco • Mexa • Yaoy • Yuri • Hentay
- Siyahılar
Anime şirkətləri • Anime-festivallar • Anime & manqa video oyunları • Bestseller manqalar • Ən uzun davam edən anime və manqa seriyaları • Manqa jurnalları
