The Fragrant Flower Blooms with Dignity,[a] Yaponiyada tanınan adı ilə Kaoru Hana wa Rin to Saku[b] – Saka Mikami tərəfindən yazılan və illüstrasiya olunan manqa seriyası. 2021-ci ilin oktyabrında "Kodansha" nəşriyyatının "Magazine Pocket" manqa saytı və tətbiqində serializasiya olunmağa başlamışdır. 2025-ci ilin avqustuna qədər 18 tankobon cildi buraxılmışdır. Manqa seriyası Çidori oğlanlar liseyinin şagirdi Rintaro Tsumuqi ilə Kikyo qızlar liseyinin şagirdi Kaoruko Vaquri arasındakı münasibətlərdən bəhs edir. Çidori və Kikyo bir-birindən nifrət edən iki qonşu lisey olsa da, Tsumuqi ilə Vaquri arasında romantik münasibətlər inkişaf edir.
| The Fragrant Flower Blooms with Dignity | |
 Birinci tankobon cildinin üzlüyü. Personajlar: Rintaro Tsumuqi (solda) və Kaoruko Vaquri (sağda). | |
| 薫る花は凛と咲く (Kaoru Hana va Rin to Saku) | |
|---|---|
| Janr | romantik komediya |
| Manqa | |
| Manqaka | Saka Mikami |
| Nəşriyyat | Kodansha |
| İmprint | Shōnen Magazine Comics |
| Jurnal | Magazine Pocket |
| Nəşr tarixi | 20 oktyabr 2021 – hazırda |
| Cildlər | 18 (cild siyahısı) |
| Anime serialı | |
| Rejissor | Miyuki Kuroki |
| Ssenarist | Rino Yamazaki |
| Bəstəkar | Moeki Harada |
| Studiya | CloverWorks |
| Lisenziya | Netflix |
| Kanal | Tokyo MX, GYT, GTV, MBS, BS11, AT-X |
| Yayım tarixi | 6 iyul 2025 – hazırda |
| Seriyalar | 7 |
Manqa seriyası əsasında "CloverWorks" tərəfindən çəkilən anime serialı adaptasiyası 2025-ci ilin iyulunda yayımlanmağa başlamışdır.
Müəllif Saki Mikami "Kurage no Uta" (海月のうた?, hərf. "Meduza mahnısı") van-şot manqasına görə 105-ci Debütant Manqa Mükafatının qalibi olduqdan sonra redaktoru ona manqa seriyası hazırlamağı təklif etmişdir. Mikami bütün personajların mehriban olduğu bir manqa çəkmək istəmiş və "The Fragrant Flower Blooms with Dignity" üzərisində işləməyə başlamışdır. O, bir müsahibəsində bildirmişdir ki, manqanın 2-ci fəslini çəkərkən çox çətinlik çəkmiş, hətta hekayə lövhəsi 3 dəfə qəbul edilməmişdir. Çünki o, 1-ci fəsildə qızlar liseyi və oğlanlar liseyi arasındakı münasibətlərin pis olmasına qərar versə də, redaktoru bu münasibətlərin daha gərgin təsvir olunmasını istəmişdir.[1]
Mikami personajları yaradarkən əvvəlcə onların görünüşlərini fikirləşməkdən başlamışdır. O, cütlüklər arasında boy fərqini sevdiyi üçün Tsumuqini uzunboy, Vaqurini qısaboy təsvir etmişdir. Vaqurini yaradanda onu varlı ailəyə mənsub biri kimi təsvir edib etməmək barəsində tərəddüd etmiş, lakin 3-cü fəsildə onu adi biri kimi göstərməyə qərar vermişdir. Mikami ziddiyyətli vəziyyətləri sevdiyi üçün qorxulu üzə malik Tsumuqinin tort mağazasında işləyən biri kimi təsvir etməyin yaxşı ideya olduğunu düşünmüşdür.[1]
"Aniplex" prodüseri Şoko Hori manqa seriyasının fanatı olduğunu və manqada təsvir olunan mehriban dünyanı çox sevdiyini bildirmişdir. O, manqanı animeyə adaptasiya etmək üçün Kyoko Uryu ilə məsləhətləşmişdir. Manqanın müəllif hüquqlarının sahibi "Kodansha" nəşriyyatı manqanı filmə adaptasiya etməyi təklif etmişdir. Bu zaman "CloverWorks" studiyası manqanın anime adaptasiyasını çəkmək istədiyini bildirmiş və layihəyə start verilmişdir.[2]
Manqa seriyasındakı yerlərin adları uydurma olsa da, istehsalçı heyət realist anime hazırlamaq istədiyi üçün Mikami ilə məsləhətləşərək illüstarsiyaları çəkərkən istinad götürdüyü yerləri öyrənmiş və məkanları gəzmişdirlər. Məktəbin modeli üçün Naqano prefekturasında yerləşən Matsumoto Fukaşi liseyini, kitabxananın modeli üçün Çiqasaki Şəhər Kitabxanasını ziyarət etmişdirlər. Tsumuqinin ailəsi tort mağazası işlətdiyi üçün rejissor Miyuki Kuroki model kimi istifadə oluna biləcək bir neçə mağaza tövsiyə etmiş və onlar bu mağazaları tədqiq etmişdirlər. Tort hazırlama prosesinin dəqiq olmasını istədikləri üçün Tokio Şirniyyat Məktəbi ilə əməkdaşlıq etmiş, mətbəx alətlərini və tort hazırlama prosesini tədqiq etmişdirlər.[3]
- ↑ 1 2 "近くて遠い二人の青春が、みんなをときめかせる。『薫る花は凛と咲く』三香見サカ先生インタビュー". Magazine Pocket (yaponca). 14 aprel 2022. İstifadə tarixi: 17 avqust 2025.
- ↑ "TVアニメ『薫る花は凛と咲く』プロデューサーインタビュー――アニメ化の動機は原作のなかにあふれる"優しい言葉"①". Cocotame (yaponca). 5 iyul 2025. İstifadə tarixi: 17 avqust 2025.
- ↑ "TVアニメ『薫る花は凛と咲く』プロデューサーインタビュー――アニメ化の動機は原作のなかにあふれる"優しい言葉"②". Cocotame (yaponca). 5 iyul 2025. İstifadə tarixi: 17 avqust 2025.