Ponço və ya Panço (isp. poncho, Arakan dili, Keçua və ya Mapuçe dillərindən götürülmüşdür) — ortasında baş üçün deşiyi olan böyük düzbucaqlı və ya kvadrat parça formasında olan Latın Amerikasının ənənəvi üst geyimidir.
Ehtimal olunur ki, ponço birinci dəfə İspan hakimiyyəti dövründən əvvəl Amerika yerlilərindən olan Mapuçe tayfasında (Çili, Pataqoniya) meydana çıxmışdır, lakin digər mənbələrə əsasən, İnk imperiyasında bu geyim geniş olaraq istifadə edilmişdir. And dağlarında yaşayan xalqların bu tipik geyimi ərazidən əraziyə görə rəng və bəzək baxımından bir-birindən fərqlənirdi.
Moda dizaynerləri bu ənənəvi geyim atributunu 1960-cı illərdə Cənubi Amerikadan götürmüşdürlər. Pançonun müasir versiyası orijinal versiyasına çox az oxşayır. Bəlkə də hər iki geyim versiyası arasında olan yeganə oxşarlıq baş üçün nəzərdə tutulmuş deşik və bir də qolların olmamasıdır.
Ən sadə formada ponço, əsasən baş üçün mərkəzdə deşiyi olan böyük bir qumaş parçasıdır və bundan əlavə başlıq kimi xidmət edən əlavə bir qumaş parçasına da malikdir. Suya davamlı olan ponçolar, adətən, bədənə geyinildikdə ətrafları örtən örtük elementləri və qollar üçün xüsusi olaraq nəzərdə tutulmuş hissələrlə təchiz edilirlər; onların bir çoxunun külək və yağışdan mühafizə olunmaq üçün nəzərdə tutulmuş xüsusi başlıqları (kapşüyonka) olur.
Hal-hazırda moda məhsulları kimi alternativ ponço modelləri hazırlanır.[1] Bu yeni modellər köhnə modellərlə eyni formaya malik olsalar da, lakin köhnə modellərdən fərqli olaraq onlar müxtəlif materiallardan hazırlanırlar. Bu yeni modellər külək və yağışdan mühafizə olunmaq əvəzinə, dəbli görünmək və eyni zamanda da bədənin nəfəs ala bilməsi üçün bədəndə rahat qalmaq, həmçinin bədəni lazım olan istiliklə təmin etmək üçün nəzərdə tutulmuşdurlar. Onlar əsasən xəz və ya iplikdən, trikotaj və ya toxunma üsulu ilə hazırlanırlar. Xüsusi günlər üçün bayram naxışlı və ya çiçəkli pançolardan istifadə edilə bilər.
-
Dmitri Medvedev 22-23 noyabr 2008-ci ildə Perunun Lima şəhərində təşkil edilmiş Asiya-Sakit Okean İqtisadi Əməkdaşlığı sammitində. Sammit iştirakçıları hamısı ponço geyinmişdirlər. -
2008-ci ildə Argentinanın Salta əyalətində parad zamanı panço geyinmiş qvardiyaçılar -
Ponço geyinmiş bir perulu. 2012-ci il, tarixi Kusko şəhəri. -
Ponço toxuyan toxucu
- ↑ "Photo Gallery of fashionable women's poncho tops — An alternative to everyday clothing". 2017-09-21 tarixində arxivləşdirilib. İstifadə tarixi: 2020-09-23.
- Андреева Р. П. Пончо // Энциклопедия моды. — СПб.: Литера, 1997. — С. 296. — ISBN 5-86617-030-2.
- Буровик К. А. Пончо // Популярная энциклопедия вещей. Исторический магазин. — М.: Дрофа-Плюс, 2004. — С. 39. — 192 с. — 5000 экз. — ISBN 5-9555-0279-3.
- Вилкова С. А., Голубенко О. А., Еремеева Н. В., Славнова Т. П., Таловикова Л. В. Пончо // Товароведение и экспертиза непродовольственных товаров: Словарь-справочник / Под общ. ред. д. т. н., проф. С. А. Вилковой. — 4-е изд. — М.: Издательско-торговая корпорация «Дашков и К°», 2018. — С. 112. — 264 с. — 500 экз. — ISBN 978-5-394-02955-4.
- Зеленкевич Л. В. Пончо // Повесть про пончо. — Новогрудок: Янушкевич, 2007. — С. 8. — ISBN 978-0-7334-2609-4