Pataqoniya

Mütəxəssislər Cənubi Amerika meşələrində dizel yanacağı istehsal edən ağac göbələyi tapıblar. "The Daily Telegraph" qəzetinin verdiyi məlumata görə, bununla da avtomobil yanacağını təbii yolla sintez edən bioloji orqanizm aşkar edilib.

"Gliocladium roseum" adlı göbələk Pataqoniya cəngəlliklərində bəzi tropik ağacların gövdəsində yaşayır. O, həyat fəaliyyəti zamanı tərkibinə görə ənənəvi dizel yanacağından fərqlənməyən karbohidrogen istehsal edir. Belə "yaşıl" yanacağı birbaşa avtomobilin yanacaq çəninə doldurmaq mümkündür. Montana Dövlət universitetinin aparıcı bioloqu Qeri Strobel bildirir ki, bu, belə bir maddə istehsal edən yeganə canlıdır.

Qəzet qeyd edir ki, amerikalı alimlər ağacdan avtomobil yanacağı almaq üçün texnologiyanın yaradılması üzərində işə başlayıblar.