Vikipediya ?

Nic

NicAzərbaycan Respublikasının Qəbələ rayonunun inzibati ərazi vahidində qəsəbə.

Nic(udi НыъжӀ, НиъжӀ)
Jotati Church.jpg
Gerb
Gerb

40°56′24″ şm. e. 47°40′06″ ş. u.


Ölkə Flag of Azerbaijan.svg Azərbaycan
Rayon Qəbələ
Tarixi və coğrafiyası
Mərkəzin hündürlüyü 423 m
Saat qurşağı UTC+04:00
Əhalisi
Əhalisi
  • 5.744 nəfər
Xəritəni göstər/gizlə
Nic xəritədə
Nic
Nic
Commons-logo.svg Vikianbarda əlaqəli mediafayllar

Udi kəndi kimi tanınan qəsəbə Qəbələ şəhərindən 40 km cənub-qərbdə yerləşir.

Qəbələ rayonu Nic qəsəbəsində yerləşən Yalaşlı məhəllə Cümə Məscidi

Mündəricat

Tarixi

24 iyun 2005-ci ildə Nic kənd inzibati ərazi vahidi tərkibindəki Nic kəndinə qəsəbə statusu verilmiş, Nic kənd inzibati ərazi vahidi Nic qəsəbə inzibati ərazi vahidi adlandırılmışdır.

Nic şəhər tipli qəsəbədir. Qəbələ-Oğuz avtomobil yolunun kənarında Alazan-Həftəran vadisində ən iri yaşayış məskənidir. Ərazisinə görə rayonda birincidir.

Mədəniyyəti

Nicdə ilk udi məktəbi 1854-cü ildə açılıb. Müəllimlər içərisində yerli sakinlərdən – udilər də var idi. 19311933-cü illərdə udilər təhsili doğma dillərində, 1937–ci ildən Azərbaycanda Azərbaycan və rus dillərində, Gürcüstanda gürcü dilində alırlar.

Əhalisi

Nic əhalisinin milli tərkibi
Etnik qrup Sayı, 1970 sa. Nisbəti, 1970 sa. Sayı, 1979 sa. Nisbəti, 1979 sa.
cəmi 6 071 100 % 5 914 100 %
udi 4 495 74 % 4 528 76.6 %
azərbaycanlı 1 156 19 % 1 109 18.8 %
erməni 259 4.3 % 137 2.3 %
ləzgi 88 1.4 % 82 1.4 %
rusukraynalı 32 0.5 % 18 0.3 %
yəhudi 5 0.1 % 8 0.1 %

13-22 aprel 2009-cu il Ümumazərbaycan əhali siyahıyaalınmasına əsasən Nic qəsəbəsində 5.744 nəfər (2.824 nəfəri kişilər, 2.920 nəfəri qadınlar) əhali yaşayır. Qəbələ rayon İcra Hakimiyyətinin 2012-ci ilə olan rəsmi məlumatlarına əsasən qəsəbə əhalisinin 50 %-ni udilər, 40 %-ni azərbaycanlılar, 10 %-i isə ləzgilər təşkil edir.

Əhalisinə görə rayonda ikinci sayılan qəsəbənin 6200 sakini var. Milli mənsubiyyətinə görə əhalinin 4000-i udin, 2200 nəfəri azərbaycanlılardır. Azərbaycanlılar Yalanşlı və Abdal məhəllələrində yaşayırlar.

İqtisadiyyatı

Kənddə hər həftə sonu-bazar günü ətraf kənd və rayon sakinlərinin iştirak etdiyi kənd təsərrüfatı yarmarkası keçirilir. "Nic bazarı" adı ilə tanınan yarmarkaya nəinki ətraf rayonlardan, hətta BakıdanSumqayıtdan ticarətə gələnlər olur.

Mədəniyyət

İndi Nic qəsəbəsində Udi Mədəniyyət mərkəzi fəaliyyət göstərir. Alban kilsəsi və digər abidələr var. İbtidai sinif şagirdləri üçün udi dili də tədris olunur.

Rayonun ən iri fındıq bağları məhz bu qəsəbənin yaxınlığındadır. Hər il ətraf kəndlərin də sakinləri mütəşəkkil meyvə yığımına gəlir, fındıqçılıq birliyinin rəhbərləri əhalinin maraqlarına uyğun tələblərlə kütləni mövsümü işlə təmin edirlər. Nəticədə əldən zirək olanlar xeyli pul qazanırsa, elə fındıq sahibləri daha çox gəlirə, itkisiz məhsula nail olur.

Şəkilləri

Xarici keçidlər

İstinadlar

  1. Şəlalə Məhyəddinqızı, "Qəbələ Qafqazın incisi", Bakı, "Oğuz Eli", 2009.
  2. Ethno-Caucasus, Этнодемография Кавказа:
  3. Ethno-Caucasus, Этнодемография Кавказа:
  4. Azərbaycan Respublikasının Dövlət Statistika Komitəsi:
  5. Tərəfsiz (Parlament) Jurnalistlər Birliyinin bir media layihəsi—"Modern.az" internet portalı: ---yayınlanma tarixi: 17.02.2012


Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18