Mogilev Metallurgiya Zavodu ASC (belar. Магілёўскі металургічны завод) — Mogilyov şəhərində yerləşən metal borular, texniki hissələr, dəmiryolu xətləri, dəmir və polad məhsulları istehsal edən Belarus müəssisəsidir.
| Mogilyov Metallurgiya Zavodu | |
|---|---|
| Магілёўскі мэталюргічны завод[1] | |
 | |
| Ümumi məlumatlar | |
| Sənaye | Qara metallurgiya[2] |
| Məhsulları | Boru[3] |
| Təsis tarixi | 6 noyabr 1932[4] |
| Baş qərargahın yeri | |
| İqtisadi göstəriciləri | |
| Ümumi kapital |
|
| Ümumi aktivlər |
|
| Ümumi gəliri |
|
| Xalis mənfəəti |
|
| Struktur | |
| İşçi sayı |
|
| Ana şirkət | Belarus Metallurgiya Zavodu[8][9] |
| mmz.by/by/ | |
 Vikianbarda əlaqəli mediafayllar | |
Zavod 1929-1932-ci illərdə Mogilyovun şimal-şərq hissəsində qurulub və əvvəllər A.F.Myasnikov adına Mogilyov Tökmə Boru Zavodu adlanırdı. Zavodun ilk məhsulları çuqun su kəməri borularıdır.[10][11] 1932-1934-cü illərdə BSSR Xalq Komissarları Soveti yanında SSRİ Xalq Ağır Sənaye Komissarlığının, 1934-cü ildən isə Belarus Respublika Metal Emalı Sənayesi Trestinin tabeliyində olmuşdur[12] 1937-ci ildə metalyayan prokat sexi istifadəyə verildi. Böyük Vətən Müharibəsi illərində zavodun avadanlıqları təxliyə edilmişdi. 1947-ci ildə polad təbəqələrinin, 1948-ci ildə isə boruların istehsalına başlandı.[10] 1944-cü ilin iyun-noyabr aylarında zavod Belarus Respublika Aparat Sənayesi Trestinə, sonra Belmaşstankotrestə, 1946-cı ildən BSSR Yerli Sənaye Nazirliyinə tabe idi. 1953-cü ildə zavod artıq polad dam örtüklərinin istehsalını mənimsəmişdi. Elə həmin il boru tökmə zavodunun adı dəyişdirilərək metallurgiya zavoduna çevrildi. 1959-cu ildə zavod SSRİ-də ilk olaraq yarım-fasiləsiz üsulla çuqun su borularının istehsalına başlamışdı. 1957-1965-ci illərdə zavod BSSR Xalq Təsərrüfatı Şurasının tabeliyində olmuş, 1965-ci ildə yenidən Yerli Sənaye Nazirliyinin tabeliyinə keçmişdir. 1984-cü ildə zavod "Soyuztruostal" Ümumittifaq Sənaye Birliyinin tərkibinə daxil oldu. 1986-cı ildə zavodda boruların elektrik qaynaq üsulu ilə istehsalı üzrə ilk qurğu işə salındı. Həmin ildə diametri 400 mm olan çuqun borularınnın tökmə üsulu ilə hazırlanması mənimsənildi. 1991-ci ildə Belarus Respublikası Sənaye və Sahələrarası İstehsal üzrə Dövlət Komitəsinin, 1994-cü ildə Belarus Respublikası Sənaye Nazirliyinin tabeçiliyinə verildi. 1996-1997-ci illərdə zavod korporativləşdirildi, açıq səhmdar cəmiyyətinə çevrildi. Müəssisənin nizamnamə kapitalında Amerika şirkəti də iştirak etmişdi. 2003-cü ildə çuqun lyukların, 2004-cü ildə tökmə və çınqıl atma istehsalına yiyələnildi. 2006-cı ildə zavod hüquqi şəxs hüquqlarını saxlamaqla "Belarus Metallurgiya Zavodu" istehsalat birliyinin tərkibinə daxil oldu (2012-ci ildən açıq səhmdar cəmiyyəti formasında holdinqə çevrildi). 2013-2017-ci illərdə zavod dəmir yolu nəqliyyatı üçün sərbəst döymə üsulu ilə kobud oxların istehsalını mənimsəmişdi.[13][14]
Zavod müxtəlif təyinatlı dairəvi və profilli kəsikli elektrik qaynaqlı borular (o cümlədən su və qaz kəmərləri), dartma dəmiryolu xətləri, texniki hissələr, dəmir məmulatları, istehlak malları, döyülmüş polad parçaları istehsal edir[15]. 2017-ci ildə məhsulların 90%-i 22 ölkəyə ixrac edilib. 2017-ci ildə polad elektrik qaynaqlı boruların istehsalı ayda 6 min ton təşkil edib.[16] Şirkətin 980 işçisi var. 2007-ci ildə şirkətin səhmlərinin 56%-i dövlətə məxsus idi.[17]
- ↑ Belarusian section of Radio Free Europe/Radio Liberty (belar.). 2006.
- ↑ https://mmz.by/by/company/obshchaya-informatsiya/sistemy-menedzhmenta/politika-smk/ (belar.). 2025.
- ↑ https://mmz.by/by/catalog/truby/ (belar.). 2025.
- ↑ http://www.mmz.by/about/istorija/.
- ↑ http://www.mmz.by/rekvizity/.
- ↑ 1 2 3 4 https://mmz.by/upload/iblock/8cc/ycm0lk220sqwu10fxwksdvgyagsu3p8p.pdf. 2021.
- ↑ Belarusian section of Radio Free Europe/Radio Liberty (belar.). 2018.
- ↑ https://www.belsteel.com/about/sostav-holdinga-bmk.php.
- ↑ https://eng.belsteel.com/about/about-holding.php.
- ↑ 1 2 "История". 2020-05-21 tarixində arxivləşdirilib. İstifadə tarixi: 2020-05-31.
- ↑ Şablon:Книга:БелЭн
- ↑ Открытое акционерное общество «Могилевский металлургический завод» Arxivləşdirilib 2018-03-23 at the Wayback Machine на сайте «Архивы Беларуси» (Фондовый каталог государственных архивов Республики Беларусь)
- ↑ "Могилевский металлургический завод начал монтаж оборудования для производства черновых осей". 2020-08-22 tarixində arxivləşdirilib. İstifadə tarixi: 2020-05-31.
- ↑ "Могилевский металлургический завод наладил поставки в Россию черновой оси для ж/д транспорта". 2020-08-22 tarixində arxivləşdirilib. İstifadə tarixi: 2020-05-31.
- ↑ "Продукция". 2020-01-30 tarixində arxivləşdirilib. İstifadə tarixi: 2020-05-31.
- ↑ "Могилевский металлургический завод увеличил экспорт". director.by. 2020-08-15 tarixində arxivləşdirilib. İstifadə tarixi: 2022-05-19.
- ↑ "Могилевский металлургический завод увеличил производство стальных труб". naviny.media. 2023-07-29 tarixində arxivləşdirilib. İstifadə tarixi: 2022-05-19.