Merilin Stratern (ing. Marilyn Strathern; 6 mart 1941[1][2]) — Britaniyalı feminist antropoloq, əsasən Papua-Yeni Qvineyanın Maunt Haqen xalqı haqqında araşdırmış və Böyük Britaniyada reproduktiv texnologiyalar məsələləri ilə məşğul olmuşdur.)[4] O, 1993-2008-ci illərdə Kembric Universitetində sosial antropologiya üzrə Vilyam Vays professoru, 1998-2009-cu illərdə isə Kembricin Qirton Kollecinin rəhbəri olmuşdur.[5]
| Merilin Stratern | |
|---|---|
| Doğum tarixi | 6 mart 1941[1][2] (84 yaş) |
| İş yerləri |
|
| Üzvlüyü |
|
| Mükafatları |
 |
Merilin Stratern 6 mart 1941-ci ildə Uelsdə Erik Evans və Coys Evansın ailəsində anadan olmuşdur. O, ilk təhsilini Krofton Leyn ibtidai məktəbində almış, daha sonra Bromley Liseyində oxumuşdur. Stratern akademik sahədə uğur qazanıb, bu isə qismən müəllim olan anasının dəstəyi ilə mümkün olmuşdur. Məktəbdən sonra o, Qirton Kollecinə qəbul olunaraq Arxeologiya və Antropologiya üzrə təhsil almışdır. Daha sonra həmin kollecdə tədqiqatçı tələbə kimi fəaliyyət göstərmiş və 1968-ci ildə doktorantura dərəcəsini almışdır. 1964-cü ildə antropoloq Endryu Stratern ilə evlənmişdir, onların üç övladı olmuş, lakin sonradan ayrılmışdılar.[6]
Stratern karyerası ərzində Papua-Yeni Qvineya xalqı və feminist antropologiya sahəsində çalışıb. O, 1970-ci ildə Avstraliya Milli Universitetinin Yeni Qvineya Tədqiqat Bölməsində tədqiqatçı kimi fəaliyyətə başlayıb. 1976-1983-cü illərdə Qirton Kollecində, 1984-1985-ci illərdə isə Triniti Kollecində mühazirələr oxuyub, eyni zamanda ABŞ, Avropa və Avstraliyada, o cümlədən Kaliforniya Universitetində (Berkeley) qonaq mühazirələr verib.[7]
1985-ci ildə Kembrici tərk edərək Mançester Universitetində sosial antropologiya üzrə professor vəzifəsinə təyin olunub. 1993-cü ildə yenidən Kembricə qayıdaraq 2008-ci ilə qədər Vilyam Vays professoru vəzifəsini icra edib. 1998-2009-cu illərdə isə Qirton Kollecinin rəhbəri olub. O, həmçinin Nuffield Bioetika Şurasının üzvü olmuş və 2000-2006 və 2010-2011-ci illərdə "İnsan bədəni: tibb və elmi araşdırmalar üçün donorluq" adlı işçi qrupuna rəhbərlik edib.[8][9]
Straternin 1990-cı illərdəki araşdırmaları antropologiyada yeni reproduktiv texnologiyalar, məsələn, süni mayalanma ilə bağlı yeni bir alt sahənin yaranmasına səbəb olub.[10] Onun 1992-ci ildə nəşr olunan "After Nature: English Kinship in the Late 20th Century" və "Reproducing the Future: Essays on Anthropology, Kinship and the New Reproductive Technologies" adlı kitablarında o, mövcud təbiət və mədəniyyət modellərinin texnologiyanın bilavasitə reproduksiya üçün istifadə edilməsi ilə dəyişdiyini irəli sürüb. "Technologies of Procreation: Kinship in the Age of Assisted Conception" adlı həmmüəllif olduğu araşdırmada isə o və həmkarları, yeni reproduktiv texnologiyaların yayılması nəticəsində qohumluq və nəsil anlayışlarında dəyişikliklərin baş verəcəyini iddia ediblər. Bu tədqiqatlar nəticəsində "yeni qohumluq araşdırmaları" adlı sahə formalaşıb.[11]
Straternin tədqiqat sahələri Melaneziya mədəniyyəti və Böyük Britaniya cəmiyyətini əhatə edir. Onun Melaneziya ilə bağlı əsərləri gender münasibətləri, hüquq antropologiyası və feminist nəzəriyyələri mövzularına yönəlib, Böyük Britaniya ilə bağlı əsərləri isə qohumluq, audit mədəniyyəti və reproduktiv-genetik texnologiyaları araşdırır.
Straternin ən çox yazmaqdan zövq aldığı kitab 1991-ci ildə nəşr olunan "Partial Connections" adlı əsəridir. Lakin onun ən məşhur kitabı 1988-ci ildə nəşr olunan "The Gender of Gift" hesab olunur. Bu kitabda o, feminist yanaşmadan istifadə edərək, Papua-Yeni Qvineyada qadınların istismar edilmədiyini, əksinə, gender anlayışının orada fərqli şəkildə formalaşdığını iddia edir. O, həmçinin nəzəriyyələrin dominantlıq etdiyini vurğulayır və antropoloq kimi onlardan tamamilə ayrılmasa da, vəziyyəti "analiz deyil, bir növ nəql etdiyini" bildirir.
- ↑ 1 2 Deutsche Nationalbibliothek Record #130415774 // Ümumi tənzimləmə nəzarəti (GND) (alm.). 2012—2016.
- ↑ 1 2 Marilyn Strathern // SNAC (ing.). 2010.
- ↑ www.ae-info.org (ing.).
- ↑ "Birthdays", The Guardian, səh. 35, 2014
- ↑ Video Recording of Marilyn Strathern by Alan Macfarlane, 6 May 2009.
- ↑ University of Cambridge Arxivləşdirilib 15 mart 2013 at the Wayback Machine, Marilyn Strathern.
- ↑ "Past Mistresses - Girton College". Girton College. İstifadə tarixi: 1 March 2020.
- ↑ Girton College, 2010 Past Mistresses: Marilyn Strathern
- ↑ Association for Social Anthropology in Oceania Arxivləşdirilib 18 may 2013 at the Wayback Machine by Mark Maosko and Margaret Jolly, April.
- ↑ Nuffield Council on Bioethics Arxivləşdirilib 17 iyun 2012 at the Wayback Machine, 2012. "Past Council Members." London, England.
- ↑ American Anthropological Association, 2011. Inside the Presidents Studio - Marilyn Strathern.
- Shayna Loree Collins, 'Marilyn Strathern 1941-'
- List of Strathern's recent publications
- 'A Community of Critics' R.A.I. Huxley Memorial Lecture, given at University College, London, 8 December 2004 (film)
- interviewed by Alan Macfarlane 6 May 2009 (video)
- http://culanth.org/supplementals/403-the-decomposition-of-an-event
- Virtual Society? Get Real! Marilyn Strathern paper
- Summary of Marilyn Strathern on English kinship