Bu səhifənin düzgün adlandırılmaması və ya Azərbaycan dilində olmadığı, adın Azərbaycan dilinə düzgün tərcümə (transliterasiya) edilmədiyi və ya adlandırmada orfoqrafik səhvə yol verildiyi ilə bağlı şübhələr var. Bununla bağlı öz fikirlərinizi məqalənin müzakirə səhifəsində bildirin. Düzəliş etdikdən sonra bu şablonu məqalədən götürməyi unutmayın. |
Mehmanxana, hotel (fr. hôtel) və ya otel — Başqa yerdən gələn yolçuların, qonaqların və turistlərin müvəqqəti yaşaması üçün xüsusi təhcizatlı otaqları olan bina və ya obyekt.
.jpg)
Mehmanxanalar göstərdikləri xidmət və nömrələrin avadanlıqlarına görə müxtəlif siniflərə bölünürlər. Sadə, baha olmayan mehmanxanalar Azərbaycanda tarixən karvansara adlanıb.
Mehmanxana sözü mehman (fars. qonaq) və xana (fars. ev) sözlərinin birləşməsindən əmələ gəlib.
Hotel sözü fransız hôtel sözündən götürülüb, o isə öz növbəsində hôte (sahib) sözündən törənib. Kecmişdə, zadəgan və ya imkanlı şəxslərin səyahət vaxtı qaldıqları adı səhər evlərini belə (fr.hôtel particulier) adlandırırdılar. İlk vaxtlar, Orta əsrlərdə hôtel və hospital sözləri eyni funksiya danışığından bu sözlərin mənşəyi eynidir. İlk hospitallar məktəb, yataqxana, mehmanxana, xəstəxana funksiyalarını daşıyıb. Hôtellər isə imkanlı zadəganların getdikləri şəhərlərdə qalmaq, şəxsi qonaqlarını qəbul etməkçün özlərinə tikdirdikləri xüsusi şəxsi yaşayış binalarına verilən ad idi. Bu gün artıq fransız sözü olan hotel bütün dünyada eyni məna daşıyır və ancaq mehmanxana deməkdir. Sirkumfleks ilə yazılan hôtel sözü isə ancaq köhnə, keçmiş mənada işlənən obyektlərin və bir də toponimlərin yazılışında qalıb (məs. Parisdəki Hôtel-Dieu kimi).
İlk mehmanxanalar lap qədim dövrlərdə mühüm ticarət yollarının üstündə, yolçuların istirahəti, gecələməsi üçün yaranmışdir. Həmçinin yolçular burada öz at, dəvə və digər heyvanlarına da istirahət verə bilər və ya onları dəyişə bilirdilər. Şərqdə belə mehmanxanalar əsasən karvan yollarının üstündə yerləşdiyi, karvanların dayanacaq yeri olduğu və onlara qulluq etdikləri üçün karvansara[1][2] adlandırılmışdırlar.
Karvansaralar Asiya, Şimali Afrika və Cənub-Şərqi Avropanı, xüsusilə də İpək Yolu ərazisini əhatə edən ticarət yolları şəbəkəsi üzrə ticarət, məlumat və insanların hərəkətini təmin edən infrastruktur idi.[3][4] Çox vaxt kənd yerlərində kənd yolları boyunca yerləşən karvansaraların şəhər variantları da tarixən İslam dünyasının bütün şəhərlərində yayılmış və çox vaxt xanagah, qonaq evi başqa adlar ilə də adlandırılırmışdır.[5]
- ↑ // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.
- ↑ "Dictionary.com – caravansary". 12 December 2019 tarixində arxivləşdirilib. İstifadə tarixi: 31 January 2016.
- ↑ "Caravanserais: cross-roads of commerce and culture along the Silk Roads | Silk Roads Programme". en.unesco.org. 20 may 2020 tarixində arxivləşdirilib. İstifadə tarixi: 2020-06-17.
- ↑ "Caravanserai". National Geographic Society. 2019-07-23. 29 July 2020 tarixində arxivləşdirilib. İstifadə tarixi: 2020-06-17.
- ↑ M. Bloom, Jonathan; S. Blair, Sheila, redaktorlar Caravanserai // The Grove Encyclopedia of Islamic Art and Architecture. Oxford University Press. 2009. ISBN 978-0-19-530991-1.
Bu məqalə qaralama halındadır. Məqaləni edərək Vikipediyanı zənginləşdirə bilərsiniz. |