Marselo Zarvos

Marselo Uxoa Zarvos (1 may 1969^[1], San Paulo) — əslən yunan olan braziliyalı pianoçu və bəstəkardır.

O gənc yaşlarından etibarən klassik musiqiyə başlamışdır. O, Massaçusets ştatının Boston şəhərində yerləşən müstəqil musiqi konservatoriyası olan Berkli Musiqi Kollecində təhsil almışdır. Zarvos daha çox caz musiqisi və albomlarından birində bərabər işlədiyi saksofonçu Piter Epstein ilə musiqi karyerasında nailiyyətlər əldə etmişdir. O, Cessika Steynin öpüşü, Yerdəki qapı, Sin Nombre və Boynton çimərlik klubu kimi müxtəlif filmlərin saundtreklərini bəstələmişdir. O həmçinin Robert Pattinsonun baş rolda oynadığı "Məni yaddan çıxarma" filminin musiqisini bəstələmişdir. 14 fevral 2010-cu ildə onun oğlu olan Xulian Fransis Zarvos dünyaya gəlmişdir. Zarvosun həyat yoldaşı olan Canel Moloni aktrisadır. 2011-ci ildə o, baş rolda Vanessa Hudcensin oynadığı Beastly və Mel Gibson və Codi Fosterin oynadığı The Beaver filmlərinin musiqisini bəstələmişdir. Çirkli sirlər filmi üçün bəstələdiyi "Eduardın sirri" (ing. Edward's Secret) adlı bəstəsi, "Skripka" (ing. The Violin) və "Kreyq narahatlığı" (ing. Craig Worries) onun görkəmli əsərlərindən bəziləridir.