Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMeraya Amani Baklz (27 oktyabr 1997, Atlanta) — ABŞ-dən olan müğənni və bəstəkar. Sənət təxəllüsü "Mariah the Scientist"dir. 2019-cu ildə "One Umbrella" və "RCA Records" şirkətləri ilə əməkdaşlıq çərçivəsində "Master" adlı ilk studiya albomunu, 2021-ci ildə "Ry Ry World" adlı ikinci albomunu nəşr etdirmişdir. "Epic Records" şirkətinə keçdikdən sonra 2023-cü ildə "To Be Eaten Alive" (azərb. "Diri-diri udulmaq") adlı üçüncü studiya albomunu buraxmışdır. Bu albom ifaçının "Billboard 200" siyahısına ilk daxil olan işi olmuşdur.[3]
| Mariah the Scientist | |
|---|---|
 | |
| Ümumi məlumatlar | |
| Doğum adı | Mariah Amani Buckles[1] |
| Ləqəbi | Mariah the Scientist[2] |
| Doğum tarixi | 27 oktyabr 1997 (28 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2018-ci ildən |
| Janrlar | alternativ R&B[d] |
| mariahthescientist.com | |
 Vikianbarda əlaqəli mediafayllar | |
2025-ci ildə "Burning Blue" (azərb. "Şölələnən mavi") və Kali Uçis ilə birgə səsləndirdiyi "Is It a Crime" (azərb. "Bu qəbahətdirmi?") sinqlları "Billboard Hot 100" hit-paradında müğənninin əsas ifaçı kimi ilk qeydə alınmış əsərləridir. "Burning Blue" kompozisiyası çartın ilk 30 pilləsinədək irəliləmişdir. Bu iki musiqi əsəri ifaçının "Hearts Sold Separately" (azərb. "Qəlblər tək-tək alıcı gözləyir") adlı dördüncü studiya albomunun (2025) nəşrindən öncə təqdim edilmişdir.
M. Baklz Cənub-Qərbi DeKalb Orta Məktəbini vaxtından əvvəl bitirib, Nyu-York şəhərində yerləşən Müqəddəs Con Universitetində təhsil almışdır. Məqsədi uşaq anestezioloqu olmaq idi. Universitetin üçüncü kursunda təhsilini yarımçıq saxlayaraq, musiqi sahəsində fəaliyyətə başlamışdır. Bu qərarı barədə yalnız anasını məlumatlandırmış, yataqxanadakı şəxsi əşyalarını götürmədən təhsil müəssisəsini tərk etmişdir.[4]
M. Baklz yaradıcılığında "Outkast" və Frenk Ouşendən təsirlənmişdir. Realist düşüncəli atası ilə keçirdiyi illər onun mətn müəllifliyi tərzini formalaşdırmışdır.[5] Mətnlərində məhəbbət mövzusuna gerçəkçi mövqedən yanaşır.[6] Yaradıcılıq üsulunda Maykl Cekson, Prins və Vitni Hyuston kimi ifaçıların dəqiq iş prinsiplərini mənimsəmişdir.[7]
2021-ci ildə M. Baklz və Young Thug arasında şəxsi münasibətlərin mövcudluğu barədə məlumatlar yayılmağa başlamışdır. Young Thug həbs edildikdən sonra M. Baklz məhkəmə proseslərində iştirak etmiş, konsert çıxışlarında "Thugger-a azadlıq!" ifadəsini səsləndirmiş və ona "daddy" deyə xitab etmişdir.[8][9][10]
2024-cü il mayın 2-də M. Baklz hüquq-mühafizə orqanları tərəfindən saxlanılmışdır. Saxlanılmaya səbəb 2024-cü il martın 28-də Corciya ştatının Atlanta şəhərindəki gecə əyləncə məkanında fiziki zorakılıq və sadə zorakılıq hadisəsi olmuşdur. İttihama əsasən, o, məkanda olan qadına qarşı hücum törətmişdir.[11][12] Məhkəmə qərarı ilə 5000 ABŞ dolları məbləğində girov təyin edilmiş və təqsirləndirilən şəxs (M. Baklz) girov müqabilində sərbəst buraxılmışdır.[13]
Studiya albomları
- Master (2019)
- Ry Ry World (2021)
- To Be Eaten Alive (2023)
- Hearts Sold Separately (2025)
- ↑ Moghadam M. Mariah the Scientist // Genius (ing.). 2009.
- ↑ Discogs (ing.). 2000.
- ↑ Lamarre, Carl. "Mariah The Scientist Signs With Epic Ahead of New Album 'To Be Eaten Alive'". Billboard. 13 oktyabr 2023.
- ↑ LADYGUNN. "MARIAH THE SCIENTIST TALKS NEW ALBUM, ANIMALS, SENSITIVITY & DETACHMENT". LADYGUNN (ingilis). 29 avqust 2023. İstifadə tarixi: 24 aprel 2025.
- ↑ "Interview: Mariah the Scientist, Get to Know Her Musical Evolution". Glittermagrocks.com. 15 noyabr 2019. İstifadə tarixi: 28 yanvar 2020.
- ↑ LADYGUNN. "MARIAH THE SCIENTIST TALKS NEW ALBUM, ANIMALS, SENSITIVITY & DETACHMENT". LADYGUNN (ingilis). 29 avqust 2023. İstifadə tarixi: 24 aprel 2025.
- ↑ "Mariah the Scientist Dares You to Eat Her Alive". Office Magazine (ingilis). 30 oktyabr 2023. İstifadə tarixi: 24 aprel 2025.
- ↑ Marie, Erika. "Mariah The Scientist Shows Off Young Thug's Romantic Gesture From Jail". HotNewHipHop. 1 avqust 2022. İstifadə tarixi: 15 aprel 2023.
- ↑ Meyer, Evelyn. "Mariah The Scientist Tweets About Her Longing For Young Thug". HotNewHipHop. 12 mart 2023. İstifadə tarixi: 15 aprel 2023.
- ↑ Saponara, Michael. "Drake Slams Release of Young Thug & Mariah the Scientist's Jail Call: 'This Gotta Be Some Form of … Misconduct'". Billboard (ingilis). 25 yanvar 2024. İstifadə tarixi: 3 noyabr 2024.
- ↑ Guglielmi, Jodi. "Mariah the Scientist Arrested After Alleged Altercation in Atlanta Club". Rolling Stone (ingilis). 3 may 2024. İstifadə tarixi: 23 may 2024.
- ↑ Saponara, Michael. "Mariah the Scientist Arrested for Battery in Alleged Atlanta Nightclub Altercation". Billboard (ingilis). 3 may 2024. İstifadə tarixi: 23 may 2024.
- ↑ "Mariah the Scientist arrested after allegedly dragging woman in Atlanta club". Fox (ingilis). 3 may 2024. İstifadə tarixi: 23 may 2024.