Kənan Şakir oğlu Kərimzadə (1989, Bərdə) — Azərbaycan Respublikası elm və təhsil nazirinin müavini (2023-cü ildən).
| Kənan Kərimzadə | |
|---|---|
  | |
Vəzifədədir | |
| 25 dekabr 2023-cü ildən | |
| Prezident | İlham Əliyev |
| Baş nazir | Əli Əsədov |
| Nazir | Emin Əmrullayev |
| Şəxsi məlumatlar | |
| Doğum tarixi | 1989 |
| Doğum yeri | |
| Təhsili | |
|
|
|
| Təltifləri |
 |
Kənan Kərimzadə 1989-cu ildə Bərdə şəhərində anadan olub. 2006–2010-cu illərdə Azərbaycan Dövlət İqtisad Universitetinin Xüsusi İstedadlar Qrupunda təhsil alıb, bakalavriat səviyyəsini maliyyə və kredit ixtisası üzrə fərqlənmə diplomu ilə bitirib. 2010-cu ilin fevral-aprel aylarında ABŞ-nin Dyuk Universitetinin Beynəlxalq İnkişaf Mərkəzi tərəfindən keçirilən "İqtisadi inkişaf üçün tətbiqi dövlət maliyyəsi" kursunu bitirib. 2011–2012-ci illərdə "Edmund S. Muskie Mübadilə Proqramı" çərçivəsində Nyu-Yorkda yerləşən Fordham Universitetində "Beynəlxalq siyasi iqtisad və inkişaf" proqramında təhsil alıb.[1]
2017–2019-cu illərdə ABŞ-nin CFA İnstitutunun "İnvestisiyaların idarə edilməsi" proqramını bitirib və xartiyalı maliyyə təhlilçisi (CFA Charterholder) beynəlxalq akkreditasiyasını əldə edib.[1]
Ailəlidir, üç övladı var.
Kənan Kərimzadə 2013–2016-cı illərdə "Capital Motors" MMC-də maliyyə və təhlil üzrə mütəxəssis, 2016–2019-cu illərdə "PMD Group" MMC-də investisiyalar üzrə baş mütəxəssis, investisiyalar üzrə rəhbər, departament menecerinin müavini, 2019–2020-ci illərdə isə Strateji planlaşdırma və təhlil sektorunun müdiri vəzifələrində çalışıb.[1]
2020–2021-ci illərdə Elm və Təhsil Nazirliyində nazirin müşaviri vəzifəsində işləyib. 2021-ci ildən Təhsilin iqtisadiyyatı şöbəsinin müdiri vəzifəsində fəaliyyət göstərib.[1] 2023-cü ilin fevral-may aylarında nazirliyin Aparat rəhbəri vəzifəsini icra edib.[2]
Təhsil sahəsində islahatların aparılmasına, idarəetmənin təkmilləşməsinə, təhsilin iqtisadiyyatı və maliyyələşməsi sahəsində yeni mexanizmlərin, Ortamüddətli Xərclər Çərçivəsinin (OMXÇ) və nəticəəsaslı büdcələmənin tətbiqinə töhfələr vermişdir.[3]
25 dekabr 2023-cü ildə Azərbaycan Prezidenti İlham Əliyevin müvafiq sərəncamı [4]ilə Kənan Kərimzadə elm və təhsil nazirinin müavini təyin edilib.[1]
Azərbaycan Respublikası Prezidenti İlham Əliyevin 2024-cü il 2 fevral tarixli 4289 nömrəli Sərəncamı ilə Kənan Kərimzadə "Heydər Əliyevin 100 illiyi (1923–2023)" yubiley medalına[5] layiq görülmüşdür.[6]
“Azərbaycan Respublikasının 2022–2026-cı illərdə sosial-iqtisadi inkişaf Strategiyası” çərçivəsində yaradılmış “İnsan kapitalı və təhsil” İşçi Qrupunun rəhbəridir.[1] Təhsil Tələbə Krediti Fondunun Himayəçilər Şurasının sədridir.[7]
- ↑ 1 2 3 4 5 "Elm və təhsil nazirinə yeni müavin təyin olunub". Report İnformasiya Agentliyi (az.). 2023-12-25. 2023-12-25 tarixində arxivləşdirilib. İstifadə tarixi: 2023-12-25.
- ↑ "Emin Əmrullayev nazir müavininin yerinə onu TƏYİN ETDİ". Milli.Az (az.). 2023-02-16. 2023-12-25 tarixində arxivləşdirilib. İstifadə tarixi: 2023-12-25.
- ↑ ""Təhsil sektorunda Ortamüddətli Xərclər Çərçivəsinin (OMXÇ) tətbiqi və nəticəəsaslı büdcə mexanizminə keçid" mövzusunda seminar". Azərbaycan Respublikası Elm və Təhsil Nazirliyi (az.). İstifadə tarixi: 2024-05-12.
- ↑ Crocusoft. "E-QANUN". e-qanun.az (ingilis). 2025-01-25 tarixində arxivləşdirilib. İstifadə tarixi: 2024-12-16.
- ↑ ""Heydər Əliyevin 100 illiyi (1923–2023)" yubiley medalı".
- ↑ "Elm və təhsil işçilərinə "Heydər Əliyevin 100 illiyi (1923–2023)" yubiley medalı təqdim edilib". Azərbaycan Respublikası Elm və Təhsil Nazirliyi (az.). 2024-05-07 tarixində arxivləşdirilib. İstifadə tarixi: 2024-05-12.
- ↑ "Təhsil Tələbə Krediti Fondu". ttkf.edu.az (az.). 2024-09-10 tarixində arxivləşdirilib. İstifadə tarixi: 2024-09-27.