Bu səhifənin Abşeron (mehmanxana) olaraq adlandırılması təklif edilir. |
Bu məqalə və ya bölmə reklam xarakteri daşıyır. |
"JW Marriott Absheron" — Azərbaycan Respublikasının paytaxtı olan Bakı şəhərində beşulduzlu mehmanxana. “JW Marriott”a məxsusdur.
| JW Marriott Absheron | |
|---|---|
 | |
 | |
| 40°22′27″ şm. e. 49°51′22″ ş. u.HGYO | |
| Ölkə |
 Azərbaycan |
| Şəhər | Bakı |
| Tikilmə tarixi | 2012 |
| Mərtəbə sayı | 21 |
| Memarlıq quruluşu | Modern |
| Vəziyyəti | Fəaliyyət göstərir |
  JW Marriott Absheron |
|
 Vikianbarda əlaqəli mediafayllar | |
Köhnə “Abşeron” mehmanxanasının yerində tikilən yeni “JW Marriott Absheron” hoteli dünya şöhrətli “Marriott International” şirkətinin Azərbaycan Respublikasındakı ilk mehmanxanasıdır. Bakıda beynəlxalq səviyyəli bu cür mehmanxanaların tikilməsi Azərbaycanda turizmin inkişafının istər yerli, istərsə də xarici şirkətlər üçün yaradılan əlverişli investisiya mühitinin bariz göstəricisidir.[1] Mehmanxana öz tarixi “Abşeron” adını da saxlamışdır. Çünki 1980-ci illərdə burada “Abşeron” mehmanxanasının tikilməsi o dövr üçün böyük hadisə idi.[1]
Mehmanxanada otaqların layihələndirilməsi və tərtibatı zamanı Azərbaycanın təbiəti, memarlıq abidələri, eləcə də Xəzər dənizinin elementləri öz əksini tapmışdır. Mehmanxanada yüksək kateqoriyalı “Executive studio”, “Executive Deluxe”, “Executive Premier” və “President luxe” də daxil olmaqla ümumilikdə 243 geniş otaq vardır.[1]
Hoteldə şərq mətbəxinin təamlarının təklif edildiyi “Fireworks Oriental Kitchen”, İtaliya mətbəxinin nümunələri olan “OroNero Bar & Ristorante” restoranları, “Razzmatazz Cocktail & Lounge” barı və “Zest Lifestyle” kafesi vardır. Burada, həmçinin Azadlıq meydanı tərəfdən xüsusi girişi olan restoranlar, bar və kafe fəaliyyət göstərir.[1]
Mehmanxananın binasının üst üç mərtəbəsini əhatə edən “Abşeron Spa” mərkəzində qonaqlar Bakının və Xəzər dənizinin füsunkar mənzərəsini seyr etmək imkanına malikdirlər. Mərkəzdə altı prosedura otağı, daxili hovuz, buxar otağı və sauna vardır.[1]
İşgüzar görüşlər və konfransların keçirilməsi üçün hoteldə təbii günəş işığı ilə işıqlandırılan 13 iclas zalı vardır. Hotelin mirvarisi hesab olunan 1208 kvadratmetrlik sütunsuz “Şərq” zalında böyük tədbirlərin, sərgilərin və digər mərasimlərin keçirilməsi üçün hər cür şərait yaradılmışdır.[1]
Mehmanxananın həyətindən dənizkənarı bulvara çıxan yeraltı keçid tikilmişdir.
Azərbaycan Respublikasının Prezidenti İlham Əliyev və xanımı Mehriban Əliyeva 1 aprel 2012-ci il tarixində “JW Marriott Absheron” hotelinin açılışında iştirak ediblər.[1]
2012-ci ilin may ayının 14-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən "Avroviziya - 2012"-yə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 10000 ədəd olan həmin markalardan birinin üzərində “JW Marriott Absheron” hotelinin təsviri verilmişdir[2].
- ↑ 1 2 3 4 5 6 7 İlham Əliyev Bakıda “JW Marriott Absheron” otelinin açılışında iştirak etmişdir Arxivləşdirilib 2018-04-07 at the Wayback Machine. president.az, 01.04.2012 (az.)
- ↑ 14.05.2012. "Eurovision - 2012" song contest. Arxivləşdirilib 2016-04-21 at the Wayback Machine azermarka.az (az.)
- “Abşeron“niyə sökülür? Arxivləşdirilib 2020-06-07 at the Wayback Machine