Halina Hatçins (ing. Halyna Hutchins; ukr. Галина Хатчінс, Halına Xatçins) və ya doğum adı ilə Halina Anatolyevna Androsoviç (ukr. Галина Анатоліївна Андросович, Halına Anatoliivna Androsovıç;[5][6] 9 aprel 1979[1] – 21 oktyabr 2021[2], Albukerke, Nyu-Meksiko[2]) — ABŞ kinooperatoru və təhqiqatçı jurnalisti.[7] Onun iştirakı ilə otuzdan çox tammetrajlı və qısametrajlı film, eləcə də teleserial çəkilmişdir.[8]
| Halina Hatçins | |
|---|---|
| Doğum adı | Галина Анатоліївна Андросович[3] |
| Doğum tarixi | 9 aprel 1979[1] |
| Vəfat tarixi | 21 oktyabr 2021[2] (42 yaşında) |
| Vəfat yeri | |
| Vəfat səbəbi | güllə yarası[d][2] |
| Dəfn yeri | |
| Uşağı | 1 |
| Fəaliyyəti | kinematoqraf, araşdırmaçı-müxbir |
| Fəaliyyət illəri | 2006–2021 |
| Təhsili | |
| IMDb | ID5035099 |
| halynahutchinsdp.com | |
21 oktyabr 2021-ci ildə "Rust" filminin çəkilişləri zamanı Halina Hatçins təsadüfən əsl silahdan atılan güllə nəticəsində vurularaq öldürülmüşdür. Silah çəkiliş rekviziti kimi istifadə olunurdu. Silahdan məsul olan çəkiliş meydançasının silah ustası Hanna Quterres-Rid silahı lazımi şəkildə yoxlamamışdı. Bu halda silahı aktyor və prodüser Alek Bolduin işlətmişdi.
Halina Anatolyevna Androsoviç 1979-cu ildə Ukrayna SSR-in Jitomir vilayətinin Qorodets kəndində anadan olmuşdur.[9][5] Onun atası Anatoli Androsoviç Murmansk şəhərində xidmət etmiş hərbi dənizçi idi.[5] Hatçinsin anasının adı Olqa idi,[6] bacısı Svetlana[10] isə İndoneziyada yaşayır.[11] Halinanın ailəsi uzun müddət Arktikadakı SSRİ hərbi bazasında yaşadıqdan sonra Ukraynaya qayıtmışdır.[5]
Hatçins 2001-ci ildə Ukrayna Milli Aqrar Universitetini fərqlənmə ilə bitirmişdir.[5] O, daha sonra Kiyev Milli Universitetində "beynəlxalq jurnalistika" ixtisası üzrə təhsil almışdır.[12]
Kino karyerasına başlamazdan əvvəl Hatçins Şərqi Avropada jurnalist kimi çalışmış, Birləşmiş Krallıqda sənədli filmlər üzərində işləmişdir. O, kino karyerasına fokuslanmaq üçün ABŞ-yə köçmüşdür. Hatçins 2013–2015-ci illərdə Amerika Kino İnstitutunun konservatoriyasında təhsil almışdır və burada onun mentoru Stiven Laythill olmuşdur. Onun rejissor [[Rayan FarzadÇç ilə birgə çəkdiyi diplom layihəsi "Gizli" "Camerimage" beynəlxalq kino festivalında nümayiş etdirilmişdir.[7]
O, Metyu Hatçins ilə evlənmişdir. Hatçinsin oğlu Andros 2013-cü və ya 2014-cü ildə anadan olmuşdur.[10]
Hatçins 2018-ci ildə qadın kinematoqrafçılar üçün daha çox imkan yaratmaq məqsədilə təsis edilmiş "Fox DP Lab" proqramında iştirak edən ilk səkkiz qadın kinematoqrafçıdan biri olmuşdur.[13] 2019-cu ildə "American Cinematographer" jurnalı onu kinematoqrafiyanın "yüksələn ulduzu" adlandırmışdır [7] Hatçins 2020-ci ildə Adam İdjipt Mortimerin "Maks Fist" filminin baş operatoru olmuşdur.[14]
21 oktyabr 2021-ci ildə Nyu-Meksiko ştatının Santa-Fe şəhərində "Rast" vestern filminin çəkilişləri zamanı Halina Hatçins aktyor Alek Bolduin tərəfindən ölümcül yaralanmışdıt. Alek Bolduinin çəkiliş zamanı istifadə etdiyi silah döyüş patronları ilə dolu idi. Sinə nahiyəsindən aldığı yara nəticəsində Halina Hatçins Albukerke xəstəxanasına aparılan zaman yolda vəfat etmişdir. Halina Hatçins ilə birlikdə rejissor Coel Souza da yaralanmış, lakin onun yarası ölümcül olmamışdır.[12][14][15]
23 oktyabr axşamı Albukerkedə yerləşən "Civic Plaza"da operatorun xatirəsinə şam yandırma mərasimi keçirilmişdir. Aksiyanı Beynəlxalq Teatr Səhnəsi İşçiləri İttifaqları Alyansının "IATSE Local 600" və "IATSE Local" 480 bölmələri təşkil etmişdir.[11]
2021-ci ilin oktyabrında Halina Hatçinsin vəfatından sonra onun müəllimləri və Amerika Kino İnstitutundan olan dostları qadın kinematoqrafçıların təhsilini dəstəkləmək məqsədilə Halina Hatçins Xatirə Təqaüd Fondunu təsis etmişdilər.[16] Halinanın dul qalmış əri Mett Hatçins bu layihəni təsdiqləmiş və onun xatirəsini anmaq istəyənləri fonda ianə etməyə çağırmışdır.[17]
Hatçinsin ölümü çəkiliş meydançalarında silah təhlükəsizliyi islahatlarına çağırışlara ilham vermişdir. Polis proseduralı "Yeni başlayan" serialının prodüseri Aleksi Houli]ş Hatçinsin ölümündən sonra serialda bütün döyüş silahlarının straykbol silahları və kompüter effektləri ilə əvəzlənəcəyini təsdiqləmişdir.[18] ABŞ superqəhrəman serialı "Oğlanlar"ın şou-ranneri Erik Kripke də öz şousunda boş və odlu silahların istifadəsini qadağan etməyə söz vermişdir.[19]. Kinorejissor Bandar Albulivi sonradan çəkiliş meydançalarında əsl silahların istifadəsinin tamamilə qadağan edilməsini təklif etmişdir. Onun "Halina qanunu"nun yaradılması ilə bağlı vəsatətini aktrisa və rejissor Oliviya Vayld dəstəkləmişdir.[20]
- ↑ 1 2 Halyna Hutchins (ing.). 2021. Vol. 92, Iss. 10. P. 92.
- ↑ 1 2 3 4 5 Alec Baldwin Fired Prop Gun That Killed Cinematographer Halyna Hutchins, Injured Director (ing.). New York, Los Angeles, CA: Penske Media Corp., 2021. ISSN 0042-2738
- ↑ 1 2 Кушнір М., Лазур В., Холодов П. Яким було життя загиблої кінооператорки Галини Хатчінс – відео. Praqa: 2021.
- ↑ Unfall bei Dreharbeiten: Alec Baldwin erschießt Kamerafrau // BR24 (22.10.2021).
- ↑ 1 2 3 4 5 "«Три освіти, сила і талант»: що відомо про Галину Хатчінс, яку застрелив на зйомках Алек Болдуїн" (ukrayna). Радио «Свобода». 2021-10-22. 2021-10-22 tarixində arxivləşdirilib. İstifadə tarixi: 2021-10-22.
- ↑ 1 2 "'SOMEONE WILL PAY FOR THIS' Halyna Hutchins' distraught family demands answers after cinematographer is shot dead by Alec Baldwin on set". 2021-11-01 tarixində arxivləşdirilib. İstifadə tarixi: 2021-11-01.
- ↑ 1 2 3 "Rising Stars of Cinematography 2019 - The American Society of Cinematographers". ascmag.com. American Cinematographer. 2019-03-23 tarixində arxivləşdirilib. İstifadə tarixi: 2021-10-22. (#apostrophe_markup)
- ↑ Rottenberg, Josh. "Cinematographer Halyna Hutchins killed by a prop gun, just as her career was taking off". Los Angeles Times. 2021-10-22. 2021-10-22 tarixində arxivləşdirilib. İstifadə tarixi: 2021-10-22.
- ↑ 1 2 3 Rahman, Abid. "Cinematographer Halyna Hutchins Dies at 42 After Prop Gun Incident on Alec Baldwin Film". The Hollywood Reporter. 2021-10-22. 2021-10-22 tarixində arxivləşdirilib. İstifadə tarixi: 2021-10-22.
- ↑ 1 2 "Отец оператора, погибшей на съемках фильма «Раст», не винит Болдуина в ее смерти". 2021-11-01 tarixində arxivləşdirilib. İstifadə tarixi: 2021-11-01.
- ↑ 1 2 "Family of Halyna Hutchins mourns slain cinematographer as investigation into 'Rust' film set shooting continues". 2021-11-01 tarixində arxivləşdirilib. İstifadə tarixi: 2021-11-01.
- ↑ 1 2 "Выстрелы актера Алека Болдуина во время съёмок привели к гибели оператора и ранению режиссёра" (rus). «Русская служба Би-би-си». 2021-10-22. 2021-10-23 tarixində arxivləşdirilib. İstifadə tarixi: 2021-10-22.
- ↑ Evans, Greg. "Fox DP Lab Announces Inaugural Class Of Eight Female Cinematographers". Deadline. 2018-11-08. 2018-11-08 tarixində arxivləşdirilib. İstifadə tarixi: 2021-10-22.
- ↑ 1 2 "Alec Baldwin fatally shoots woman with prop gun on movie set". BBC News. 2021-10-22. 2021-10-22 tarixində arxivləşdirilib. İstifadə tarixi: 2021-10-22.
- ↑ Grand Jury Indicts Alec Baldwin In Fatal Shooting Of 'Rust' Movie Cinematographer [1] Arxiv surəti 20 yanvar 2024 tarixindən Wayback Machine saytında
- ↑ "Halyna Hutchins Memorial Scholarship Fund". 2021-10-26 tarixində arxivləşdirilib. İstifadə tarixi: 2021-10-23.
- ↑ Lattanzio, Ryan. "'Rust' Director Joel Souza 'Gutted by the Loss' of Halyna Hutchins After Tragedy on Alec Baldwin Set". IndieWire. 2021-10-23. 2021-10-23 tarixində arxivləşdirilib. İstifadə tarixi: 2021-10-23.
- ↑ Brisco, Elise. "ABC's 'The Rookie' bans live guns on set following fatal 'Rust' incident: 'An easy decision'". 2021-10-26 tarixində arxivləşdirilib. İstifadə tarixi: 2021-10-26.
- ↑ SMITH, SARAH. "The Boys Showrunner Vows to Never Use Blanks After Baldwin Film Shooting". 2021-10-26 tarixində arxivləşdirilib. İstifadə tarixi: 2021-10-26.
- ↑ Wiseman, Andreas. "Halyna Hutchins Death: Petition To Ban Real Guns On Film Sets Races Past 23,000 Signatories; California Senator Vows Ammunition Legislation". 2021-10-26 tarixində arxivləşdirilib. İstifadə tarixi: 2021-10-26.
- ↑ 1 2 3 4 Breznican, Anthony. "Alec Baldwin Discharged Gun That Killed Cinematographer, Sheriff's Department Says". Vanity Fair (ingilis). Condé Nast. 2021-10-22. 2021-10-23 tarixində arxivləşdirilib. İstifadə tarixi: 2021-10-22. (#apostrophe_markup)
- ↑ "Quem foi Halyna Hutchins, diretora de fotografia morta por Alec Baldwin em acidente de set". Istoé (portuqal). 2021-10-22. 2021-10-23 tarixində arxivləşdirilib. İstifadə tarixi: 2021-10-23.
- ↑ 1 2 Ali, Rasha. "Halyna Hutchins killed after 'horrifying' prop gun misfire; Joe Manganiello, more pay tribute" (ingilis). USA Today. 2021-11-03 tarixində arxivləşdirilib. İstifadə tarixi: 2021-10-22. (#apostrophe_markup)
- ↑ James, Meg. "'Rust' producers wrap set for shooting investigation, calling it a 'pause'". Los Angeles Times. 2021-10-24. 2021-10-26 tarixində arxivləşdirilib. İstifadə tarixi: 2021-10-25.