Həsənağa Nazim oğlu Rzayev (5 avqust 1977, Bakı) — Sərbəst güləş növü üzrə Azərbaycan Respublikasının İdman Ustası (1999),[1] Azərbaycan çempionu, Beynalxalq turnirlərin qalibi, Avropa çempionatının iştirakçısı, DİN-nin “Dinamo” İdman cəmiyyətində güləş üzrə məşqçi (2001–2003),[1] Azərbaycan Respublikası Milli Olimpiya Komitəsinin idman idarəsinin müdiri (2009),[1] MOK Olimpiya Gündəliyi-2020 Komissiyasının üzvü (2016),[2] Azərbaycan Basketbol Federasiyasının vitse-prezidenti (2017-2021),[3] MOK-un İdman Komitəsinin idarə heyətinin üzvü (2019),[1] Azərbaycan Deflimpiya Komitəsinin idman idarəsinin müdiri (2024),[4] Avropa Olimpiya Komitələrinin E-sport Komissiyasının üzvü (2025).[5]
| Həsənağa Rzayev | |
|---|---|
 | |
Vəzifədədir | |
| 2009-cu ildən | |
Azərbaycan Basketbol Federasiyasının vitse-prezidenti | |
| 2017 – 2021 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan |
| Vətəndaşlığı |
 Azərbaycan |
| Təhsili | Azərbaycan Dövlət Bədən Tərbiyəsi və İdman Akademiyası |
| Fəaliyyəti | Şöbə müdiri |
.svg){kind=small}
Həsənağa Rzayev 5 avqust 1977-ci ildə Bakı şəhərində ziyalı ailəsində anadan olub. 1984-cü ildə Bakı şəhəri İlqar İbrahimov adına 167 saylı tam orta məktəbdə, 1994-cü ildə isə 72 saylı məktəb-liseydə orta təhsilini bitirmişdir. 1995-1999-cu illərdə Azərbaycan Dövlət Bədən Tərbiyəsi və İdman Akademiyasında, 2006-2009-cu illərdə isə Azərbaycan Memarlıq və İnşaat Universitetində bakalavr pilləsi üzrə təhsil almışdır. 1999-2000-ci illərdə Azərbaycan Respublikası Daxili Qoşunlarında DİN-nin “Dinamo” İdman Cəmiyyətində hərbi xidmət keçmişdir.[1]
Ailəlidir. 3 övladı var.
1999-cu ildə sərbəst güləş növü üzrə Azərbaycan Respublikasının idman ustası normasını yerinə yetirib.[1] 2001-2003-cü illərdə DİN-nin “Dinamo” İdman cəmiyyətində güləş üzrə məşqçi vəzifəsində çalışıb. 2003-2009-cu illərdə British Petroleum (BP) şirkətində sürücü-koordinator kimi fəaliyyət göstərib. 2017-2021-ci illərdə Azərbaycan Basketbol Federasiyasının vitse-prezidenti vəzifəsində çalışıb.[6] 2009-cü il 10 noyabr tarixindən etibarən Azərbaycan Respublikası Milli Olimpiya Komitəsinin,[1] 2024-cü ildən isə Azərbaycan Deflimpiya Komitəsinin idman idarəsinin müdiri vəzifəsində çalışır.[7]
2017-ci ildə Amerika Birləşmiş Ştatlarının “İVLP-Sport Managment and Sports as a Tool for Sosial Change in the US” adlı beynəlxalq təcrübə proqramında iştirak edib.
2019-cu ildə MOK-un İdman Komitəsinin idarə heyətinin,[1] 2016-cı ildən MOK Olimpiya Gündəliyi-2020 Komissiyasının,[8] 2025-ci ildən Avropa Olimpiya Komitəsinin E-sport Komissiyasının üzvüdür.[9]
2011-ci ildə Türkiyənin Trabzon şəhərində keçirilən XI Avropa Gənclər Yay Olimpiya Festivalının (EYOF) missiya rəhbərinin köməkçisi, 2012-ci ildə İngiltərənin paytaxtı Londonda keçirilən XXX Yay Olimpiya Oyunlarının, 2013-cü ildə İndoneziyanın Palembanq şəhərində keçirilən İslam Həmrəyliyi Oyunlarının nümayəndə rəsmisi, 2015-ci ildə Gürcüstanın paytaxtı Tbilisidə keçirilən Avropa Gənclər Yay Olimpiya Festivalının (EYOF) missiya rəhbərinin köməkçisi, Bakı-2015 Avropa Oyunlarının nümayəndə rəsmisi, 2016-cı ildə Braziliyanın Rio-de-Janeyro şəhərində keçirilən XXXI Yay Olimpiya Oyunları nümayəndə rəsmisi, 2017-ci ildə Bakıda keçirilən İslam Həmrəyliyi Oyunlarının nümayəndə rəsmisi, 2018-ci ildə Koreyanın Pxençxan şəhərində keçirilən XXIII Qış Olimpiya Oyunlarının,[10] Argentinanın paytaxtı Buenos-Ayres şəhərində keçirilən Gənclərin Olimpiya Oyunlarının nümayəndə rəsmisi, 2019-cu ildə Bakıda keçirilən Avropa Gənclər Yay Olimpiya Festivalının (EYOF) missiya rəhbəri,[11] Belarusun paytaxtı Minsk şəhərində keçirilən II Avropa Oyunlarının rəhbər köməkçisi,[12] Qətərin paytaxtı Dohada keçirilən I Çimərlik Oyunlarının missiya rəhbəri,[13] 2021-ci ildə Yaponiyanın paytaxtı Tokioda keçirilən XXXII Yay Olimpiya Oyunlarının missiya rəhbərinin müavini, 2025-ci ildə Makedoniyanı paytaxtı Skopyedə keçirilən Avropa Gənclər Yay Olimpiya Festivalının (EYOF) rəsmi nümayəndəsi kimi iştirak edib.[14]
- ↑ 1 2 3 4 5 6 7 8 "Haqqımızda". 15 iyul 2021 tarixində arxivləşdirilib. İstifadə tarixi: 10 dekabr 2025.
- ↑ "MOK-un "Olimpiya Gündəliyi 2020" Komissiyasının iki illik fəaliyyəti üzrə iclas keçirilib". İstifadə tarixi: 9 dekabr 2025.
- ↑ "Həsənağa Rzayev Basketbol federasiyasının vitse-prezidenti təyin olunub". 17 dekabr 2016 tarixində arxivləşdirilib. İstifadə tarixi: 9 dekabr 2025.
- ↑ "MOK rəsmisinə başqa qurumda iş verildi – FOTO". 14 fevral 2025 tarixində arxivləşdirilib. İstifadə tarixi: 9 dekabr 2025.
- ↑ "MOK-un iki üzvü AOK-un müxtəlif komissiyalarına üzv seçilib". 8 iyul 2025 tarixində arxivləşdirilib. İstifadə tarixi: 9 dekabr 2025.
- ↑ "Yeni təyinat". 18 yanvar 2022 tarixində arxivləşdirilib. İstifadə tarixi: 9 dekabr 2025.
- ↑ "MOK rəsmisinə başqa qurumda iş verildi – FOTO". 14 fevral 2025 tarixində arxivləşdirilib. İstifadə tarixi: 9 dekabr 2025.
- ↑ "MOK-un "Olimpiya Gündəliyi 2020" Komissiyasının iki illik fəaliyyəti üzrə iclas keçirilib". İstifadə tarixi: 9 dekabr 2025.
- ↑ "MOK-un iki üzvü AOK-un müxtəlif komissiyalarına üzv seçilib". 9 dekabr 2025 tarixində [hhttps://web.archive.org/web/20251209131106/https://www.olympic.az/news/mok-un-iki-uzvu-aok-un-muxtelif-komissiyalarina-uzv-secilib arxivləşdirilib]. İstifadə tarixi: 9 dekabr 2025.
- ↑ "Cənubi Koreyada Azərbaycan bayrağı qaldırıldı - Foto". 10 dekabr 2025 tarixində arxivləşdirilib. İstifadə tarixi: 10 dekabr 2025.
- ↑ "Həsənağa Rzayev: "Komanda idman növlərində mübarizə çox çətin olacaq"". 10 dekabr 2025 tarixində arxivləşdirilib. İstifadə tarixi: 10 dekabr 2025.
- ↑ "Minsk şəhərində II Avropa Oyunlarının iclası keçirilir". 7 dekabr 2022 tarixində arxivləşdirilib. İstifadə tarixi: 10 dekabr 2025.
- ↑ "MOK rəsmisi ANOC-un missiya rəhbərlərinin ikinci seminarında iştirak edib". 10 dekabr 2025 tarixində arxivləşdirilib. İstifadə tarixi: 10 dekabr 2025.
- ↑ "MOK rəsmisi Osiyekdə Azərbaycan gimnastları ilə görüşüb". 10 dekabr 2025 tarixində arxivləşdirilib. İstifadə tarixi: 10 dekabr 2025.