Hüsrəv Tayla (türk. Hüsrev Tayla;1925, Bursa – 17 mart 2014) — türk memarı.
O, ən çox Ankaradakı Qocatəpə və İstanbuldakı Şakirin məscidlərinə verdiyi dizaynları ilə tanınır.
1925-ci ildə Bursada anadan olan Hüsrəv Tayla ibtidai və orta təhsilini həmin şəhərdə almışdır. 1942-1948-ci illərdə İstanbul Dövlət İncəsənət Akademiyasının Memarlıq fakültəsində təhsil almışdır. O, həmçinin 1952-1953-cü illər arasında İstanbul Universitetinin "İncəsənət tarixi" fakültəsində təhsilini davam etdirmişdir.
Hüsrəv Tayla karyerası boyunca əsasən Bursa və İstanbulda çalışmışdır. O, Milli Təhsil idarəsi, İstanbul Vəqflər idarəsi, İstanbul Türk və İslam Sənəti Muzeyi və İstanbul Tədqiqat və Abidələr idarəsi də daxil olmaqla müxtəlif qurumlarda çalışmışdır. O, həmçinin 1972-1974-cü illər arasında Memar Sinan İncəsənət Universitetinin Memarlıq kafedrasında müəllim işləmişdir.
Sərbəst memar kimi də çalışmış Hüsrəv Tayla bir çox memarlıq müsabiqələrində iştirak etmişdir. O, həmçinin bir çox karvansaray, hamam, türbə, malikanə və məscidlərin planlarını hazırlamışdır. Bundan əlavə, İstanbulda Şirinevler məscidi və Maltepe məscidi, eləcə də Adanadakı Paktaş Fabrikası məscidi kimi məscid layihələrini layihələndirilmiş və həyata keçirilmişdir.
Lakin onun layihələndirdiyi və tikmək imkanı qazandığı məscidlərdən ən məşhuru Ankaradakı Qocatəpə məscididir. Tikintisinə 1967-ci ildə başlanan və yalnız 1987-ci ildə tamamlanan Qocatəpə məscidi, ənənə ilə modernizmin birləşməsindən yaranmış ən gözəl memarlıq nümunəsidir. Məscid, həmçinin Türkiyə memarlığı tarixində mühüm yer tutur. Daha sonra Pakistanın paytaxtı İslamabadda Şah Feyzal məscidini layihələndirən Vədat Dalokay, Nejat Tekelioğlu ilə birlikdə 1957-ci ildə açılan Qocatəpə məscidi Layihə müsabiqəsində qalib oldu.[1] 1962-ci ildə təməli qoyulmuş və müasir üslubda dizayn edilmiş bu məscidin layihəsi irəliləyən illərdə onu tikən olan şirkətin rəhbəri tərəfindən dayandırıldı.[2] 1967-ci ildə şirkət memarlıq müsabiqəsi keçirmədən, bu məscidin dizaynını birbaşa olaraq Hüsrəv Tayla və Fatin Uluenginə həvalə etdi. İlkin müasir dizaynla müqayisədə, sonradan tikilmiş məscidin üslubunun klassik Osmanlı məscid üslubuna daha yaxın olması müzakirə və tənqidlərə səbəb oldu (həm müsbət, həm də mənfi mənada).[3][4]
Bundan əlavə, 2005-2009-cu illər arasında İstanbuldakı Qaracaəhməd qəbiristanlığının girişində tikilmiş Şakirin məscidi də memarın digər məşhur layihəsidir.[5]
- ↑ "Türkiye'de 20. Yüzyıl Cami Mimarisi, Doç. Dr. Kemal Kutgün Eyüpgiller, İTÜ Mimarlık Bölümü". Mimarlık Dergisi, Mimarlar Odası Genel Merkezi. 27 Aralık 2015 tarixində arxivləşdirilib. İstifadə tarixi: 30 Eylül 2011.
- ↑ "Kocatepe Camisi ve İlyas Bey Camisi, Doğan Hasol". Yapı Dergisi 75, Ekim 1987. 8 Aralık 2012 tarixində arxivləşdirilib. İstifadə tarixi: 30 Eylül 2011.
- ↑ . Arkitera.com http://www.arkitera.com/s170-kocatepe-camisini-yaptim-ama-bu-hicbirinin-kopyasi-degil.html (#bare_url_missing_title). 23 Eylül 2010 tarixində arxivləşdirilib. İstifadə tarixi: 30 Eylül 2011.
- ↑ "Modernizmin Gelenekle Uzlaşma Çabası Olarak Cami Mimarlığı, Doç. Dr. C. Abdi Güzer, ODTÜ Mimarlık Bölümü". Mimarlık Dergisi, Sayı 348. 27 Aralık 2015 tarixində arxivləşdirilib. İstifadə tarixi: 30 Eylül 2011.
- ↑ "İstanbul'a modern mimarisiyle göz kamaştıran bir cami". İstanbul Büyükşehir Belediyesi. 24 Ekim 2011 tarixində arxivləşdirilib. İstifadə tarixi: 30 Eylül 2011.