Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinGoogle Assistant — Google tərəfindən hazırlanmış virtual assistent. Əsasən mobil və ev avtomatlaşdırma cihazlarında mövcuddur. Süni intellektə əsaslanan Google Assistant şirkətin əvvəlki virtual assistenti Google Now-dan fərqli olaraq ikitərəfli olaraq söhbətlərdə iştirak edə bilir.[3]
| Google Assistant | |
|---|---|
 | |
.jpg) | |
| Müəllif | |
| Tərtibatçı | |
| Proqramlaşdırma dili | C++ |
| Əməliyyat sistemi | Wear OS, Android Auto, Google Chrome OS |
| Yayımlanma tarixi | may 2016 |
| Platforma | Wear OS, Android Auto, Google Chrome OS |
| Sonuncu versiya | |
| Sayt | assistant.google.com |
 Vikianbarda əlaqəli mediafayllar | |
Google Assistant 2016-cı ilin may ayında Google-un mesajlaşma proqramı Google Allo və onun səslə aktivləşdirilən səsucaldanı Google Nest-in bir hissəsi kimi təqdim edildi. Google Pixel smartfonlarında bir müddət eksklüziv olaraq qaldıqdan sonra 2017-ci ilin fevral ayından başlayaraq üçüncü tərəf smartfonlar və Android Wear daxil olmaqla digər Android cihazları üçün buraxıldı və 2017-ci ilin may ayında iOS əməliyyat sistemində müstəqil proqram kimi yayımlandı.
2017-ci ilin aprelində proqram təminatının tərtibatı dəstinin elanı ilə yanaşı, Assistant avtomobillər və üçüncü tərəfin ağıllı məişət texnikası da daxil olmaqla çoxlu sayda cihazları dəstəkləmək üçün daha da genişləndirildi. Proqramın funksionallığı üçüncü tərəf tərtibatçılar tərəfindən də təkmilləşdirilə bilər.
İstifadəçilər "Hey Google" və 2023-cü ildəki güncəlləmədən sonra "Lucy" deməklə təbii səs vasitəsilə Google Assistant ilə qarşılıqlı əlaqədə ola bilir. Assistant suallara cavab verə, tədbirləri və zəngli saatı quraşdıra, istifadəçinin cihazındakı parametrləri tənzimləyə, istifadəçinin Google hesabından məlumatları göstərə, oyun oynaya bilər. Google həmçinin Assistantın cihazın kamerası vasitəsilə obyektləri müəyyənləşdirə və vizual məlumat toplaya biləcəyini, məhsulların satın alınması və pul göndərilməsini dəstəkləyə biləcəyini açıqladı.
CES 2018 sərgisində ilk Assistant ilə işləyən smart displeylər (video ekranlı Ağıllı dinamiklər) elan edildi və ilk versiyası 2018-ci ilin iyulunda buraxıldı.[4] 2020-ci ildə Google Assistant artıq 1 milyarddan çox cihazda quraşdırılmışdı.[5] Google Assistant 90-dan çox ölkədə və 30-dan çox dildə mövcuddur[6] və aylıq 500 milyondan çox istifadəçi tərəfindən istifadə olunur.[7]
Google Assistant 18 may 2016-cı ildə Google Nest ağıllı səsucaldanının və yeni mesajlaşma tətbiqi Allo-nun bir hissəsi kimi Google-un tərtibatçı konfransı zamanı təqdim edildi. Google-un baş icraçı direktoru Sundar Piçay Assistantın danışıq və ikitərəfli təcrübə və "cihazlar arasında genişlənən mühit təcrübəsi" üçün nəzərdə tutulduğunu qeyd etdi.[8] Google həmin ayın sonunda "bir az daha çox şəxsiyyət" inkişaf etdirmək üçün Google Doodle-un direktoru Rayan Germiki təyin etdi və keçmiş Pixar işçisi Emma Kotsu işə götürdü.[9]
Allo və Google Nest xaricində sistem səviyyəsində inteqrasiya üçün Google Assistant əvvəlcə Google Pixel smartfonlarına özəl idi.[10] 2017-ci ilin fevral ayında Google, bəzi ingilisdilli bazarlardan başlayaraq Android Marshmallow və ya Nougat ilə işləyən Android smartfonlarına (planşetlər istisna olmaqla[11][12]) Assistantı əlavə etməyə başladığını elan etdi.[13][14] Assistant həmçinin Wear OS 2.0-a inteqrasiya olunub[15] və Android TV[16][17] və Android Auto-nun[18] gələcək versiyalarına daxil ediləcək. 2017-ci ilin oktyabrında Google Pixelbook, Google Assistant olan ilk noutbuk oldu.[19] Google Assistant daha sonra Google Pixel Buds-a əlavə olundu.[20] Google 2017-ci ilin dekabrında Assistant-ın Android Lollipop ilə işləyən telefonlar üçün Google Play Services yeniləməsi, həmçinin 6.0 Marshmallow və 7.0 Nougat ilə işləyən planşetlər üçün buraxılacağını elan etdi.[21] 2019-cu ilin fevral ayında Google-un Assistantın cavablarında reklamları sınaqdan keçirməyə başladığı bildirildi.[22]
15 may 2017-ci ildə Android Police Google Assistant-ın iOS əməliyyat sisteminə ayrıca proqram kimi gələcəyini bildirdi.[23] Məlumat iki gün sonra Google-un tərtibatçılar konfransında təsdiqləndi.[24][25]
- ↑ Google Assistant.
- ↑ Version History 1.9.136701, Feb 7, 2025. 2025.
- ↑ The future is AI, and Google just showed Apple how it's done Arxiv surəti 8 noyabr 2020 tarixindən Wayback Machine saytında Arxivləşdirilib noyabr 8, 2020, at the Wayback Machine Published October 5, 2016, Retrieved July 5, 2018
- ↑ Bohn, Dieter. "Google is introducing a new Smart Display platform". The Verge. Vox Media. 8 yanvar 2018. 9 noyabr 2020 tarixində arxivləşdirilib. İstifadə tarixi: 13 yanvar 2018.
- ↑ "Google Assistant is already available on more than 1 billion devices" (ingilis). 7 yanvar 2020. 27 noyabr 2020 tarixində arxivləşdirilib. İstifadə tarixi: 7 yanvar 2020.
- ↑ Ben, Hannes, "The Future of Voice Commerce and Localisation" Arxiv surəti 20 oktyabr 2020 tarixindən Wayback Machine saytında Arxivləşdirilib oktyabr 20, 2020, at the Wayback Machine, Locaria, February 20, 2020
- ↑ "A more helpful Google Assistant for your every day". Google (ingilis). 7 yanvar 2020. 27 noyabr 2020 tarixində arxivləşdirilib. İstifadə tarixi: 21 yanvar 2020.
- ↑ Lynley, Matthew. "Google unveils Google Assistant, a virtual assistant that's a big upgrade to Google Now". TechCrunch. AOL. 18 may 2016. 26 yanvar 2021 tarixində arxivləşdirilib. İstifadə tarixi: 17 mart 2017.
- ↑ de Looper, Christian. "Google wants to make its next personal assistant more personable by giving it a childhood". Digital Trends. 31 may 2016. 10 yanvar 2021 tarixində arxivləşdirilib. İstifadə tarixi: 17 mart 2017.
- ↑ Savov, Vlad. "Pixel 'phone by Google' announced". The Verge. Vox Media. 4 oktyabr 2016. 10 fevral 2017 tarixində arxivləşdirilib. İstifadə tarixi: 17 mart 2017.
- ↑ El Khoury, Rita. "Google confirms wider Assistant rollout will not reach tablets". Android Police. 16 mart 2017. 10 yanvar 2021 tarixində arxivləşdirilib. İstifadə tarixi: 17 mart 2017.
- ↑ Kastrenakes, Jacob. "Android tablets aren't getting Google Assistant anytime soon". The Verge. Vox Media. 16 mart 2017. 10 yanvar 2021 tarixində arxivləşdirilib. İstifadə tarixi: 17 mart 2017.
- ↑ Bohn, Dieter. "The Google Assistant is coming to Marshmallow and Nougat Android phones starting this week". The Verge. Vox Media. 26 fevral 2017. 10 yanvar 2021 tarixində arxivləşdirilib. İstifadə tarixi: 17 mart 2017.
- ↑ Lunden, Ingrid. "Google Assistant, its AI-based personal helper, rolls out to Nougat and Marshmallow handsets". TechCrunch. AOL. 26 fevral 2017. 10 yanvar 2021 tarixində arxivləşdirilib. İstifadə tarixi: 17 mart 2017.
- ↑ Amadeo, Ron. "Report: Android Wear 2.0 to launch February 9". Ars Technica. Condé Nast. 17 yanvar 2017. 1 dekabr 2020 tarixində arxivləşdirilib. İstifadə tarixi: 17 mart 2017.
- ↑ Ingraham, Nathan. "The Google Assistant is coming to Android TV". Engadget. AOL. 4 yanvar 2017. 7 mart 2020 tarixində arxivləşdirilib. İstifadə tarixi: 17 mart 2017.
- ↑ Singleton, Micah. "Google Assistant is coming to Android TV later this year". The Verge. Vox Media. 17 may 2017. 10 yanvar 2021 tarixində arxivləşdirilib. İstifadə tarixi: 30 may 2017.
- ↑ Amadeo, Ron. "Google Assistant comes to every Android phone, 6.0 and up". Ars Technica. Condé Nast. 26 fevral 2017. 10 yanvar 2021 tarixində arxivləşdirilib. İstifadə tarixi: 17 mart 2017.
- ↑ Field, Matthew. "Google launches Pixelbook as first laptop with Google Assistant". The Daily Telegraph. 4 oktyabr 2017. 12 yanvar 2022 tarixində arxivləşdirilib. İstifadə tarixi: 15 dekabr 2017.
- ↑ Johnson, Khari. "Google Pixel Buds review: Google Assistant makes a home in your ears". VentureBeat. 11 noyabr 2017. 9 noyabr 2020 tarixində arxivləşdirilib. İstifadə tarixi: 10 dekabr 2017.
- ↑ Lardinois, Frederic. "Google Assistant is coming to older Android phones and tablets". TechCrunch. Oath Inc. 13 dekabr 2017. 10 yanvar 2021 tarixində arxivləşdirilib. İstifadə tarixi: 13 dekabr 2017.
- ↑ Sterling, Greg. "Google takes baby steps to monetize Google Assistant, Google Home". Search Engine Land. 22 aprel 2019. 1 dekabr 2020 tarixində arxivləşdirilib. İstifadə tarixi: 22 aprel 2019.
- ↑ Ruddock, David. "Google will announce Assistant for iOS soon, in the US only at launch". Android Police. 15 may 2017. 10 yanvar 2021 tarixində arxivləşdirilib. İstifadə tarixi: 30 may 2017.
- ↑ Garun, Natt. "Hey Siri, Google Assistant is on the iPhone now". The Verge. Vox Media. 17 may 2017. 11 noyabr 2020 tarixində arxivləşdirilib. İstifadə tarixi: 17 may 2017.
- ↑ Dillet, Romain. "Google launches Google Assistant on the iPhone". TechCrunch. AOL. 17 may 2017. 29 sentyabr 2020 tarixində arxivləşdirilib. İstifadə tarixi: 17 may 2017.