Fuad Allahverdiyev

Fuad Allahverdiyev 8 iyun 1975-ci ildə Bakı şəhərində anadan olub. Bakı Dövlət Universitetinin Tətbiqi Riyaziyyat fakültəsini İqtisadi Kibernetika ixtisası üzrə, eləcə də M. V. Lomonosov adına Moskva Dövlət Universitetini Executive MBA proqramı üzrə bitirmişdir.

Fuad Allahverdiyev 1998-ci ildə "Smart Systems Technology" MMC-nin təsisçilərindən biri olub və Azərbaycanda telekommunikasiya və yüksək texnologiyalar sahəsində bir neçə startapın (SMART-BANK, SMART-FINANCE, AileTV, AileNet, A-Billing, MyQUEUE, Mobile Financial Systems (MFS), Azerbaijan Content Centre (ACC) və s.) müəllifi və təsisçisidir.^[1]

Müxtəlif vaxtlarda Rusiya Kredit Bankı, United Credit Bank, Amrahbank, Atlantbank, NikoilBank kimi banklarda rəhbər vəzifələrdə çalışıb.

2004-cü ildə o, yerli televiziya və internet şəbəkələrinin yaradılması ilə məşğul olan "SKY" MMC-nin həmtəsisçisi olub. Sonradan bu şirkət "Ailə TV" və "Ailə NET" brendləri altında kabel televiziyası və internet provayder xidmətləri göstərməyə başlayıb.

Magistral internet provayderi olan "AzerTelecom" MMC-nin Direktorlar Şurasının sədri (2020–2023), "AzerTelecom International" MMC-nin baş direktoru,^[2] "B&B TV Communications" kabel televiziyasının baş icraçı direktoru (2016–2023), "Uninet" MMC internet provayderinin Müşahidə Şurasının sədri (2017–2020) və Fintek şirkəti "GoldenPay" MMC-nin Müşahidə Şurasının üzvü olub.

50 ölkədən 5000-dən çox şirkət və təşkilatı birləşdirən və 2002-ci ilin iyununda yaradılan "Caspian Energy Club"-ın İdarə Heyətinin üzvü olub, 2015-ci ilə qədər "Caspian Telecom" telekommunikasiya şirkətinə rəhbərlik edib və B2B, B2G və B2O sferalarında layihələrin həyata keçirilməsini icra edib.

2015–2016-cı illərdə Azərbaycanın telekommunikasiya sənayesinin aparıcı şirkətlərindən biri olan "CONNECT" MMC-nin baş direktoru olub. Onun rəhbərlik etdiyi illərdə şirkət "OTT TV" layihəsini həyata keçirib.

2016–2019-cu illərdə "Azerfon"da Biznesin inkişafı üzrə baş direktor olub.

2023-cü ilin aprel ayında Azərbaycan Respublikası Cinayət Məcəlləsinin 133-cü və 151-ci (Əzab vermə və seksual xarakterli hərəkətlərə məcbur etmə) maddələri üzrə ittiham irəli sürülüb. Şikayətçi qismində sabiq həyat yoldaşı çıxış edib. Mütəmadi əzabvermədən və Fuad Allahverdiyev tərəfindən başqa qadınlarla lezbiyan münasibətlərə girib qeyri-təbii yolla cinsi əlaqəyə məcbur edilmədən şikayət edib. Fuad Allahverdiyev qarşılıqlı şikayət ərizəsi verib. Fuad Allahverdiyev öz növbəsində sabiq həyat yoldaşının əxlaqsız həyat tərzi sürdüyündən şikayət edib. Həyat yoldaşının ondan böyük məbləğdə (dörd yüz min manat) pul oğurladığını iddia edib. Fuad Allahverdiyev həmçinin həyat yoldaşının və onun yaxınlarının şantaj ilə məşğul olduğunu da qeyd edib. Qarşılıqlı şikayət ərizəsinə baxmayaraq Fuad Allahverdiyev haqqında qəti həbs imkan tədbiri seçilib. 2024-cü il mart ayında 133-cü (əzab vermə) maddə üzrə 2 il azadlığın məhdudlaşdırılma hökmü oxunub. 151-ci maddə üzrə bəraət qazana bilib. Həbsxanada keçiridyi 11 ay cəza müddətindən çıxılıb.^[3][4]

• Smart-Bank – avtomatlaşdırılmış bank sistemi
• Smart-Finance – avtomatlaşdırılmış mühasibat sistemi
• Phone to Phone – Azərbaycanda ilk İP-telefoniya layihəsi
• SMS-Bank – məsafədən bankçılıq texnologiyasının bir növü
• Ailə TV – kabel televiziyası operatoru
• Ailə NET – internet-provayder
• A-Billing – Kabel televiziyası və internet provayder xidmətlərinin ödənişi üçün avtomatlaşdırılmış sistem
• MyQUEUE – avtomatlaşdırılmış növbə sistemi
• AZTG – Azerbaijan Travel Guide
• ADH – Azerbaijan Digital Hub
• DSW – Digital Silk Way
• ACC – Azerbaijan Content Center (Azərbaycan Kontent Mərkəzi)