Vikipediya ?

Azerfon — Vikipediya
Azərfon şirkətinin logosu

Azerfon — şirkət Azərbaycan ərazisində mobil rabitə xidmətlərini göstərmək üçün 2005-ci ilin dekabr ayında Azərbaycan Respublikası Rabitə və İnformasiya Texnologiyaları Nazirliyinin lisenziya ilə təmin edilmişdir. Azerfon şirkəti 2007-ci ilin mart ayında qeydiyyatdan keçmiş ticarət nişanı olan "Nar Mobile" brendi ilə kommersiya fəaliyyətinə başlamışdır. Azerfon MMC və Vodafone şirkəti arasında qeyri-səhmdar tərəfdaşlıq müqaviləsi 2009-cu ildə imzalanmışdır. Azərbaycanda ilk dəfə olaraq 3G xidmətinin tətbiqinə başlamış, və yeni Azerfon-Vodafone brendini təqdim etmişdir.

Azerfon şəbəkəsi Azərbaycan Respublikasının 80%-ni əhatə edir. Hal-hazırda Azerfon şəbəkəsindən 1 600 000 çox abunəçi istifadə edir.[Mənbə göstərin] Təqdim edilən ticarət nişanları Azərbaycan telekommunikasiya texnologiyaları sahəsinin inkişafında özünəməxsus rolu olan və ölkədə mobil texnologiyalarının son nailiyyətlərinin tətbiq edən ticarət nişanı kimi tanınırlar.[Mənbə göstərin]

Mükafatları

  • Azerfon İlin Mobil Operatoru elan edildi. Azerfon MMC Caspian Integration Award Beynəlxalq mükafatının qalibi elan edildi.
  • Azerfon MMC-nin əməkdaşı "Tərəqqi" medalı ilə təltif olundu:
    • 23 yanvar 2010-cu il tarixində Rabitə və İnformasiya Nazirliyində informasiya texnologiyaları sahəsində çalışan şəxslərin medal və ordenlərlə mükafatlandırılma mərasimi keçirildi. Təltif olunanların arasında Azerfon MMC-in əməkdaşı - database üzrə baş administratoru - Teymur Hacıyev də var idi.
  • Azərbaycanın Biznes sahəsində göstərdiyi yüksək nəticələrə əsasən, AZERFON MMC diplomla təltif olundu.
  • Nar Mobile Mətbuat xidməti "İlin ən yaxşı PR-xidməti" elan olundu! 79 dövlət, qeyri-kommersiya və biznes strukturunun mətbuat və PR xidmətinin iştirak etdiyi müsabiqədə Nar Mobile mətbuat xidməti biznes sahəsinin ən yaxşı PR xidməti seçildi.
  • AZERFON MMC (Nar Mobile ticarət nişanı) telekommunikasiya sahəsində ilin ən yaxşı şirkəti elan edildi.
  • AZERFON MMC "İlin İKT şirkəti" və "İlin Brendi" nominasıyalarında qalib elan edildi! 15 Dekabr 2007-ci il tarixində "Layihələrin İdarəedilməsi Azərbaycan Assosiasıyası" və "İTMagazine" jurnalının təsis etdikləri İNTELLEKT müsabiqəsində Nar Mobile "İlin İKT şirkəti" və "İlin brendi" nominasiyalarında qalib seçildi.
  • "Bakutel-2007" Beynəlxalq Telokommunikasiya sərgisinin iştirakçısı olan AZERFON MMC (Nar Mobile ticarət nişanı) şirkəti "Ən yaxşı korporativ stil" nominasiyasında qalib elan olundu!
  • Azerfon MMC (Nar Mobile ticarət nişanı) məhsulu olan "Mən və Nar Mobile" 169 dövlətin iştirak etdiyi Beynəlxalq World Summit Award 2007 müsabiqəsinin milli mərhələsində ilin "E-Business" nominasiyası üzrə qalib seçildi.

Xidmətləri

  • Zəng xidmətləri
  • SMS xidmətləri
  • Bulk SMS
  • İnternet xidmətləri
  • Dinlət xidmətləri
  • Nar 3G+
  • Ödəniş

İstinadlar

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019