Fallout 3 (azərb. Radioaktiv-yağıntı 3) — "Bethesda Game Studios" tərəfindən hazırlanan və "Bethesda Softworks" tərəfindən nəşr olunan döyüş rol videooyunu. "Fallout" oyun seriyasındakı 3-cü əsas epizoddur[3] (bütövlükdə 5). Bu, "Bethesda"nın franşizanın hüquqlarını "Interplay Entertainment"dən əldə etməsindən sonra tərtib olunmuş ilk "Fallout" buraxılışıdır. Oyun əvvəlki buraxılışlardakı ikiölçülü izometrik qrafika və növbə əsaslı döyüş əvəzinə üçölçülü qrafika və real zamanlı döyüşündən istifadə edir. Oyun 28 oktyabr 2008-ci ildə Şimali Amerikada, 31 oktyabr 2008-ci ildə Avropa və Avstraliyada, 4 dekabr 2008-ci ildə Yaponiyada "Microsoft Windows", "PlayStation 3" və "Xbox 360" platformaları üçün satışa çıxarılmışdır.[4][5][6] Həmçinin, "Fallout 3" 11 noyabr 2015-ci ildə Fallout 3 "Xbox One" və sonrakı "Xbox Series X/S" üçün geriyə uyumlu olaraq buraxılmışdır.
| Fallout 3 | |
|---|---|
 | |
 "Fallout 3" videooyununun rəsmi afişası | |
| Hazırlayanlar | Bethesda Game Studios |
| Yayımlayan |
  Bethesda Softworks |
| Lokalizator | |
| Seriya | "Fallout" |
| Anons tarixi | 2 may 2007 |
| Buraxılış tarixi |
Tarixlər
|
| Sonuncu versiya |
|
| Sonuncu beta-versiya |
|
| Janrlar | döyüş rol videooyunu |
| Yaş reytinqləri | |
| Rejissor | |
| Prodüserlər |
|
| Dizayner | Emil Paqliarulo |
| Ssenaristlər | Emil Paqliarulo |
| Proqramçılar |
|
| Rəssamlar | İştvan Peli |
| Bəstəkar | |
| Texniki məlumat | |
| Platforma | Microsoft Windows[1], PlayStation 3, Xbox 360, Xbox One |
| Mühərrik | Gamebryo[d] |
| Oyun rejimi | birnəfərli oyun[2] |
| İnterfeysin dili | çoxdilli |
| Daşıyıcılar | DVD (PC üçün), Blu-Ray (PS3 və Xbox 360 üçün), rəqəmsal dağılım (Steam, PSN, Xbox Live) |
| İdarəetmə |
klaviatura və siçan geympad |
| Rəsmi saytı | |
 Vikianbarda əlaqəli mediafayllar | |
Oyunun hadisələri ABŞ-nin Vaşinqton şəhərini, həmçinin Virciniya, Merilend və Pensilvaniya ştatlarının şəhərətrafı hissəsini əhatə edən "Paytaxt çöllüyü" (ing. Capital Wasteland) adlı regionda cərəyan edir. Oyunun əsas hekayəsi "Fallout 2"-nin hadisələrindən 36 il sonra və "Böyük müharibə"dən (ing. "The Great War") 200 il sonra, yəni 2277-ci ildə baş verir. Buna baxmayaraq, "Fallout 3" əvvəlki oyunun birbaşa sikveli deyil. Oyunçu "Yalnız didərgin" (ing. Lone Wanderer) adlı bir personajı idarə edir. Oyunçu personaj 101 nömrəli sığınacaqda (ing. Vault 101) böyümüş bir yeniyetmədir. "Yalnız didərgin" sığınacaqdan qaçmış atası Ceymsi axtarmaq məqsədilə oranı tərk edir və "Paytaxt çöllüyü"nə üz tutur. O, bu yolda özünü təmiz, kütləvi istehsal olunan, şüalanmamış içməli suyu yenidən reallığa çevirməyə çalışmaq uğrunda, həm də Polad qardaşlığı (ing. Brotherhood of Steel) və Anklav (ing. Enclave) arasındakı mübarizədə tapır.
"Fallout 3" tənqidçilər tərəfindən müsbət rəylər almışdır və bir sıra "İlin oyunu" mükafatlarını qazanmışdır. Müsbət fikirli tənqidçilər oyunun açıqfikirli geympleyini və çevik personaj tənzimləmə sistemini yüksək qiymətləndirmişdir. Bu, indiyə qədər hazırlanmış ən yaxşı videooyunlarından biri hesab olunur. "Fallout 3" videooyunu kommersiya baxımından "Bethesda"nın əvvəlki buraxılışı "The Elder Scrolls IV: Oblivion"dan daha uğurlu olmuşdur və ilk həftəsində demək olar ki, 5 milyon kopyası satılmışdır. "Bethesda" oyunun satışa çıxarılmasından sonra beş endirilə bilən məzmun buraxmışdır. Oyun satışa çıxarıldıqdan sonra Avstraliyada məzmununda narkotikdən istifadənin nümayiş etdirilməsi, oyunçu personajda alkoqolizm və narkotik maddələrə aludəçilik yaranması imkanına görə, Hindistanda isə mutasiyaya uğramış mal-qaranın hinduizmdəki brahmanın adını almasına görə qalmaqallara səbəb olmuşdur. "Fallout 3"dən sonra 2010-cu ildə "Obsidian Entertainment" tərəfindən istehsal olunmuş "Fallout: New Vegas" spin-off videooyunu, 2015-ci ildə isə "Fallout" seriyasındakı dördüncü əsas buraxılış olan "Fallout 4" satışa çıxarılmışdır.
- ↑ redump.org (ing.). USA.
- ↑ Steam. 2003.
- ↑ "Fallout 3". Game Informer. No. 171. June 2007. səh. 52.
- ↑ "Fallout 3 Has Gone Gold". Bethesda Softworks. October 11, 2008 tarixində arxivləşdirilib. İstifadə tarixi: November 11, 2009.
- ↑ "Fallout 3 is in Windows 7 Not Compatible List". Microsoft. İstifadə tarixi: October 2, 2010.
- ↑ Berghammer, Billy. "Game Informer's July Cover Revealed!". Game Informer. June 5, 2007. June 7, 2007 tarixində arxivləşdirilib. İstifadə tarixi: June 5, 2007.
- fallout.bethesda.net/en/games/fallout-3 — "Fallout 3"ün rəsmi saytı (ing.)
- Fallout 3 — Internet Movie Database saytında
- Fallout 3 — MobyGames saytında
- 3 Fallout 3 — seriyanın rəsmi Vikiyasında. (ing.) (rus.)
- "Fallout 3 Teaser Trailer" — YouTube platformasında
- "E3 2008 - Fallout 3 Trailer" — YouTube platformasında