Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Fakemink

  • Məqalə
  • Müzakirə

Fakemink (doğum adı: Vinçenso Kamil; 29 yanvar 2005) — britaniyalı repçi və prodüser. Londonun alternativ hip-hop mühitinin nümayəndəsi kimi fəaliyyət göstərən sənətçinin diskоqrafiyasına geniş yayılmış "Easter Pink" mahnısı, həmçinin "London's Saviour" adlı yeganə studiya albomu daxildir.

Fakemink
Ümumi məlumatlar
Doğum tarixi 29 yanvar 2005(2005-01-29) (20 yaş)
Musiqiçi məlumatları
Fəaliyyəti repçi, musiqi prodüseri

Mündəricat

  • 1 Erkən illəri
  • 2 Fəaliyyəti
  • 3 Təsirlər və yaradıcıq üslubu
  • 4 Şəxsi həyatı
  • 5 Diskoqrafiya
  • 6 İstinadlar

Erkən illəri

Vinçenso Kamil 2005-ci il yanvarın 29-da İngiltərənin Esseks qraflığında doğulub. Onun ana xətti hind mənşəli pəncablılara, daha dəqiq desək, Bhatiya tayfasına bağlıdır; ata tərəfdən isə əsasən əlcəzairli, qismən də fələstinli kökləri mövcuddur.

V. Kamil hələ on yaşında ikən "FL Studio" proqramında bəstəkarlığa həvəs göstərmiş, 2019-cu ildə isə rep janrında ifaçılığa başlamışdır.[1][2] Karyerasının ilk mərhələsində "9090gate" təxəllüsü ilə tanınıb. "Spotify"dakı debüt mahnısı britaniyalı artist EsDeeKid ilə ortaq işidir və naməlum səbəbdən bu mahnının buraxılış ili 1938-ci il kimi göstərilib.[3]

Fəaliyyəti

Fakemink ilk studiya albomu olan "London's Saviour"u 2023-cü il dekabrın 22-də musiqi həvəskarlarının ixtiyarına verib. 2024-cü ildə sənətçi ümumilikdə əllidən artıq sinql təqdim edib.[4] 2025-ci ildə "Easter Pink" mahnısı viral yayılaraq geniş kütlənin diqqətini cəlb edib. "Pitchfork" nəşri treki "bloqhaus ilə klaud-repin qovuşağı" kimi dəyərləndirib.[5][6][7][8]

2025-ci il iyulun 12-də Kanadadan olan reper Dreyk Londonda keçirilən "Wireless" festivalında Fakemink-i gözlənilməz qonaq qismində səhnəyə dəvət edib.[9] Bu çıxışdan sonra sənətçi Kleyro, Yanq Lin, Yit, Frenk Ouşen kimi müğənnilərin, həmçinin aktyor Timoti Şalamenin diqqətini cəlb edib.[10][11]

Fakemink amerikalı reper Nettspend ilə yaxın münasibətdə olub və gələcəkdə birgə layihələr nəzərdə tutulurmuş.[12][13] Lakin onlayn mübahisədən sonra oktyabrın 6-da Fakemink Nettspend-ə qarşı yönəlmiş "Look At Me" dis-trekini yayımlayıb.[14] Oktyabrın 14-də Playboi Carti "Antagonist Tour" çərçivəsində "Crypto.com Arena"da keçirdiyi konsertdə Fakemink-i səhnəyə çağırıb.[15][16] Noyabrın 17-də sənətçi "Supreme x True Religion" brendlərinin 2025-ci il payız-qış kolleksiyası reklamında yer alıb.[17][18] Eyni ayda Fakemink "Camp Flog Gnaw 2025" festivalında da səhnəyə çıxıb.[19]

Sənətçinin 2026-cı ilin əvvəlində yeni albom buraxacağı gözlənilir.[20]

Təsirlər və yaradıcıq üslubu

Fakemink-in yaradıcılığı cerk (orij. "jerk") mikro-janrının "yumşaldılmış" variantı kimi səciyyələndirilib, lakin sənətçi özünü bu cərəyanın təmsilçisi saymır. O, Din Blantı "bütün dövrlərin ən görkəmli sənətçisi" adlandırır. Həmçinin Dreykin 2011-ci ildə səsləndirdiyi "Headlines" mahnısındakı zərb alətlərinin ilkin yaradıcılıq mərhələsində ona ciddi təsir göstərdiyini qeyd edir. Fakemink-in ilham aldığı digər sənətçilər sırasında İmocen Hip, Kanye Vest, Xaviersobased, Phreshboyswag, Dreyk, "Hype Williams" (musiqi qrupu) və Nettspend yer alır.[1][21] "New Wave Magazine" nəşrinin əməkdaşı Vendela Ranq Fakemink-i "rəqəmsal nostalgiyanın yeni şahzadəsi" adlandırıb.[22]

Şəxsi həyatı

Fakemink müsəlmandır. O, spirtli içkilərdən həm şəxsi zövq almadığı, həm də dini etiqadına sadiq qaldığı üçün uzaq durur.[1][23]

Diskoqrafiya

Studiya albomları

  • London's Saviour (2023)

İstinadlar

  1. ↑ 1 2 3 Adams, Solomon. "fakemink wants to save London rap". No Bells (ingilis). 12 noyabr 2024. 13 fevral 2025 tarixində arxivləşdirilib. İstifadə tarixi: 22 mart 2025.
  2. ↑ Kylene, Jazmin. "Meet fakemink, the UK Underground's Next Big Thing". Ones2Watch. 30 aprel 2025. İstifadə tarixi: 9 oktyabr 2025.
  3. ↑ Pace-McCarrick, Solomon. "The rise of Fakemink in 5 tracks". Dazed. 8 iyul 2025. 2 sentyabr 2025 tarixində arxivləşdirilib. İstifadə tarixi: 9 oktyabr 2025.
  4. ↑ "Fakemink's dropped yet another underground rap banger with Crush". The Face (ingilis). 18 noyabr 2024. 15 fevral 2025 tarixində arxivləşdirilib. İstifadə tarixi: 22 mart 2025.
  5. ↑ Green, Walden. "fakemink: "Easter Pink"". Pitchfork (ingilis). 13 fevral 2025. 27 mart 2025 tarixində arxivləşdirilib. İstifadə tarixi: 22 mart 2025.
  6. ↑ Murray, Robin. "fakemink's 'Easter Pink' Is Exceptional". Clash (ingilis). 12 fevral 2025. 13 fevral 2025 tarixində arxivləşdirilib. İstifadə tarixi: 22 mart 2025.
  7. ↑ "fakemink does it different with "Easter Pink"". GRM Daily (ingilis). 12 fevral 2025. 21 mart 2025 tarixində arxivləşdirilib. İstifadə tarixi: 22 mart 2025.
  8. ↑ Deville, Chris. "fakemink Shares New Song "Easter Pink": Listen". Stereogum (ingilis). 13 fevral 2025. 17 fevral 2025 tarixində arxivləşdirilib. İstifadə tarixi: 22 mart 2025.
  9. ↑ "Watch Drake bring out Central Cee, Dave, Skepta, J Hus and more for his second night headlining Wireless Festival". NME (ingilis). 13 iyul 2025. 24 avqust 2025 tarixində arxivləşdirilib. İstifadə tarixi: 16 iyul 2025.
  10. ↑ Press-Reynolds, Kieran. "fakemink Deserves the Hype". Pitchfork. 3 sentyabr 2025. 3 oktyabr 2025 tarixində arxivləşdirilib. İstifadə tarixi: 9 oktyabr 2025.
  11. ↑ "fakemink, Drake & Frank Ocean Turn New York Show Into a Star-Makers' Ball". Rolling Stone. oktyabr 2025. İstifadə tarixi: 9 oktyabr 2025.
  12. ↑ Emma, Matt. "Underground artists take over NYFW: Fakemink & Nettspend team up as Love, Kelly independent show draws crowd to Midtown". Rolling Stone UK. 16 oktyabr 2025. İstifadə tarixi: 17 oktyabr 2025.
  13. ↑ Hughes, James. "We Pulled Up With Fakemink and Nettspend To The Coolest NYFW Party". NOTION. 26 sentyabr 2025. İstifadə tarixi: 18 oktyabr 2025.
  14. ↑ Cole, Alexander. "Look At Me – Song by fakemink". HotNewHipHop. 6 oktyabr 2025. İstifadə tarixi: 9 oktyabr 2025.
  15. ↑ Cole, Alexander. "ASAP Rocky Brought Out By Playboi Carti During Los Angeles Tour Stop". HotNewHipHop (ingilis). 15 oktyabr 2025. 15 oktyabr 2025 tarixində arxivləşdirilib. İstifadə tarixi: 15 oktyabr 2025.
  16. ↑ Aron A. "Who Is fakemink? The UK Rapper Winning Co-Signs From Drake, Playboi Carti, Frank Ocean & More". HotNewHipHop. 17 oktyabr 2025. İstifadə tarixi: 17 oktyabr 2025.
  17. ↑ AlTauqi, Amal. "SPOTTED: fakemink Stars in Supreme x True Religion Fall/Winter 2025 Campaign". PAUSE Online. 17 noyabr 2025. İstifadə tarixi: 18 noyabr 2025.
  18. ↑ Bernstein, Elaina. "fakemink's Supreme Co‑Sign Is the Perfect Full‑Circle Close to His Meteoric Year". Hypebeast. 18 noyabr 2025. İstifadə tarixi: 18 noyabr 2025.
  19. ↑ Saponara, Michael. "Kali Uchis, Blood Orange & Fakemink Added to Tyler, the Creator's 2025 Camp Flog Gnaw Lineup". Billboard (ingilis). 19 noyabr 2025. İstifadə tarixi: 24 noyabr 2025.
  20. ↑ D'Souza, Shaad; Beaumont-Thomas, Ben. "Fakemink's sugar-high rap and the week's best new tracks". The Guardian (ingilis). 22 avqust 2025. ISSN 0261-3077. İstifadə tarixi: 23 avqust 2025.
  21. ↑ Dazed. "5 highlights from Plaqueboymax's UK underground livestream". Dazed (ingilis). 7 mart 2025. 9 aprel 2025 tarixində arxivləşdirilib. İstifadə tarixi: 19 avqust 2025.
  22. ↑ Rang, Wendela. "fakemink Is The New Prince of Digital Nostalgia". New Wave Magazine. 25 sentyabr 2025. İstifadə tarixi: 16 oktyabr 2025.
  23. ↑ "fakemink Is The Hottest DIY Artist In The World Right Now Even Drake is a fan". DMY (English). 15 iyul 2025. 29 iyul 2025 tarixində arxivləşdirilib. İstifadə tarixi: 19 iyul 2025.
Mənbə — "https://az.wikipedia.org/w/index.php?title=Fakemink&oldid=8393786"
Informasiya Melumat Axtar