Emin Abbasov (azərb. Abbasov Emin; d. 26 iyul, 1982, Bakı şəhəri, Azərbaycan SSR) - azərbaycanlı idman jurnalisti, futbol eksperti, "Sportal.az" idman saytının təsisçisi.
| Emin Abbasov | |
|---|---|
| azərb. Abbasov Emin | |
 | |
| Doğum tarixi | |
| Doğum yeri |
.svg){kind=small} Azərbaycan SSR, Bakı şəhəri |
| Vətəndaşlığı |
 Azərbaycan |
| Uşağı | 2 |
| Milliyyəti | Azərbaycanlı |
| İxtisası | futbol |
| Təhsili | Azərbaycan Dövlət Bədən Tərbiyəsi və İdman Akademiyası |
| Fəaliyyəti | teleaparıcı, idman jurnalisti, futbol funksioneri |
| Fəaliyyət illəri | 2006-indi |
Emin Abbasov 1982-ci ildə Bakı şəhərində anadan olub. Orta təhsilini S.C. Pişəvəri adına humanitar fənlər gimnaziyasında alıb. Uşaq yaşlarından futbolla məşğul olub. Böyükağa Abbasov, Viktor Zabrodin, Vaqif Paşayev, Çingiz Əzimov kimi məşqçilərin yanında futbolun sirlərinə yiyələnib. Ali təhsilini Azərbaycan Dövlət Bədən Tərbiyəsi və İdman Akademiyasında futbol ixtisası üzrə alıb.
Hərbi xidmətdən qayıtdıqdan sonra, 2006-cı ildə Lider TV-də idman müxbiri kimi çalışmağa başlayıb. 2007-ci ildə Xəzər TV-yə keçib. Bu telekenaldakı 5 illik fəaliyyəti ərzində "Avropadan futbol", "Futbol saatı" kimi reytinqli verilişlərin aparıcısı olub. 2011-ci ildə Sportal.az saytını təsis edib.
2013-cü ildə "Qarabağ" Futbol Akademiyasına rəhbər təyin olunub, baş koordinator vəzifəsi daşıyıb.[1] Ağdam klubundan ayrıldıqdan sonra I Divizionda mübarizə aparan "Xəzər" klubunda işə başlayıb. Paytaxt klubu Emin Abbasovun idarəçiliyi altında 2017/18-ci il mövsümünün yekunlarına görə I Divizionun qalibi olub.[2] Lakin klub lisenziya şərtlərini qarşılaya bilmədiyi üçün Premyer Liqaya buraxılmayıb.[3]
"Xəzər" Futbol Klubu fəaliyyətini dayandırandan sonra, 2018-ci ilin yayında Emin Abbasov "Sabah" klubuna keçib.[4] Burada idman direktoru vəzifəsini daşıyıb, klubun Premyer Liqada formalaşmasında müstəsna rol oynayıb. 2020-ci ildə öz istəyi ilə bu klubdan ayrılıb.[5][6]
Televiziya sahəsinə qayıdan Emin Abbasov CBC Sport telekanalında tanınmış jurnalist Rüstəm Əfsərlinin təqdimatında "Turdan sonra" verilişində ekspert kimi çalışıb. Bir il sonra Emin Abbasov ATV telekanalına keçib, ölkə futbolu barədə bəhs edən "Futbolumuz" verilişini yaradıb. Hal-hazırda həmin layihədə ekspert kimi fəaliyyət göstərir.
Ailəlidir, 2 övladı var.
- ↑ "Arxivlənmiş surət". 2024-02-03 tarixində arxivləşdirilib. İstifadə tarixi: 2024-12-05.
- ↑ https://qol.az/news/115246-hedefimiz-premyer-liqadir-emin-abbasov
- ↑ "Arxivlənmiş surət". 2020-10-22 tarixində arxivləşdirilib. İstifadə tarixi: 2024-12-05.
- ↑ https://fanat.az/az/azerbaycan-futbolu/45513/emin-abbasov-sabahda-ise-basladi/
- ↑ https://sportarena.az/news/88653
- ↑ "Arxivlənmiş surət". 2024-12-07 tarixində arxivləşdirilib. İstifadə tarixi: 2024-12-06.