Elvin Abbasov

Elvin Miribadət oğlu Abbasov 13 iyul 1982-ci ildə, Azərbaycan SSR-in Cəlilabad rayonunda ziyalı ailəsində anadan olmuşdur^[8]. Uşaqlıq dövrünün bir hissəsini Naftalan şəhərində, 1993-cü ildən etibarən Türkiyə Respublikasının Trabzon şəhərində yaşamışdır. Türkiyədə yaşadığı müddətdə Türkiyənin bir sıra şirkətlərində kompüter və İnformasiya texnologiyaları üzrə mühəndis, ekspert, şöbə müdiri və direktor olaraq fəaliyyət göstərmişdir.

2006-cı ildə Azərbaycana qayıdaraq ilk öncə fərdi sahibkar olaraq fiziki şəxs kimi qeydiyyatdan keçmiş və daha sonra "INTERLAND Company" MMC adlı şirkətləri təsis etmişdir. 2009–2013-cü illərdə "SalamNews" İA-də texniki direktor və direktor vəzifəsində çalışmışdır^[9]. 2013-cü ildən Vision TV şirkətini təsis edib.^[10][11] 2015-ci ildə "Bələdiyyələrin vahid ödəmə sistemi"ni yaradaraq bu sistemə 36 bələdiyyə və 11 Payment şirkətini qoşmuşdur.

2015-ci ildə "Sərmayənin Milliləşməsi"^{[12][13][14][15]} və eyni zamanda bu sahədə "Milli internet resuslarının yaradılması" fikrini təbliğ edərək^[16][17] bu istiqamətdə MyDay milli sosial şəbəkəsini yaratmışdır.^[18][19][20]. Milli internet resurslarının ölkə üçün əhəmiyyət kəsb etdiyi barədə tez-tez mətbuatda məqalələri yayımlanmışdır.^[21]

2017-ci ildən etibarən Virtual Azerbaijan Group of Companies şirkətində direktor vəzifəsinə keçərək İT sahəsində bir neçə dövlət layihələrinə imza atmışdır^[22]. 2018-ci ildə həmtəsisçilərlə "TimeSoft" MMC-nin fəaliyyətini başladaraq Azərbaycanda 4 məhsul üzrə internet platformaları yaratmışdır: Ofis Menecment, Agro Menecment, Agro Birja və Agro TV-nin fəaliyyəti 2019-cu ildən başlamışdır.

İnformasiya texnologiyalarının inkişafı ilə bağlı 90-dan çox məqalənin sahibidir. Bu məqalələrdən bir çoxu "313" jurnalının "Elm texnologiya" bölümündə yayımlanmışdır. 300-dən çox bədii şeirin müəllifidir, şeirləri bir çox qəzet, jurnal və saytlarda yayımlanmışdır^[23].

"Sərmayənin Milliləşməsi konsepti" barədə müxtəlif informasiya agentliklərində 20-dən çox müsahibə vermişdir^{[13][24][25][26]}. Azərbaycanda "Bələdiyyələrin Vahid Elektron Ödəmə Sistemi"nin ideya müəllifi və tətbiq edicisi, həmçinin MyDay milli sosial şəbəkəsinin yaradıcısıdır^{[27][28][29][30][31]}

Türkiyənin Trabzon şəhərində yaşadığı müddət ərzində Karate-do idman növü ilə məşğul olmuşdur və 2000–2002-ci illər ərzində Trabzon şəhərində ilk dəfə Aykido idman növü üzrə dərslər vermişdir. 2019-cu ildən Gəncə İdman Klubu-nun 2010–2023 prezidenti, 2023 ildən etibarən Müşahidə Şurasının üzvü.^[32]

• "Art Computer" (1 il mühəndis, daha sonra Tekniki Servis müdiri. Türkiyə, Trabzon 2000–2002)
• "Time Bilgisayar" (Təsisçi və direktor. Türkiyə, Trabzon 2002–2005)
• "Fərdi sahibkarlıq fəaliyyəti" (Azərbaycan Bakı, 2006-davam edir)
• "INTERLAND COMPANY" MMC (Təsisçi. Azərbaycan Bakı, 2007–2010)
• "Arvento" (Azərbaycan təmsilçisi, Bakı, 2008–2009)
• "SalamNews" (Direktor. Bakı, Azərbaycan 2009–2012)
• "Vision TV" – (Təsisçi. Azərbaycan, Bakı 2013)
• "MyDay" milli sosial şəbəkəsinin yaradıcısı (Azərbaycan, Bakı, 2015)
• "Bələdiyyələrin Vahid Elektron ödənişi Provayderi"nin yaradıcısı (Azərbaycan, Bakı, 2015)
• "Azerbaycanın Sesi" Jurnalının Azərbaycan Təmsilçisi (21.03.2016)
• "Vision of Georgia" (Təsisçi, Gürcüstan, Tiflis, 2017)
• "Virtual Azerbaijan Group of Companies" MMC (Direktor, Azərbaycan, Bakı, 2017)^[39]
• "TimeSoft" MMC (Təsisçi və Direktor, Azərbaycan, Bakı, 2018)
• "Gəncə İdman Klubu"-nun prezidenti (2019–2023)^[40][41]
• "Azərbaycan Ciu-Citsu Federasiyası"-nın idarə heyətinin üzvü (2019–2023)^[42]
• "Yardımçı" Arxivləşdirilib 2020-09-01 at the Wayback Machine Sosial Yardım Layihəsi (2020)
• "Azərbaycan İnformasiya və Kommunikasiya Texnologiyaları Sənayesi Assosiasiyası"-nın İdarə Heyətinin sədri (2022)^[43]
• "Xəlifə Qiyas" soyunun tədqiqatçısı.^[44]
• "Gəncə İdman Klubu"-nun Müşahidə Şurasının üzvü (2023)

• 2012–13: Türkiyə-Azərbaycan Dərnəkləri Federasiyası tərəfindən "Türkiyə-Azərbaycan qardaşlığına və dostluğuna faydalarına görə" təşəkkürnamə
• 2013: "Zümrüd-M" prodakşn tərəfindən "Azərbaycan Milli Mətbuatının yaranmasının 138 illiyi" ilə əlaqədar "öz nüfuz və bacarığı ilə müvəffəq olmuş onlayn fəaliyyətinə görə 2013-cü ilin "MƏTBUATIN DOSTU" nominasiyasında diplom.
• 2013: Türkiyə Universitetləri Məzunları İctimai Birliyi (TUMİB) tərəfindən həyata keçirilmiş "Mən fəxr edirəm ki, Azərbaycanlıyam" adlı layihəsinə göstərdiyi dəstəyə görə təşəkkürnamə.
• 2013: Azərbaycan Respublikası Gənclər və İdman Nazirliyinin maliyyə dəstəyi ilə Türkiyə Universitetləri Məzunları İctimai Birliyi (TUMİB) tərəfindən həyata keçirilən "Tələbələr arasında dövlət rəmzlərinin təbliği" layihəsində iştirakına görə diplom.
• 2014: QUTechnopark və TÜSİAB-ın birgə təşkilatçılığı ilə 10 mart 2014-cü il tarixində "İş dünyasının gələcəyini anlayaraq yeni dəyər formalaşdırma metodları" mövzusunda keçirilmiş seminarda iştirak etdiyinə görə sertifikat.
• Türkiyə-Azərbaycan Dərnəkləri Federasiyası tərəfindən "Türkiyə-Azərbaycan qardaşlığının, dostluğunun ən üst səviyyəyə qalxması üçün göstərdiyi maraq və etdiyi köməklərinə görə" təşəkkürnamə.

• Vision TV — Təsisçi
• AİKTSA — İdarə heyəti sədri
• GİK — Müşahidə Şurasının Üzvü

• Rəşad Nəbiyev
• Ramin Quluzadə
• Əli Abbasov
• Rəqəmsal İnkişaf və Nəqliyyat Nazirliyi

• Elvin Abbasov — Blogspot səhifəsi
• Elvin Abbasov — Linkedin səhifəsi
• Elvin Abbasov — Twitter səhifəsi
• Elvin Abbasov — Facebook səhifəsi
• Ekspert: "TEKNOFEST Azərbaycan" intellektual sərmayə üçün böyük addımdır
• İzmit Belediye eski Başkanı Nevzat Doğan ve Bilal Dündar VisionTV'yi ziyaret etti-FOTOGALERİ
• Başarı Hikayeleri… Elvin Abbasov
• Elvin Abbasov: Avropa mifi yox olur və insanlar onlara təlqin olunmuş bəzəkli xəyallardan oyanır