Breaking Bad

Breaking Bad – Vins Qilliqanın prodüserliyi ilə istehsal olunmuş ABŞ neo-vestern cinayət teleserialı. Serial AMC kanalında 5 mövsüm olmaqla 20 yanvar 2008-ci ildən 29 sentyabr 2013-cü ilə kimi yayımlanmış və 62 seriya davam etmişdir. Hekayə ağciyər xərçəngi diaqnozu qoyulan çalışqan kimya müəllimi Volter Vaytdan (Brayan Krenston) bəhs edir. Öldükdən sonra ailəsinə pul qoymaq istəyən Vayt keçmiş tələbəsi Cessi Pinkman (Aaron Pol) ilə partner olur və metamfetamin istehsal edib pul qazanmaq qərarına gələrək kriminal dünyaya daxil olur. Serialın orijinal adı olan "breaking bad" ABŞ-nin cənubunda işlədilən ifadə olub, "qiyamət qoparmaq" və ya "cinayətə yönəlmək" mənalarını verir.

Breaking Bad
ing. Breaking Bad
Teleserialın posteri. Personajlar: Cessi Pinkman və Volter Vayt.
Janr	cinayət, triller, neo-vestern, qara komediya
Rejissor	Vins Qilliqan Brayan Krenston Piter Medak[d] Rayan Conson[d] Devid Sleyd[d] Piter Quld[d]
Prodüser	Vins Qilliqan Mark Conson Mişel Maklaren Stüart Lions Sem Ketlin Con Şiban Piter Quld Corc Mastras Tomas Şnauts Brayan Krenston Moyra Uolli-Bekkett Karen Mur Petti Lin
Yaradıcısı	Vins Qilliqan
Ssenarist	Vins Qilliqan[1] Piter Quld[d][1]
Rollarda	Brayan Krenston Anna Qann Aaron Pol Din Norris Betsi Brandt Ar Cey Mitt Bob Odenkerk Cankarlo Espozito Conatan Benks Lora Freyzer Cessi Plemons
Bəstəkar	Deyv Porter
İstehsalçı ölkə	ABŞ
Studiya	High Bridge Entertainment Gran Via Productions Sony Pictures Television
Dil	ingilis, ispan
Rəng	rəngli
Mövsüm sayı	5
Seriya sayı	62 (seriyalar)
Seriya vaxtı	43-58 dəq.
Davametmə müddəti	20 yanvar 2008 – 29 sentyabr 2013
Telekanal	AMC
IMDb	ID0903747
Format	1080i (16:9 HDTV)
amctv.com/shows/breaking…
Vikianbarda əlaqəli mediafayllar

Volterin ailəsi həyat yoldaşı Skayler (Anna Qann) və uşaqları Vayt (Ar Cey Mitt) ilə Hollidən (Elanor Anna Uenriç) ibarətdir. Skaylerin bacısı Mari Şreyder (Betsi Brandt) və onun əri, Narkotik ilə Mübarizə Administrasiyasının əməkdaşı Henk Şreyder (Din Norris) də hekayədəki vacib personajlardır. Teleserialda yer alan digər əsas personajlar Vaytın vəkili Sol Qudman (Bob Odenkerk), şəxsi müfəttiş Mayk Ermantraut (Conatan Benks) və narkotik taciri Qustavo Frinqdir (Cankarlo Espozito). Beşinci və son mövsümdə Tod Alkist (Cessi Plemons) və Lidiya Rodart-Kueyl (Lora Freyzer) personajları görünür.

"Breaking Bad" bütün dövrlərin ən yaxşı seriallarından biri kimi göstərilir. Teleserialın sonuncu seriyası yayımlandıqdan sonra ABŞ televiziyasının ən çox izlənən kabel verilişlərindən biri olmuşdur. Serial bir çox mükafat qazanmışdır: 16 Emmi mükafatı, 8 Peyk mükafatı, 2 Qızıl Qlobus mükafatı, 2 Pibodi mükafatı, 2 Tənqidçilərin Seçimi mükafatı və 4 Televiziya Tənqidçiləri Assosiasiyası mükafatı. Performanslarına görə Brayan Krenston 4 dəfə "Dram teleserialında ən yaxşı kişi roluna görə" Emmi mükafatı, Aaron Pol 3 dəfə "Dram teleserialında ən yaxşı ikinci plan kişi roluna görə" Emmi mükafatı və Anna Qann 2 dəfə "Dram teleserialında ən yaxşı qadın roluna görə" Emmi mükafatı qazanmışdır. "Breaking Bad" 2013-cü ildə bütün dövrlərin ən çox bəyənilən verilişi kimi Ginnesin Rekordlar Kitabına düşmüşdür.