Cessi Pinkman (ing. Jesse Pinkman) — "Breaking Bad" serialının mərkəzi personajlarından biri. Aaron Pol tərəfindən canlandırılıb. Cessi Pinkman, keçmiş kimya müəllimi Volter Vayt (Brayan Krenston) ilə əməkdaşlıq edərək, metamfetamin istehsalı və satışı ilə məşğul olmuşdur. Cessi serialın bütün epizodlarında iştirak edən yeganə personaj statusuna malikdir. Aaron Pol 2019-cu ildə "El Kamino" adlı əlavə filmində həmin obrazı yenidən canlandırmış, eləcə də 2022-ci ildə "Ən yaxşısı Sola zəng et" serialının yekun mövsümündə də rol almışdır.[1]
| Cessi Pinkman | |
|---|---|
| Breaking Bad personajı | |
 | |
| İlk görünmə |
|
| Son görünmə |
|
| Yaradan | Vins Qilliqan |
| Canlandıran | Aaron Pol |
| Məlumat | |
| Tam adı | Jesse Bruce Pinkman |
| Təxəllüslər |
|
| Cinsi | kişi[d] |
| Peşə | met istehsalçısı və satıcısı |
| Evi | |
Teleserialın yaradıcısı Vins Qilliqan əvvəlcədən Cessi Pinkman obrazının birinci mövsümün sonunda məhvini planlaşdırmışdı. Lakin Aaron Polun aktyor məharəti və tamaşaçı auditoriyasının personaja göstərdiyi yüksək maraq nəticəsində bu qərardan imtina edilmişdir. Tənqidçilər xüsusilə Cessi obrazının mənəvi təkamülünü - onun mənfi xarakterli narkotik satıcısından serialın mərkəzi müsbət qəhrəmanına transformasiyasını yüksək qiymətləndirmişlər.[2] Aaron Pol bu roldakı əvəzsiz ifasına görə 2010, 2012 və 2014-cü illərdə televiziya sahəsində ən nüfuzlu mükafat olan "Praymtaym Emmi"yə layiq görülmüşdür.
Cessi Brüs Pinkman Nyu-Meksiko ştatının Albukerke şəhərində orta təbəqəyə mənsub ailədə dünyaya gəlmişdir.[3] Serailın ilk mərhələsində narkotik vasitələrin istifadəsi və realizəsi ilə məşğul olması səbəbindən ailəsi tərəfindən tərk edilmişdir. O, xərçəng xəstəliyindən əziyyət çəkən Cinni xalasının himayəsinə sığınmağa məcbur olub və xalasının son nəfəsinə qədər ona qulluq edib. Daha sonra evin mülkiyyət hüququ valideynlərinə keçdiyindən, Cessiyə həmin evdə yaşamaq imkanı verilib.
Cessi orta məktəb illərində təhsilə maraq göstərməyən, dərslərdən daha çox dostları ilə əyləncəli vaxt keçirməyə və marixuana istifadəsinə üstünlük verən bir şagird olub.[4] Onun daim "Cənab Vayt" deyə müraciət etdiyi Volter Vayt, vaxtilə kimya müəllimi olmuş və ona aşağı qiymətlər vermişdi.[5] Volt Cessidən heç bir müsbət gözlənti bəsləmirdi. Bütün bunlara baxmayaraq, Cessi təhsilini başa vura bilib və məzuniyyət mərasimində diplomunu məhz Voltun əlindən alıb.[6]
- ↑ Shanfeld, Ethan. "'Better Call Saul': Bryan Cranston and Aaron Paul Will Guest Star in Final Season". Variety. April 9, 2022. April 10, 2022 tarixində arxivləşdirilib. İstifadə tarixi: April 9, 2022.
- ↑ Schultz, Robert Downs. "It's All About the Weight, Yo: A Meditation on Jesse Pinkman's Long Road Down". PopMatters. August 21, 2013. August 23, 2013 tarixində arxivləşdirilib. İstifadə tarixi: August 23, 2013.
- ↑ Trumbore, Dave. "'El Camino: A Breaking Bad Movie' Trailer Sees a Scarred Jesse Pinkman in a Standoff". Collider. September 24, 2019. February 28, 2020 tarixində arxivləşdirilib. İstifadə tarixi: February 28, 2020.
- ↑ Pilot // Breaking Bad. 1 sezon. 1 epizod. January 20, 2008. AMC.
- ↑ Grilled // Breaking Bad. 2 sezon. 2 epizod. March 15, 2009. AMC.
- ↑ El Camino: A Breaking Bad Movie // Breaking Bad. October 11, 2019. Netflix.