Birmarket (əvvəlki adı: Umico Market) — Azərbaycanda fəaliyyət göstərən elektron ticarət platforması (marketpleys). "PASHA Holding"ə məxsus "Bir" ekosisteminin tərkib hissəsi olub ölkənin ən böyük e-ticarət platforması hesab olunur.[1] "Birmarket" müxtəlif kateqoriyalara aid yüz minlərlə məhsulu onlayn şəkildə təklif edir.
| Birmarket | |
|---|---|
| Ümumi məlumatlar | |
| Tipi | marketpleys |
| Təsis tarixi | noyabr 2020 |
| Əvvəlki adı | Umico Market |
| birmarket.az | |
Platforma ilkin olaraq "Umico Market" brendi ilə 2020-ci ilin noyabr ayında Azərbaycanda fəaliyyətə başlayıb. "Umico Market" adı altında dörd il ərzində e-ticarət bazarında fəaliyyət göstərdikdən sonra, şirkət 1 iyul 2025-ci ildə rebrendinq prosesindən keçərək adını "Birmarket" olaraq dəyişdirmişdir. Bu dəyişiklik "PASHA Holding"in rəqəmsal ekosistem strategiyası çərçivəsində həyata keçirilmişdir.[2]
"Birmarket" platformasında təxminən 500.000-ə yaxın məhsul mövcuddur və bunlar onlarla müxtəlif kateqoriyanı əhatə edir. Əsas məhsul kateqoriyalarına elektronika və texnika, məişət texnikası, şəxsi qulluq və kosmetika vasitələri, gözəllik və baxım məhsulları, ev əşyaları və dekor, geyim və aksesuarlar, həmçinin istirahət və əyləncə üçün məhsullar daxildir.
"Birmarket" Azərbaycanın bütün bölgələrinə, o cümlədən Qarabağa, Naxçıvan Muxtar Respublikasına çatdırılma xidməti göstərir. Sifariş verilmiş məhsulları ölkə üzrə fəaliyyət göstərən 850-dən çox "Gəl-al" (pick-up) təhvil məntəqəsindən pulsuz şəkildə təhvil almaq mümkündür.[3]
"Birmarket" öz xidmətlərini həm veb-sayt, həm də mobil tətbiq (iOS və Android əməliyyat sistemləri) vasitəsilə təqdim edir. Rebrendinq çərçivəsində 2025-ci ilin iyul ayında "Umico Market" mobil tətbiqi yenilənərək "Birmarket" adı ilə fəaliyyətini davam etdirməkdədir.[4][5]
- ↑ ""Bir" ekosistem ölkənin ən böyük e-ticarət platforması "Birmarket" ilə daha da güclənir". Azertag.az (az.). 02.07.2025.
- ↑ "Competo". Pasha-holding.az (ingilis).
- ↑ ""Umico" Azərbaycanda çatdırılma xidməti və təhvil məntəqələri olan ən böyük onlayn marketpleysi işə salır". Oxu.az (az.). 15.01.2021.
- ↑ ""Bir" ekosistemi ölkənin ən böyük e-ticarət platforması "Birmarket" ilə daha da güclənir". Marja.az (az.). 02.07.2025.
- ↑ ""Umico"nun adı Birmarket oldu". Modern.az (az.). 02.07.2025.
- "Birmarket"in rəsmi veb-saytı
- ""Birmarket" 3-cü rüb nəticələrini açıqladı: Satışlar 78%, satıcı sayı 107% artıb". Modern.az (az.). 02.12.2025.