Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAzərbaycanda donuzçuluq geniş yayılmamış heyvandarlıq növlərindən biridir. Son dövrlərdə Azərbaycanda olan donuz təsərrüffatlarının sayı artıb. Bakıda və ölkənin digər yerlərində yerləşən donuz təsərrüfatlarının çoxu özəlləşdirilmişdir.[1] Ölkədə saxlanılan donuzlar əsasən ağ Ukrayna donuz cinsidir.[2]
Azərbaycanda saxlanılan donuzların sayında ildən ilə azalma qeydə alınır. SSRİ dağılandan sonra Azərbaycanda donuzçuluq böhran keçirməyə başlamışdır. Donuzların sayı 1991-ci ildə 157 min baş olduğu halda, 1993-cü ildə 67 min başa, 2000-ci ildə 19,7 min başa düşmüşdür.[3] 2004-cü ildə Azərbaycanda 22.932 donuz mövcud idi.[4] 2013-cü ilin statistikasına əsasən Azərbaycanda 6495 donuz saxlanılırdısa, 2014-cü ildə bu say 7600-ə çatmışdı.[1] 2022-ci ildə isə bu rəqəm 6389-ə düşmüşdür.[5] 2025-ci ilin yanvar-mart aylarında Azərbaycanda 3408 baş donuz mövcud olmuşdur. Bu, 2024-cü ildəki eyni dövr ilə müqayisədə 31,4% azalma deməkdir.
Azərbaycanda donuzlar əsasən şimal-qərb, şimal rayonları və Abşeron yarımadasında saxlanılır. Bölgələr üzrə ən çox donuz təsərrüfatı Şəki-Zaqatala regionunda yerləşir. Xüsusilə, Qax, Oğuz və Qəbələ (Nic kəndi) rayonları donuzçuluq baxımından fərqlənirlər. Qax Azərbaycanda ən çox donuzun saxlanıldığı rayondur. 2015-ci ilin statistikasına görə bu rayonda 3500 baş donuz saxlanılır, donuz təsərrüfatı ilə əsasən ingiloylar və gürcülər məşğul olur. Gədəbəy, Goranboy, Qusar, Xaçmaz, İsmayıllı (İvanovka kəndi) və Kürdəmirdə də donuzçuluq təsərrüfatları yerləşir.[1][2] Bakıda donuzların sayı 2025-ci ilin statistikasına əsasən 616-dır. Bu heyvanlar əsasən şəhərin Sabunçu rayonunda saxlanılır.[4]
İslamda donuz əti haram hesab olunduğu üçün Azərbaycanda donuz ətinin istehlakı məhduddur. Azərbaycan bəslənən donuzların ətindən əsasən kolbasa istehsalında istifadə olunur.[1] Donuz ətinin satışı da həyata keçirilir, lakin bahalı ət növüdür.[2]
Donuz təsərrüfatlarında saxlanılan donuzlar arasında donuz qripi xəstəliyinin yayılmadığını müəyyən etmək üçün tez-tez Dövlət Baytarlıq Xidməti tərəfindən tədbirlər keçirilir.[6]
- ↑ 1 2 3 4 "Azərbaycanda 7600 baş donuz saxlanılır". Modern.az (az.). 7 yanvar 2014. 12 iyul 2023 tarixində arxivləşdirilib. İstifadə tarixi: 12 iyul 2023.
- ↑ 1 2 3 "Azərbaycanda nə qədər donuz var? - RƏSMİ CAVAB". Modern.az (az.). 14 iyul 2015. 12 iyul 2023 tarixində arxivləşdirilib. İstifadə tarixi: 12 iyul 2023.
- ↑ "Azərbaycanda ən çox donuz hansı rayonda saxlanılır? - ADLAR və RƏQƏMLƏR". Sfera.az. 19 fevral 2024. İstifadə tarixi: 19 sentyabr 2025.
- ↑ 1 2 "Donuzçuluq biznesinin çöküşü". Müsavat. 18 aprel 2025. İstifadə tarixi: 19 sentyabr 2025.
- ↑ "Azərbaycanda ən çox bu rayonlarda donuz saxlanılır". Müsavat (az.). 14 avqust 2022. 12 iyul 2023 tarixində arxivləşdirilib. İstifadə tarixi: 12 iyul 2023.
- ↑ "Qəbələnin donuzçuluq təsərrüfatlarında dezinfeksiya işləri aparılıb (FOTO)". Trend.az (az.). 14 yanvar 2019. 12 iyul 2023 tarixində arxivləşdirilib. İstifadə tarixi: 12 iyul 2023.