Vikipediya ?

Azərbaycan Xalq Cəbhəsi Partiyası — Vikipediya

Azərbaycan Xalq Cəbhəsi Partiyası (AXCP) — 1989-cu il iyulun 16-da Azərbaycanın dövlət müstəqilliyinin bərpa edilməsi üçün Əbülfəz Elçibəy və 14 nəfər tərəfindən gizli iclasda Azərbaycan Xalq Cəbhəsi adı altında təsis edilən, 1996-ci il sentyabrın 1-də tərəfindən Azərbaycan Xalq Cəbhəsi Partiyası adı altında rəsmi qeydiyyata alınan siyasi partiya.

Azərbaycan Xalq Cəbhəsi Partiyası
AHC logo.jpg
Qurucu Əbülfəz Elçibəy
Sədri Əli Kərimli
Sədr müavinləri
Quruluş tarixi 16 iyul 1989
Qeydiyyat tarixi 1 sentyabr 1995
Bölünmə

AXP(1995)
BQP(2003)
MDHP (2003)
BAXCP (2005)
ADİSP (2005)
(2005)
KXCP (2006)
Aydınlar Partiyası (2009)

Milli Cəbhə Partiyası (2020)
Baş qərargah Tələt Şıxəliyev 8
İdeologiya Mühafizəkarlıq
Liberalizm
Üzv sayı 30 minə yaxın (2015)
Rəngləri          Boz-ağ
Saytı
Commons-logo.svg Vikianbarda əlaqəli mediafayllar

Haqqında

1989-1990, 1990-1992 və 1992-1993-cü illərdə bir neçə ziddiyyətli mərhələdən keçən (xalq hərəkatının genişlənməsi, siyasi uğurlar və parçalanmalar, 20 yanvar faciəsi və dirçəliş, siyasi hakimiyyət və devrilmə) AXC sonrakı illərdə də siyasi sistemdə aparıcı mövqelərdə olub.

AXC-nin varisi 1995-ci ildə yaradılmış, hazırda Əli Kərimlinin sədr olduğu Azərbaycan Xalq Cəbhəsi Partiyasıdır.

Adında Xalq Cəbhəsi olan daha iki partiya var – Klassik Xalq Cəbhəsi Partiyası (sədri Mirmahmud Mirəlioğlu) və Bütöv Azərbaycan Xalq Cəbhəsi Partiyası (sədri Qüdrət Həsənquliyev).

Tarixi

1989-cu il iyulun 16-da Bakı şəhərində baş tutan gizli iclasda 15 nəfər tərəfindən Azərbaycanın dövlət müstəqilliyinin bərpa edilməsi üçün Azərbaycan Xalq Cəbhəsi quruldu. Azərbaycan Xalq Cəbhəsi Əbülfəz Elçibəy, Pənah Hüseynov,Hikmət Hacızadə,Tofiq Qasımov, İsa Qəmbər ,Zərdüşt Əlizadə,Leyla Yunus, Etibar Məmmədov, Rəhim Qazıyev, Nəcəf Nəcəfov, Yusif Səmədoğlu, Sabit Bağırov, Sülhəddin Əkbər, Ələkrəm HümbətovNemət Pənahlı tərəfindən qurulub.

AXCP-nin parçalanması

İslahatçılar və Klassiklər

2000-ci ildə Əbülfəz Elçibəyin ölümündən sonra AXCP 2 qola bölünür: konservativ (Klassik Xalq Cəbhəsi Partiyası) və reformist-proqressiv (Azərbaycan Xalq Cəbhəsi Partiyası). 2000-ci ildən etibarən Əli Kərimli Azərbaycan Xalq Cəbhəsi Partiyasının sədridir.

Etimad Qurultayı Təşkilat Komitəsi

19 avqust 2015-ci ildə Əli Kərimlidən narazı qüvvələr AXCP-də sabiq müavin olan Razi Nurullayev və tərəfdarları AXCP Etimad Qurultayı Təşkilat Komitəsi (AXCP EQTK) yaratdıqlarını bəyan ediblər.27 sentyabr 2015-ci ildə Azərbaycan Xalq Cəbhəsi Partiyasının (AXCP) qurultayında Əli Kərimlinin növbəti dəfə sədr seçilməsindən sonra AXCP EQTK bu qurultayı və seçkiləri tanımayıb, 17 oktyabr 2015-ci ildə qurultay keçirib və Razi Nurullayevi AXCP sədri seçib.

Razi Nurullayev 2020-ci il 29 iyul tarixində partiyasının qurultayında AXCP adından imtina etmiş və yeni Milli Cəbhə Partiyasını təsis etmişdir.

Birləşmə

2010-cu ildə AXCPMüsavat birləşmək qərarı almışdı. Lakin daha sonra bu birləşmə gerçəkləşmədi.

Seçkilərdə İştirakı

Parlament Seçkiləri (Azərbaycan)

1995, 2000, 2005, 20102015-ci illərdə baş tutan Parlament seçimlərində mübarizə aparan Azərbaycan Xalq Cəbhəsi Partiyası, 125 üzvdən ibarət olan Milli Məclisdə, 1995-ci ildə 4 nəfərlə, 2000-ci ildə isə 7 nəfərlə təmsil olunub.

Azərbaycan Xalq Cəbhəsi Partiyası 2005-ci il noyabrın 6-da baş tutan Milli Məclisə III çağırış seçimləri üçün "Azadlıq" İttifaqının həmtəsisçilərindən biri oldu. "Azadlıq" İttifaqına Müsavat Partiyası, Azərbaycan Liberal Partiyası, Azərbaycan Milli İstiqlal PartiyasıAzərbaycan Demokrat Partiyası daxil oldu. Avropa Şurası Parlament Assambleyasının rəyinə əsasən seçimlərdə "Azadlıq" İttifaqı qalib gəldi. MSK-nın açıqladığı rəsmi nəticələrə əsasən isə Milli Məclisdə YAP 60 nəfərlə, isə 6 nəfərlə təmsil olunmaq hüququ qazandı. Əli Kərimli isə "Azadlıq" İttifaqının 58 üzvünün Milli Məclisdə təmsil olunmaq hüququ qazandığını iddia edirdi.

İl Sədr Nəticələri Mövqe
Yer
1990
Əbülfəz Elçibəy
45 / 360
Müxalifət
1995
Əbülfəz Elçibəy
4 / 125
Müxalifət
2000
Əli Kərimli
7 / 125
Müxalifət
2005
Əli Kərimli
0 / 125
Məğlub
2010
Əli Kərimli
0 / 125
Məğlub
2015
Əli Kərimli
0 / 125
Boykot
2020
Əli Kərimli
0 / 125
Boykot

Parlament seçkiləri (Naxçıvan)

İl Sədr Nəticələri Mövqe
Yer
Əbülfəz Elçibəy
Ana Müxalifət
Əli Kərimli
1 / 45
Ana Müxalifət
Əli Kərimli
2 / 45
Ana müxalifət
Əli Kərimli
1 / 45
Ana Müxalifət
Əli Kərimli
0 / 45
Boykot
Əli Kərimli
0 / 45
Boykot

Prezident Seçkiləri

Azərbaycan Xalq Cəbhəsi Partiyasının sədri Əbülfəz Elçibəy 1992-ci ildə baş tutan Prezident seçimlərində qalib gəlib və 1992-1993-cü illərdə Azərbaycan Prezidenti olub.

İl Namizəd Nəticələri Nəticə
Səs % Yer
1992
 

Əbülfəz Elçibəy
1 830 448
60.90 %
1.
Seçildi
1993
Boykot
1998
Boykot
2003
 

Etibar Məmmədov
70,638
2.9 %
4.
Məğlub
2008
Boykot
2013
 

Cəmil Həsənli
204 642
5.53 %
2.
Məğlub
2018
Boykot

Rəhbərlik


  Azərbaycan Xalq Cəbhəsi Partiyasının Rəhbərliyi

 
 
Əli Kərimli
Sədr
Sədr müavini
Sədr müavini

Sədrləri

Azərbaycan Xalq Cəbhəsi Partiyası sədri 1989-2000-ci illərdə Əbülfəz Elçibəy olub. 2000-ci ildən isə AXCP-nin sədri Əli Kərimlidir.

Sıra Rəhbər Müddət
Başlama Bitmə
Azərbaycan Xalq Cəbhəsi Partiyasının sədrləri
1.
 

Əbülfəz Qədirqulu oğlu Elçibəy
16 İyul 1989
22 Avqust 2000
2.
 

Əli Əmirhüseyn oğlu Kərimli
22 Avqust 2000
hal-hazırda

Təşkilatlar

AXCP Qadınlar Şurası

2002-ci il yanvarın 12-dən Azərbaycan Xalq Cəbhəsi Partiyasının Qadınlar Şurası mövcuddur. AXCP Qadınlar Şurasının sədri .

AXCP Gənclər Komitəsi

Azərbaycan Xalq Cəbhəsi Partiyasının Gənclər Komitəsi mövcuddur. AXCP Gənclər Komitəsinin sədri Emil Səlimovdur.

Rəmzləri

Azərbaycan Xalq Cəbhəsi Partiyasının rəsmi logosunun təsviri belədir:

Logosu

  • Ağ bayrağın ortasında qara rəngdə AHC sözü yazılıb.
  • AHC (Azərbaycan Halq Cəbhəsi).
  • C hərfinin daxilində isə Azərbaycan bayrağı var.

Qərargahı

AXCP 2006-cı ilə qədər Bakı şəhəri, Xaqani küçəsi 33 ünvanında yerləşən binada fəaliyyət göstərib. 2006-cı ilin noyabrında binanın dövlət tərəfindən Hesablama Palatasının balansına verilməsi nəticəsində 23 noyabr 2006-cı ildən partiya qərargahsız qalıb. Bunun qanunsuz olduğunu iddia edən partiya məsələ ilə əlaqədar məhkəməyə müraciət edib. Dövlət tərəfindən partiyaya Keşlə qəsəbəsində qərargah təklif olunsa da partiya tərəfindən bundan imtina edilib. Partiyanın qərargahsız fəaliyyət göstərdiyi dönəmdə toplantılar digər siyasi partiyaların qərargahlarında keçirilib.2013-cü ildə Nərimanov rayonu, Tələt Şıxaliyev küçəsi 8 ünvanındakı ikimərtəbəli bina icarəyə götürülərək, partiyanın qərargahına çevrilib.3 mart 2014-cü ildə partiyanın qərargahı yerləşən binada partlayış baş verib. Bu səbəb əsas gətirilərək 5 mart 2014-cü ildə qərargah dövlət tərəfindən sökülüb.

2016-cı ilin oktyabr ayının 11-də "Şərq" bazarının arxasında, Tələt Şıxəliyev 8 ünvanında yerləşən mənzil icarəyə götürülüb.

AXC bazasında yaradılan siyasi təşkilatlar

Azərbaycanda bir çox tanınan siyasi vaxtilə AXC-nin bazasında yaradılıblar.

Siyahı

  1. Müsavat Partiyası(Partiyalaşmadan öncə)
  2. Müasir Müsavat Partiyası
  3. Vətəndaş Həmrəyliyi Partiyası(P.ö.)
  4. Ana Vətən Partiyası (P.ö.)
  5. Milli Dirçəliş Hərəkatı Partiyası
  6. Vəhdət Partiyası(P.ö.)
  7. Sosial Demokrat Partiyası(P.ö.)
  8. Aydınlar Partiyası
  9. Böyük Quruluş Partiyası
  10. Ədalət Partiyası
  11. Azərbaycan Milli İstiqlal Partiyası(P.ö.)
  12. Klassik Xalq Cəbhəsi Partiyası
  13. Bütöv Azərbaycan Xalq Cəbhəsi Partiyası
  14. Azərbaycan Xalq Partiyası
  15. Demokratik İslahatlar Partiyası
  16. Milli Demokrat Partiyası (Azərbaycan)(P.ö.)
  17. Azərbaycan İslam Partiyası(P.ö.)

İstinadlar

  1. (azərb.). axcp.biz. 2017-08-01 tarixində . İstifadə tarixi: 2017-08-01.
  2. (azərb.). . 2015-09-27. 2017-08-01 tarixində . İstifadə tarixi: 2017-08-01.
  3. Cavanşir Abbaslı (2015-09-28). (azərb.). musavat.com. 2017-08-01 tarixində . İstifadə tarixi: 2017-08-01.
  4. Elçin Mehdiyev (2015-09-28). (azərb.). trend.az. 2017-08-01 tarixində . İstifadə tarixi: 2017-08-01.
  5. (2015-10-18). (azərb.). musavat.com. 2017-08-01 tarixində . İstifadə tarixi: 2017-08-01.
  6. Razi Nurullayev (2015-10-27). (azərb.). YouTube/Razi Nurullayev. İstifadə tarixi: 2017-08-01.
  7. 1 millətvəkili KXCP-dən seçilsə də, rəsmi qeydiyyatda AXCP deputatı olmuşdur.KXCP 2007-ci ildə qeydiyyatdan keçdi.
  8. 1 millətvəkili KXCP-dən seçilsə də, onu AXCP deputatı olaraq elan etmişdir.
  9. Elnur Məmmədli (2009-12-05). ( (azərb.)). lent.az. 2009-12-08 tarixində . İstifadə tarixi: 2019-12-13.
  10. Elnur Məmmədli (2010-02-04). ( (azərb.)). . 2010-02-06 tarixində . İstifadə tarixi: 2014-04-20.
  11. Natiq Ədilov (2013-11-10). ( (azərb.)). azadliq.info. 2016-03-14 tarixində . İstifadə tarixi: 2019-12-13.
  12. (azərb.)). azadliq.org. 2013-10-12. 2016-04-01 tarixində . İstifadə tarixi: 2014-04-20.
  13. Ramin DEKO (2014-03-05). ( (azərb.)). azadliq.info. 2019-12-13 tarixində . İstifadə tarixi: 2019-12-13.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019