Vikipediya ?

Ad günü (film, 1977)

Ad günü — rejissor Rasim Ocaqov tərəfindən 1977-ci ildə ekranlaşdırılmış Azərbaycan filmi. Film Mərkəzi Televiziyanın (Moskva) sifarişi ilə "Azərbaycanfilm" kinostudiyasında istehsal edilmişdir. Lirik-psixoloji film həqiqi dostluq haqqındadır. Filmi "Dost haqqında söhbət" də adlandırmaq olar. Kinolentin qəhrəmanları bizim müasirlərimizdir: müxtəlif xarakterli, müxtəlif dünyagörüşlü insanlardır. Burada əxlaqi-etik məsələlərə toxunulur, müasirlərimizin mənəvi aləminin zənginliyi tədqiq edilir. Filmə 1978-ci ildə Azərbaycan dövlət mükafatı, 1979-cu ildə Bakıda VIII Ümumittifaq televiziya filmləri festivalında I mükafat və 1980-ci ildə Berlində ADR televiziyasının diplomu verilmişdir. Filmdə əsas rolları Hacı İsmayılov, Şəfiqə Məmmədova, David Uplisaşvili, Şükufə Yusupova, E. Qasımov, Sədayə Mustafayeva, Hüseynağa Sadıqov, Fuad Poladov, Ağahüseyn Kərimov və Rafiq Əzimov ifa edirlər.

Ad günü
Ad günü (film, 1977).jpg
Janr Dram
Rejissor Rasim Ocaqov
Prodüser
Ssenari müəllifi Rüstəm İbrahimbəyov
Baş rollarda Hacı İsmayılov
Şəfiqə Məmmədova
David Uplisaşvili
Şükufə Yusupova
E. Qasımov
Sədayə Mustafayeva
Hüseynağa Sadıqov
Fuad Poladov
Ağahüseyn Kərimov
Rafiq Əzimov
Operator Zaur Məhərrəmov
Bəstəkar Emin Sabitoğlu
Rəssam Kamil Nəcəfzadə
İstehsalçı "Azərbaycanfilm" kinostudiyası
İlk baxış tarixi 11 fevral 1977
26 yanvar 1978
(Moskva, Ümumittifaq televiziyası)
Filmin növü Tammetrajlı bədii film
Rəng Rəngli
Vaxt 71 dəq.
Ölkə Azərbaycan Azərbaycan SSR
Dil Azərbaycanca
İl 1977
Texniki məlumat 8 hissə
2200 metr

Mündəricat

Məzmun

Lirik-psixoloji film həqiqi dostluq haqqındadır. Filmi "Dost haqqında söhbət" də adlandırmaq olar. Kinolentin qəhrəmanları bizim müasirlərimizdir: müxtəlif xarakterli, müxtəlif dünyagörüşlü insanlardır. Burada əxlaqi-etik məsələlərə toxunulur, müasirlərimizin mənəvi aləminin zənginliyi tədqiq edilir.

Film şəkili müəllim Mustafanın (Hacı İsmayılov) Bakıya ezamiyyət səfəri ilə başlayır. Qohumu Nazimin (Fuad Poladov) evində qonaq qalan Mustafa poçt şöbəsində xoşagəlməz təsadüf nəticəsində Fəridə (Şəfiqə Məmmədova) ilə tanış olur. Mustafa Fəridəyə ona Bakını göstərməyi təklif edir. Digər tərəfdən kadrda Əlinin ailəsi görünür. Əli (David Uplisaşvili) oğluna ad günü etmək və uşaqlıq dostlarını bir araya yığmaq qərarına gəlir. Qapı-qapı gəzib dostlarını dəvət etdikdən sonra Əli ad günü tədbirinə ciddi cəhdlə hazırlaşır. Fəridə ilə Bakını gəzən Mustafa isə Fəridəni evinə yola salarkən güclü yağış yağır və Fəridə onu yağış kəsənəcən evinə qonaq dəvət edir. Əlinin isə tədbiri baş tutmuşdur, qonaqlar bir yerə yığışmış, deyib-gülüb əylənirlər. Fəridə yağışın kəsmədiyini görcək Mustafaya onun evində qalmağı təklif edir və ona mətbəxdə yataq qurur. Əli isə həyəcan və yorğunluqdan tədbirin yarısında yatır. Dostlar isə öz kefindədirlər. Gecənin yarısında yağış kəsir və Fəridə Mustafaya öz evinə getməsini məsləhət bilir. Nəticədə Mustafa gecə vaxtı tanımadığı Bakının küçələrində qalır. Əli oyanır, görür ki, tədbir bitib və hamı dağılışıb. Kor-peşman eyvana çıxır və yoldan keçən Mustafanı görür; tez onun dalınca qaçıb evinə qonaq dəvət edir. Və onlar əsl ad gününü qeyd edirlər...

Bu filmdə insan tədqiq və təsvir olunur, onun məişəti və yaşayışı, gündəlik həyatı ekranda canlandırılır.

Film haqqında

Mükafatlar

  • 26 dekabr 1978-ci ildə filmə Azərbaycan dövlət mükafatı verilmişdir.
  • 1979-cu ildə Bakıda VIII Ümumittifaq televiziya filmləri festivalında filmə I mükafat verilmişdir.
  • 1980-ci ildə Berlində filmə ADR televiziyasının diplomu verilmişdir.

Filmin üzərində işləyənlər

Rejissor: Rasim Ocaqov
Ssenarist: Rüstəm İbrahimbəyov
Operator: Zaur Məhərrəmov
Rəssam: Kamil Nəcəfzadə
Bəstəkar: Emin Sabitoğlu

Rollarda

Hacı İsmayılov — Mustafa
Şəfiqə Məmmədova — Fəridə
David Uplisaşvili — Əli
Şükufə Yusupova — Rəna
E. Qasımov — Əlinin oğlu
Sədayə Mustafayeva — Əlinin anası
Hüseynağa Sadıqov — Əlinin atası
Fuad Poladov — Nazim
Ağahüseyn Kərimov — Həmid dayı
Rafiq Əzimov — Səlim
Səməndər Rzayev — Faiq
Yaşar Nuri — Eldar
Ramiz Məlikov — Əlinin dostu
Tariyel Qasımov — Həsən
Gülşən Qurbanova — Şeyda

İstinadlar

  1. Aydın Kazımzadə. Azərbaycan kinosu - 1 (filmlərin izahlı kataloqu (1898-2002)). Bakı: 2003, səh. 93-94.
  2. : portretlər /A. Kazımzadə; elmi red. R. Bədəlov, red. S. Cəfərli, naşir. T. Vəlixanlı; Azərb. Döv. Mədəniyyət və İncəsənət Un-ti; Azərb. Döv. Filmfondu]

Mənbə

  • Əbluc, H. "Ad günü" [Rüstəm İbrahimbəyovun "Ezamiyyət" və "Ad günü" hekayələri əsasında çəkilmiş eyniadlı film haqqında] //Ədəbiyyat və incəsənət.- 1977.- 18 iyun.- səh. 6.
  • Rəhimli, İ. "Kövrək hisslərin nikbinliyi" [R. İbrahimbəyovun "Ad günü" filmi haqqında] //Kommunist.- 1978.- 28 yanvar.
  • Ağakişi Kazımov. "Yaxın ürəklər" ["Ad günü" filminin Respublika Dövlət Mükafatına təqdim olunması haqqında] //Ədəbiyyat və incəsənət.- 1980.- 28 mart.- səh. 6.
  • Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
  • Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 246; 304.
  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 4.
  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 180; 218; 220-223; 268; 278.
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.

Həmçinin bax

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019