2019 UEFA Super Kuboku – UEFA tərəfindən hər il ənənəvi olaraq keçirilən sayca 44-cü UEFA Superkuboku matçıdır. Superkubok uğrunda matçda 2018–19-cu il mövsümündə müvafiq olaraq UEFA Çempionlar Liqası və UEFA Avropa Liqası qalibi olmuş "Liverpul" və "Çelsi" klubları üz-üzə gəldi.[5] Matç 14 avqustda İstanbulda yerləşən Vodafone Parkda oynandı.[6] Bu matç ilk dəfə iki ingilis klubunun üz-üzə gəldiyi superkubok matçı oldu. Ümumilikdə isə səkkizinci dəfə bu turnirdə eyni ölkənin klubları üz-üzə gəldi.
| 2019 UEFA Superkuboku | |||||||
|---|---|---|---|---|---|---|---|
 | |||||||
|
|||||||
| Oyun sonrası penalti zərbələrindən sonra Liverpul 5-4 hesabı ilə qalib gəldi | |||||||
| Tarix | 14 avqust 2019 | ||||||
| Yer | Vodafone Park, İstanbul | ||||||
| Matçın adamı | Sadio Mane (Liverpul)[1] | ||||||
| Hakim | Stefani Frappar (Fransa)[2] | ||||||
| Tamaşaçı | 38434[3] | ||||||
| Hava |
Buludlu 26 °C (79 °F) 73% rütubət[4] |
||||||
← 2018 2020 → | |||||||
Superkuboklar tarixində ilk dəfə məhz bu il Video köməkçi hakim (VAR) sistemindən istifadə edildi.[7]
Matçın əsas və əlavə vaxtı 2–2 hesabı ilə bitdiyindən, qalibi müəyyənləşdirmək üçün penalti zərbələrindən istifadə olundu. "Liverpul" penalti zərbələrində 5–4 hesabı ilə üstün olaraq kuboka yiyələndi.[8][9]
"Liverpul" bundan əvvəl 5 dəfə superkubok matçında iştirak etmişdi və onların üçündə uğurlu olmuşdu. Belə ki, 1977-ci ildə "Hamburq"u, 2001-ci ildə "Bayern Münhen"i, 2005-ci ildə isə "ÇSKA Moskva" klubunu məğlub edərək kuboku başı üzərinə qaldırmışdı. "Çelsi" isə buna qədər 3 dəfə stadiona superkuboku qazanmaq üçün çıxmışdı. Onlardan yalnız birində – 1998-ci ildə uğurlu ola bilmişdi.
Bu matç Türkiyədə keçiriləcək ilk superkubok matçı oldu. Bundan əvvəl isə Türkiyədə 2 dəfə UEFA turnirinin finalı keçirilmişdi. Belə ki, Atatürk Olimpiya Stadionunda 2005 UEFA Çempionlar Liqası finalı, Şükrü Saracoğlu stadionunda isə 2009 UEFA Kuboku finalı keçirilmişdi.[10]
Stadion həm də "Beşiktaş"ın əsas stadionudur. UEFA-nın sponsorluq qaydalarına görə stadion bütün UEFA turnirlərində və sənədlərində "Beşiktaş Park" olaraq adlandırılır.[10]
İlk dəfə 9 dekabr 2016-cı ildə UEFA klub turnirlərinin finallarının keçirilməsiylə bağlı açıq təklif vermə prosesini başlatdı. Bununla bağlı assosiasiyalar öz maraqlarını 2017-ci ilin yanvarın sonuna kimi bildirməli idilər və rəsmi sənədləri həmin ilin 6 iyununa kimi təsdiqləməliydilər.[11]
UEFA 2017-ci ilin fevralın üçündə 9 assosiasiyanın finalla yaxından maraqlandığını bildirdi.[12] Həmin ilin 7 iyununda yeddi federasiya UEFA-ya sənədlərini göndərmişdi.[13]
| Ölkə | Stadion | Şəhər | Tutum | Qeyd |
|---|---|---|---|---|
 Albaniya | Arena Kombyotare | Tirana | 22500 | |
 Fransa | Tuluza stadionu | Tuluza | 33150 | |
 İsrail | Sami Ofer stadionu | Hayfa | 30870 | |
 Qazaxıstan | Astana Arena | Astana | 30244 | 2019 UEFA Qadınlararası Çempionlar Liqası finalına da namizədliyini irəli sürümşdü |
 Şimali İrlandiya | Uindzor Park | Belfast | 18434 | |
 Polşa | PGE Arena | Qdansk | 41160[14] | |
 Türkiyə | Vodafone Park | İstanbul | 41188[15] | 2019 UEFA Avropa Liqası finalına da namizədliyini irəli sürmüşdü |
Təkliflərin dəyərləndirilməsi 14 sentyabr 2017-ci ildə UEFA tərəfindən dərc edildi. Vodafone Park sentyabrın 20-si UEFA İcraiyyə Komitəsi tərəfindən superkubok oyununun keçiriləcəyi stadion olaraq seçildi.[16]
2 avqust 2019-cu il tarixində UEFA superkubok matçını idarə edəcək hakimin adını açıqladı. Belə ki, bu şəxs Fransalı Stefani Frappar idi. Bununla da tarixdə ilk dəfə olaraq UEFA-nın keçirdiyi kişilərdən ibarət matçın finalını qadın hakim idarə etdi. O, 2009-cu ildən FİFA hakimi kimi qeydə alınıb.[17] O, 2019-cu ildə daha bir mötəbər yarış olan FİFA Qadınlararası Dünya Kubokunun finalına təyinat almışdı.[18] Buna qədər isə 2016-cı ildə Rio de Janeyroda təşkil olunan Yay Olimpiya Oyunlarında qadınlararası futbol yarışlarında, 1 il sonra isə Futbol üzrə Qadınlararası Avropa Çempionatında bəzi matçları idarə etmişdir. Bundan əlavə, o, 2019-cu ilin aprelində Liqa 1-də fit çalmış ilk qadın hakim olmuşdur.[19]
Onun həmyerlisi Kleman Tyurpen isə superkuboklar tarixindəki ilk video köməkçi hakim oldu.
Matç sürətli başlasa da komandalar bir-birilərinin cərimə meydançalarına elə də yaxınlaşa bilmirdilər. 12-ci dəqiqədə Henderson sağ tərəfdən cərimə zərbəsindəki yoldaşı Maneyə topu ötürmək istəsə də Kristensen buna mane oldu. Liverpul 16-cı dəqiqədə daha bir təhlükəli vəziyyət yaratdı. Belə ki, qapıçı ilə təkbətək çıxan Salah fərqlənə bilməyib. "Çelsi" buna qarşılıq 22-ci dəqiqədə çox böyük şans yaxalasa da bəxti gətirmədi: Pedronun zərbəsi qapı dirəyinə tuş gəlib. 36-cı dəqiqədə "Çelsi" hesabı açdı. Pulişiçin gözəl pasını Olivye Jiru qapının sağ küncünə dəqiq zərbə vuraraq yerdə qoymayıb. Bir neçə dəqiqə sonra Pulişiç qol vursa da ofsayda görə bu qol qeyd alınmayıb. İkinci hissə başlar başlamaz "Liverpul" təzyiqi artırdı və 48-ci dəqiqədə istəyinə nail oldu. Mane yaxın nöqtədən topu tora qovuşdurdu. 75-ci dəqiqədə önəmli bir şans yaxalayan "Liverpul" futbolçularının bəxti gətirməyib. Salahın zərbəsini qapıçı Arrizabalaqa qaytarıb. Təkrar zərbə vuran Van Daykın topunu da Arizzabalaqa dəf edərək 1 dəqiqə içində əsl ustalığını nümayiş etdirdi. 82-ci dəqiqədə sağ tərəfdən pası qəbul edən Pedronun zərbəsi van Daykdan qayıtdı. 4 dəqiqə sonra "Liverpul" əks hücuma çıxdı. Mane topu Arrizabalaqanın yanından yuvarlatdı, lakin top qapı xəttinə paralel getdi. Beləliklə, 90 dəqiqəlik normal vaxt 1–1 hesabı ilə yekunlaşdı və əlavə 30 dəqiqəlik vaxt oynanmağa başladı.
95-ci dəqiqədə Mane topu qapının üst çərçivəsinə göndərərək hesabı artırıb.[20] Bir neçə dəqiqə sonra "Liverpul"un qapıçısı Adrianın Temmi Abrahama qarşı kobudluq etməsi nəticəsində "Çelsi" penalti vurmaq hüququ qazandı. Bu şansı Jorjinyo qola çevirərək hesabı bərabərləşdirdi. Bu qoldan sonra "Çelsi" oyunda tam üstünlüyə yiyələndi və ard-arda kəsərli hücumlar yaratdı. 104-cü dəqiqədə Abrahamın topa yumşaq toxunuşu qapının yanından keçdi. 113-cü dəqiqədə Jirunun cərimə zərbəsinin kənarından vurduğu top qapının azca yanından keçdi. Əlavə vaxt da bərabərə bitdiyindən penalti zərbələri qalibi müəyyənləşdirməli idi. 5-ci penalti zərbəsini vuran Abrahamın topunu qapıçı Adrian dəf etdi və beləcə Liverpul matçın və kubokun qalibi oldu.[21]
| 14 avqust 2019 23:00 (Bakı vaxtı ilə) |
|
Vodafone Park, İstanbul Tamaşaçı: 38 434[3] Hakim: Stefani Frappar |
|||||||||
| Hesabat | |||||||||||
 Liverpul[4]
|
 Çelsi[4]
|
.svg){kind=small}
|
Oyunun adamı:
Hakim köməkçiləri:[2]
|
|
|
|
|
- 1 2 "Liverpul Çelsini penaltilərdə üstəliyərək kuboku qaldırdı". UEFA.com. Union of European Football Associations. 14 avqust 2019. 15 avqust 2019 tarixində arxivləşdirilib. İstifadə tarixi: 14 avqust 2019.
- 1 2 3 4 "Stefani Frappar superkubok matçını idarə edəcək". UEFA.com. Union of European Football Associations. 2 avqust 2019. 10 noyabr 2019 tarixində arxivləşdirilib. İstifadə tarixi: 2 avqust 2019.
- 1 2 "Liverpool eist de Europese Supercup op na strafschoppen" [Liverpool claims the European Super Cup after penalty kicks]. Sporza (Almanca). Vlaamse Radio- en Televisieomroeporganisatie. 14 avqust 2019. 15 avqust 2019 tarixində arxivləşdirilib. İstifadə tarixi: 15 avqust 2019.
- 1 2 3 "Tactical line-ups" (PDF). UEFA.com. Union of European Football Associations. 14 avqust 2019. 15 sentyabr 2019 tarixində arxivləşdirilib (PDF). İstifadə tarixi: 14 avqust 2019.
- ↑ "2019 UEFA Super Kuboku: Liverpul v Çelsi". UEFA.com. 1 iyun 2019. 12 iyun 2022 tarixində arxivləşdirilib. İstifadə tarixi: 4 avqust 2019.
- ↑ "Madrid to host UEFA Champions League Final 2019". UEFA.com. Union of European Football Associations. 20 sentyabr 2017. 20 sentyabr 2017 tarixində arxivləşdirilib. İstifadə tarixi: 20 sentyabr 2017.
- ↑ "UEFA Bakıda keçiriləcək Avropa Liqasının finalında VAR sistemindən istifadə edəcək". Report İnformasiya Agentliyi. 27 sentyabr 2018. 4 avqust 2019 tarixində arxivləşdirilib. İstifadə tarixi: 27 sentyabr 2018.
- ↑ "Full Time Report Final – Liverpool v Chelsea" (PDF). UEFA.com. Union of European Football Associations. 14 avqust 2019. 20 sentyabr 2019 tarixində arxivləşdirilib (PDF). İstifadə tarixi: 14 avqust 2019.
- ↑ “Liverpul” Avropanın ən güclüsü oldu Arxivləşdirilib 2019-08-17 at the Wayback Machine, oxu.az
- 1 2 "Beşiktaş Park, Istanbul to stage 2019 UEFA Super Cup". UEFA.com. 20 sentyabr 2017. 15 fevral 2019 tarixində arxivləşdirilib. İstifadə tarixi: 4 avqust 2019.
- ↑ "UEFA klub turnirlərinin final seçimləri" (PDF). UEFA. 16 avqust 2017 tarixində arxivləşdirilib (PDF). İstifadə tarixi: 4 avqust 2019.
- ↑ "15 assosiasiya 2019-da keçiriləcək turnirlərin finalı ilə maraqlanır". UEFA. 3 fevral 2017. 23 yanvar 2019 tarixində arxivləşdirilib. İstifadə tarixi: 4 avqust 2019.
- ↑ "Ten associations bidding to host 2019 club finals". 7 iyun 2017. 7 iyul 2018 tarixində arxivləşdirilib. İstifadə tarixi: 4 avqust 2019.
- ↑ "Stadion Energa Numbers". 6 iyun 2017 tarixində orijinalından arxivləşdirilib. (#invalid_param_val)
- ↑ "Stat Arama Detay TFF". www.tff.org. 1 iyul 2018 tarixində arxivləşdirilib. İstifadə tarixi: 12 mart 2018.
- ↑ 2019 UEFA Süper Kupa maçı Vodafone Park'ta Arxivləşdirilib 2019-08-04 at the Wayback Machine, ntv.com.tr
- ↑ "Referees: France". FIFA.com. Fédération Internationale de Football Association. 7 iyul 2019 tarixində arxivləşdirilib. İstifadə tarixi: 5 iyul 2019.
- ↑ "Frappart: Final role a huge source of pride". FIFA.com. Fédération Internationale de Football Association. 6 iyul 2019. 6 iyul 2019 tarixində arxivləşdirilib. İstifadə tarixi: 6 iyul 2019.
- ↑ Fransa Ligue 1'de kadın hakem dönemi Arxivləşdirilib 2019-08-06 at the Wayback Machine, 24 aprel 2019, cnnturk.com
- ↑ "Super Cup joy for Jurgen Klopp as Adrian clinches penalty shootout glory". The Independent. 14 avqust 2019. 15 avqust 2019 tarixində arxivləşdirilib. İstifadə tarixi: 15 avqust 2019.
- ↑ Avrupa'nın süperi Liverpool Arxivləşdirilib 2019-08-17 at the Wayback Machine, ntvspor.net
- ↑ "İlk hissənin hesabatı" (PDF). UEFA.com. Union of European Football Associations. 14 avqust 2019. 3 iyun 2021 tarixində arxivləşdirilib (PDF). İstifadə tarixi: 14 avqust 2019.
- 1 2 3 "Matçın statistikası" (PDF). UEFA.com. Union of European Football Associations. 14 avqust 2019. 3 iyun 2021 tarixində arxivləşdirilib (PDF). İstifadə tarixi: 14 avqust 2019.
- uefa.com/uefasupercup/ — UEFA Superkubokunun rəsmi saytı (ing.)
- "2019 UEFA Super Cup: Istanbul". UEFA.com. (ing.)