...Torba isə çayda

Volt və Cessi Emilionun qalıqlarını təmizləyir. Krazy-8 isə zirzəmidə qapalı saxlanılır. Voltla danışarkən Krazy-8 bildirir ki, Cessi ona və Emilioya Voltun şəxsi həyatı barədə danışıb. Volt Cessi ilə qarşılaşır, bu vaxt Cessi metamfetamin çəkir. O, qərarlaşdırılan tapşırığını yerinə yetirmədiyi üçün Voltu danlayır və hirslə uzaqlaşır. Bu vaxt Skayler Mariyə narkotikdən istifadə edən obraz olan yeni bir hekayə üzərində çalışdığını deyir və ondan marixuana barədə soruşur. Mari güman edir ki, Skayler Volt Cuniyorun narkotikdən istifadə etdiyini düşünür, amma Skayler israrla öz hekayəsindən danışdığını bildirir. Mari Henkdən Volter Cuniyoru bu barədə qorxutmasını istəyir. Henk Volt Cuniyoru bir motelə aparır və metamfetaminin bir fahişənin dişlərini necə korroziyaya uğratdığını göstərir.

Hələ də Cessinin evində olan Volt Skaylerə zəng edərək gecikdiyinə görə üzr istəyir və yalandan avtomobil yuma məntəqəsində olduğunu deyir. Skaylerə onun iki həftə əvvəl işdən çıxdığını bildiyini və evə gəlməməsini deyir. Volt Krazy-8-i öldürməyin müsbət və mənfi tərəflərini götür-qoy edir. Ona yemək apararkən Voltu şiddətli öskürək tutur və zirzəmidə yıxılır. Boşqab əlindən düşüb parçalanır. Özünə gəldikdən sonra Volt Krazy-8-ə ağciyər xərçəngi olduğunu bildirir. Krazy-8 ilə söhbət etdikdən sonra Volt onu azadlığa buraxmağa qərar verir. Krazy-8-in boynuna bağladıqları velosiped qıfılının açarını götürərkən Volt qırılan boşqabdan bir parçanın əskik olduğunu görür. Bu da Krazy-8-in bu parçanı götürdüyünü və Voltun onu sərbəst buraxmasından sonra ona qarşı silah olaraq işlədəcəyini göstərir. Volt yenidən zirzəmiyə düşür və qıfılı "açmaq" üçün Krazy-8-in arxasına keçir və qəfil onu boğmağa başlayır. Krazy-8 əlindəki boşqab parçası ilə onun ayağına zərbələr endirir. Bir neçə saniyə sonra Krazy-8-i öldürən Volt ağlayaraq peşmançılığını bəlli edir.

Volt evə qayıdır və Skayleri çarpayıda ağlayan görür. Ona bir şey deməli olduğunu deyir.

Bu vaxt Henk və bir neçə DEA (Narkotiklə Mübarizə İdarəsi) agenti səhrada Krazy-8-in Voltla Cessinin metamfetamin bişirdikləri RV-ni tapırlar. Maşının içindən içərisində Voltun bişirdiyi metamfetamin olan torba tapırlar. Yerli Amerikan ailəsi bir qızın əvvəlki seriyada tapdığı laboratoriya maskasını onlarla paylaşır.

Seriyanın ssenarisi Vins Qilliqan tərəfindən yazılmışdır, rejissoru Adam Bernşteyndir. 10 fevral 2010-cu il tarixində ABŞ və Kanadada AMC kanalında yayımlanmışdır.

Seriyanın adı (2-ci seriya ilə bərabər) "Sweet Smell of Succes" filmindən sitatdır və bir məsələnin həll olunduğuna dair əminlik vermək məqsədi ilə deyilmişdir.^[1]

IMDb-yə görə seriya 10 baldan 8,7 bal almışdır.^[2]