Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinŞinran (親鸞?, 14 may 1173, Hino Tanjo-in məbədi[d] – 9 yanvar 1263, Kioto) — Yaponiya buddist rahibi, amidaizm təliminin davamçısı və Codo-şinşu (真宗?, hərf. "Həqiqi saf torpaq məktəbi") məktəbinin banisi olmuşdur. O, "Həqiqəti görən böyük müəllim" (見真大師, Kenshin Daishi?) fəxri adı ilə tanınmışdır.
| Şinran | |
|---|---|
| yap. 藤井善信 | |
 | |
| Doğum tarixi | 14 may 1173 |
| Doğum yeri |
|
| Vəfat tarixi | 9 yanvar 1263 (89 yaşında) |
| Vəfat yeri | |
| Dəfn yeri | |
| Həyat yoldaşları | |
| Uşaqları | |
| Atası | Arinori Fudzivara[d] |
| Fəaliyyəti | bhikşu, dini rəhbər[d] |
 Vikianbarda əlaqəli mediafayllar | |
Şinran 21 may 1173-cü ildə paytaxt aristokratlarından olan Hino Arinorinin ailəsində anadan olmuşdur. Gənclik illərində o, Tenday-şu məktəbinə məxsus Enryaku-ci monastırında dini təhsil almışdır, lakin 29 yaşında olan zaman amidaizm məktəbinin banilərindən biri olan Honenin rəhbərliyi altında həmin təriqətə keçmişdir. 1207-ci ildə hakimiyyət orqanları amidaizmi qadağan edən zaman Şinran müəllimi Honen ilə birlikdə Eçiqo vilayətinə sürgün edilmişdir. Sürgündə olduğu dövrdə rahibə Eşinni ilə evlənmişdir.[1][2]
Əfv olunduqdan sonra Şinran Amida Buddanın ibadətinə əsaslanan təlimi Yaponiyanın şərq vilayətlərində — Şinano, Şimotsuke və Hitati əyalətlərində təbliğ etmişdir. O, insanın xilasının öz gücü ilə, yəni meditasiya və dini təcrübələrlə əldə edilə bilməyəcəyini irəli sürmüşdür. Şinranın fikrinə görə, insan yalnız Amida Buddaya olan mütləq inam və onun bəşəriyyəti təkrar doğuluşlar dairəsindən xilas etmə vədinə sadiqliyi sayəsində nicat tapa bilər. Bu inam insanın Budda olaraq yenidən doğulmasına və "Saf torpaq" adlanan buddist cənnətində mövcudluğuna şərait yaradır.[3][4]
Şinran həmçinin, akunin-şoki (悪人正機?, hərf. "günahkarlar xilasın əsas məqsədidir") adlanan təlim prinsipinin tərəfdarı olmuşdur. Bu prinsipə görə, Amida Buddanın təlimi hər şeydən əvvəl günahkar insanlar üçün nəzərdə tutulmuşdur və məhz onların xilası əsas məqsəd sayılır.[5]
Şinran 16 yanvar 1263-cü ildə Kioto şəhərində vəfat etmişdir.[6]
- ↑ Трубникова Н. Н. Зачем амидаисту астрономия? // Точки — Puncta. № 1—4 (11). M.: Институт философии, теологии и истории святого Фомы. 2012. 57—61. ISSN 1680-614X.
- ↑ Alfred Bloom. The Essential Shinran: A Buddhist Path of True Entrusting. 2007. ISBN 978-1-933316-21-5.
- ↑ Jerome Ducor. Shinran, Un réformateur bouddhiste dans le Japon médiéval. Gollion: Infolio éditions. 2008. ISBN 978-2-88474-926-8.
- ↑ Albert Shansky. Shinran and Eshinni: A Tale of Love in Buddhist Medieval Japan. ISBN 978-1424163014.
- ↑ James C. Dobbins. Letters of the Nun Eshinni: Images of Pure Land Buddhism in Medieval Japan. ISBN 0-8248-2870-4.
- ↑ Kentetsu Takamori; Daiji Akehashi; Kentaro Ito. You Were Born For A Reason, The Real Purpose Of Life. Ichimannendo Publishing, Inc. 2006. ISBN 978-0-979-0-471-0-7.