Zurab Muradəliyev - Haqqinda Melumat

Zurab Muradəliyev
Zurab Muradəliyev
Azərbaycan SSR əhaliyə məişət xidməti naziri
	7 yanvar 1969 – 6 iyul 1974
Əvvəlki	nazirliyin adı dəyişdirilib
Sonrakı	Züleyxa Həsənova
Azərbaycan SSR məişət xidməti naziri
	25 noyabr 1968 – 7 yanvar 1969
Əvvəlki	Nəbibə Həsənova
Sonrakı	nazirliyin adı dəyişdirilib
Azərbaycan Kommunist Partiyası Nərimanov Rayon Komitəsinin birinci katibi
	1961 – 1968
Əvvəlki	Tofiq Bağırov
Şəxsi məlumatlar
Doğum tarixi	25 avqust 1928
Doğum yeri	Bakı, Bakı qəzası, Azərbaycan SSR, ZSFSR, SSRİ;
Vəfat tarixi	27 dekabr 1981 (53 yaşında)
Vəfat yeri	Bakı, Azərbaycan SSR, SSRİ;
Dəfn yeri	II Fəxri Xiyaban;
Partiya	Sovet İttifaqı Kommunist Partiyası (1953–1981);
Təhsili	Azərbaycan Politexnik İnstitutu (–1957);
Fəaliyyəti	siyasətçi
Təltifləri

Zurab (Zürab) Cəfər oğlu Muradəliyev (25 avqust 1928, Bakı – 27 dekabr 1981, Bakı) — Azərbaycan-sovet dövlət xadimi, Azərbaycan SSR əhaliyə məişət xidməti naziri (1968–1974).

Həyatı

Zurab Cəfər oğlu Muradəliyev 1928-ci ildə Bakı şəhərində qulluqçu ailəsində anadan olmuşdur. Əmək fəaliyyətinə Bakı Dəmir Yolu Texnikumunu bitirdikdən sonra 1947-ci ildə sınaqçı texnik kimi başlamışdır. Yol xidməti mühəndisi, mühəndis-mexanik vəzifələrində işləmişdir. Paralel olaraq təhsil almış və 1957-ci ildə Azərbaycan Politexnik İnstitutunu bitirmişdir.

Zurab Muradəliyev 1955-ci ildə Azərbaycan Lenin Kommunist Gənclər İttifaqı Dzerjinski Rayon Komitəsinin, 1956-cı ildən isə Bakı Şəhər Komitəsinin katibi seçilmişdir. 1959-cu ildə o, partiya işinə — Azərbaycan Kommunist Partiyası Bakı Şəhər Komitəsinin təşkilat şöbəsinin müdiri vəzifəsinə irəli çəkilmişdir. 1961–1968-ci illərdə Azərbaycan Kommunist Partiyası Nərimanov Rayon Komitəsinin birinci katibi, 1968-ci ilin noyabr ayından isə Azərbaycan SSR məişət xidməti naziri olmuşdur. 1974-cü ildən həyatının son günlərinədək Azərbaycan SSR Nazirlər Sovetinin İşlər İdarəsində xarici-iqtisadi əlaqələr şöbəsinin müdiri vəzifəsində çalışmışdır.

Zurab Muradəliyev Azərbaycan Kommunist Partiyası Mərkəzi Komitəsinin üzvlüyünə namizəd olmuş, Azərbaycan SSR Ali Sovetinin 6–8-ci çağırış deputatı seçilmişdir. "Qırmızı əmək bayrağı" və "Şərəf nişanı" ordenləri, eləcə də SSRİ medalları ilə təltif edilmişdir.

Zurab Muradəliyev 1981-ci il dekabrın 27-də vəfat etmişdir.

İstinadlar

↑ З. Ҹ. Мурадәлијев // Коммунист. № 299 (17933). 29 декабр 1981-ҹи ил. С. 3.
Мурадәлијев Зүраб Ҹәфәр оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 230.
Мурадәлијев Зүраб Ҹәфәр оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 247.
↑ Мурадәлијев Зүраб Ҹәфәр оғлу // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 244.

[kom81-1] З. Ҹ. Мурадәлијев // Коммунист. № 299 (17933). 29 декабр 1981-ҹи ил. С. 3.

[dep6-2] Мурадәлијев Зүраб Ҹәфәр оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 230.

[dep7-3] Мурадәлијев Зүраб Ҹәфәр оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 247.

[dep8-4] Мурадәлијев Зүраб Ҹәфәр оғлу // Азәрбајҹан ССР Али Советинин депутатлары. Сәккизинҹи чағырыш. Бакы: Азәрбајҹан Дөвләт Нәшријјаты. 1973. С. 244.