Züleyxa Həsənova (dövlət xadimi) - Haqqinda Melumat

Züleyxa Həsənova
Züleyxa Həsənova
Azərbaycan SSR əhaliyə məişət xidməti naziri
	6 iyul 1974 – 22 fevral 1983
Əvvəlki	Zurab Muradəliyev
Sonrakı	Aydın Məmmədov
Mingəçevir Şəhər Zəhmətkeş Deputatları Soveti İcraiyyə Komitəsinin sədrl
	1963 – 1974
Şəxsi məlumatlar
Doğum tarixi	10 oktyabr 1923
Doğum yeri	Şuşa, Şuşa rayonu[d], DQMV, Azərbaycan SSR, ZSFSR, SSRİ;
Vəfat tarixi	bilinmir
Vəfat yeri	Bakı, Azərbaycan;
Partiya	Ümumittifaq Kommunist (bolşeviklər) Partiyası (1944–);
Fəaliyyəti	siyasətçi
Rütbəsi	kiçik çavuş

Züleyxa Məhərrəm qızı Həsənova (10 oktyabr 1923, Şuşa, DQMV – bilinmir, Bakı, Azərbaycan) — Azərbaycan dövlət xadimi, Azərbaycan SSR əhaliyə məişət xidməti naziri (1974–1983).

Həyatı

O, 1923-cü ildə Şuşa şəhərində Məhərrəm bəy Həsənzadənin ailəsində anadan olmuşdur. İki yaşında olarkən atası vəfat etmiş və o, 14 yaşından anasının da toxucu kimi çalışdığı Şuşa trikotaj fabrikində işləməyə başlamışdır. Daha sonra rayon sənaye kombinatının müsahibi olmuşdur.

1942-ci ilin əvvəllərində Züleyxa Həsənova Sovet Ordusunun Hava Hücumundan Müdafiə Qoşunlarına, Bakının şimalında yerləşən 335-ci zenit-artilleriya alayında (1944-cü ildən — 131-ci zenit-artilleriya briqadası) xidmətə çağırılmışdır. 1945-ci ildə ordudan tərxis olunan Züleyxa Həsənova Yevlax şəhərində işə qəbul edilmiş və o, 1955-ci ilə kimi burada çalışmışdır. 1956-cı ildən Azərbaycan Kommunist Partiyası Mingəçevir Şəhər Komitəsinin təlimatçısı, şöbə müdiri, katibi vəzifələrində işləmişdir. 1963-cü ildən Mingəçevir Şəhər Zəhmətkeş Deputatları Soveti İcraiyyə Komitəsinin sədri olmuşdur. Azərbaycan KP MK yanında Ali Partiya Məktəbini və ^[rus.] bitirmişdir.

Züleyxa Həsənova 1974-cü ilin iyul ayından Azərbaycan SSR əhaliyə məişət xidməti naziri vəzifəsində işləmişdir. 1966-cı ildən Azərbaycan Kommunist Partiyası Təftiş Komissiyasının üzvü olmuşdur. 1944-cü ildən ÜİK(b)P (Sov. İKP) üzvlüyünə qəbul edilmişdir. Azərbaycan SSR Ali Sovetinin 7–10-cu çağırış deputatı seçilmişdir.

Züleyxa Həsənova 1974-cü ildən ildən ömrünün sonuna kimi Bakıda yaşamışdır. Mingəçevir şəhərində dəfn edilmiş və şəhərin mərkəzi küçələrindən birinə onun adı verilmişdir.

İstinadlar

↑ // 1news.az (rus). 25 декабря 2013. 2022-09-21 tarixində . İstifadə tarixi: 21 sentyabr 2022.
↑ Һәсәнова Зүлејха Мәһәррәм гызы // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 355.
Gasanova, Zuleikha Magerram kyzy // (ingilis). New York: Saur. 1978. səh. . ISBN 0-89664-011-6.
Һәсәнова Зүлејха Мәһәррәм гызы // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 411.

Xarici keçidlər

(rus). Память народа. İstifadə tarixi: 21 sentyabr 2022.

[1news-1] // 1news.az (rus). 25 декабря 2013. 2022-09-21 tarixində . İstifadə tarixi: 21 sentyabr 2022.

[dep7-2] Һәсәнова Зүлејха Мәһәррәм гызы // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 355.

[who78-3] Gasanova, Zuleikha Magerram kyzy // (ingilis). New York: Saur. 1978. səh. . ISBN 0-89664-011-6.

[dep10-4] Һәсәнова Зүлејха Мәһәррәм гызы // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 411.