Yusif bəy İbrahimli (1883, Keşlə, Bakı qəzası – may 1920, Sığnaq qəzası) ― azərbaycanlı siyasətçi, Müsavat Partiyasının Mərkəzi Komitəsinin katibi.
| Yusif bəy İbrahimli | |
|---|---|
 | |
| Şəxsi məlumatlar | |
| Doğum tarixi | 1883 |
| Doğum yeri | |
| Vəfat tarixi | may 1920 |
| Vəfat yeri | |
| Vəfat səbəbi | öldürülüb |
| Fəaliyyəti | siyasətçi |
Həyatı
Yusif Ağaqulu oğlu İbrahimli 1883-cü ildə Bakının Keşlə kəndində anadan olub. Mollaxanada və mədrəsədə təhsil alaraq burada türk, ərəb, fars və rus dillərini öyrənib. 1900-cü ildə Bakıda açılmış Politexnik Sənaye məktəbini bitirib. Əvvəlcə Mantaşovun daha sonra isə Şibayevin neft emalı zavodlarında fəaliyyət göstərib. Tezliklə burada mühəndis operator vəzifəsinə yüksəlib.
1911-ci ildə Bakıda gizli şəkildə qurulmuş Müsavat partiyasının ilk üzvlərindən olub. 1913-cü ildə Məmməd Əmin Rəsulzadə Bakıya geri qayıtdıqdan sonra Müsavat partiyasının mərkəzi komitəsinin sədri seçilir. Yusif bəy İbrahimli isə Müsavat Partiyası mərkəzi komitəsinin katibi olur.
1917-ci il oktyabrın 26–31-ə qədər Bakıda, "İsmailiyyə" binasında keçirilmiş Müsavat partiyasının ilk qurultayında və 1919-cu il dekabrın 2-dən 12-dək davam edən Müsavat partiyasının II qurultayında iştirak edib.
Aprel işğalından sonra 1920-ci il may ayında Nəsib bəy Yusifbəyli ilə birlikdə Gürcüstana getmək üçün Bakıdan yola çıxıblar. Yevlaxda ayrılaraq hərəsi fərqli istiqamətlərdə Gürcüstana doğru yol alıblar. Yusif bəy İbrahimli Sığnaq qəzasında naməlum şəxslər tərəfindən güllələnərək öldürülüb. Ehtimallara görə o da Nəsib bəy Yusifbəyli kimi bolşeviklər tərəfindən öldürülüb.
Ailəsi
Yusif bəy İbrahimlinin dörd qardaşı, bir bacısı olub. Kiçik qardaşı Bəhram 1918-ci ildə Mart soyqırımında ermənilər tərəfindən öldürülüb. 1937-ci ildə qardaşı Sabit İbrahimli, əmiləri və əmisi uşaqları sürgün olunublar.
1912-ci ildə Ziba Əmrah qızı ilə ailə qurub. Bu evlilikdən iki qızı bir oğlu olub. Həyat yoldaşı Ziba Əmrah qızı 1960-cı ildə dünyasını dəyişib
Xatirəsi
Azərbaycan müstəqilliyini bərpa etdikdən sonra Bakıdakı Çiçerin küçəsinin adı dəyişdirilərək Yusif bəy İbrahimli küçəsi adlandırılıb və burada onun barelyefi quraşdırılıb.
İstinadlar
- Məmməd Əmin Rəsulzadə. "İbrahimli Yusuf". Odlu Yurd. İstanbul. 1929-04-27. 112.
- ↑ Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 154. ISBN 978-9952-5579-1-6.
- ↑ Hafiz Sadıqov. "Yusif bəy İbrahimli kimdir?". Novruz. Bakı. 12 March 1991. 7.
- Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 155. ISBN 978-9952-5579-1-6.
- Nəsiman Yaqublu. . Bakı: Kitab Klubu. 2013. səh. 23. ISBN 978-9952-8202-2-5. 2023-03-01 tarixində . İstifadə tarixi: 2023-03-01.
- Müşfiqə. (az.). yeniazerbaycan.com. 2021-09-21. 2023-03-01 tarixində . İstifadə tarixi: 2023-03-01.
- Sevda İsmayıllı. (az.). Azadlıq Radiosu. 2013-01-23. 2022-05-22 tarixində . İstifadə tarixi: 2023-03-01.
- Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 151. ISBN 978-9952-5579-1-6.
- Qoşqar Salmanlı. (az.). alp.az. 2021-08-04. 2023-03-01 tarixində . İstifadə tarixi: 2023-03-01.
- Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 156. ISBN 978-9952-5579-1-6.
- Əhməd, Dilqəm. Əski müsavatçılar nəsli: Bir cəmiyyətin tarixçəsi (az.). Bakı: Çapar nəşriyyatı. 2024. 157. ISBN 978-9952-5579-1-6.
- Qara Məşədiyev. Bakı küçələri: adlar və talelər. Bakı: Elm . 2013. səh. 39.
- . 2022-09-13 tarixində . İstifadə tarixi: 2023-03-01.