Yuzef İslam oğlu Qədimov (7 yanvar 1928 – 8 yanvar 2012) — Azərbaycan memarı, Şərq Ölkələrinin Beynəlxalq Arxitektura Akademiyasının üzvü, Azərbaycan Respublikasının əməkdar memarı (2007).
| Yuzef Qədimov | |
|---|---|
 2017-ci ildə buraxılmış Azərbaycan poçt markası | |
| Şəxsi məlumatlar | |
| Doğum tarixi | 7 yanvar 1928 |
| Vəfat tarixi | 8 yanvar 2012 (84 yaşında) |
| Vətəndaşlığı | |
| İşləri və nailiyyətləri | |
| Mükafatları |
 
|
Həyatı
Yuzef İslam oğlu Qədimov 7 yanvar 1928-ci ildə anadan olmuşdur. 1953-cü ildə Moskva Arxitektura İnstitutunu bitirmiş, həmin ildən Azərbaycan Dövlət Layihə İnstitutunda arxitektor və baş arxitektor vəzifələrində işləmişdir.
1984–1989-cu illərdə Bakı Yaşayış Evlərinin Layihələndirmə İnstitutunun ("Bakıdövlətşəhərlayihə") baş memarı işləmişdir. Bu müddətdə o, Heydər Əliyev adına idman-konsert kompleksinin, Milli Təhlükəsizlik Nazirliyinin binasının, Azərbaycanın Partiya Arxivi və Partiya Tarixi İnstitutunun binasının, Nəsimi Rayon Partiya Komitəsinin, Aktyor Evinin, "Bakı Soveti" (hazırkı "İçərişəhər") metrostansiyasının layihə müəllifi və memarı olub.
Eyni zamanda o, Bakıda Cəfər Cabbarlının, Hüseyn Cavidin, Nəriman Nərimanovun abidələrinin, Ağdamda Natəvanın qəbirüstü abidəsinin, Qazax rayonunun Şıxlı kəndində Vidadinin, Şuşada Vaqifin abidəsinin müəllifi və memarı olub.
Yuzef 25 dekabr 2007-ci ildə "Azərbaycan Respublikasının əməkdar memarı" fəxri adına layiq görülmüşdür.
Yuzef Qədimov 2012-ci il yanvarın 8-də 84 yaşında dünyasını dəyişib.
İstinadlar
- ↑ Müsəddin Namazov, Elçin Əliyev. Yuzef İslam oğlu Qədimov // Azərdövlətlayihə. Bakı: Şərq-Qərb. 2015. S. 90–91. ISBN 978-9952-8280-3-0.
- . 2018-10-28 tarixində . İstifadə tarixi: 2023-11-29.
- . 2012-01-13 tarixində arxivləşdirilib. İstifadə tarixi: 2013-09-12.