Yaşar Zeynalov
Yaşar Zeynalov (5 aprel 1960, Bakı) — Azərbaycan Rəssamlar İttifaqının üzvü, Azərbaycan Respublikasının əməkdar rəssamı.
| Yaşar Zeynalov | |
|---|---|
| Doğum tarixi | |
| Doğum yeri | Bakı |
| Milliyyəti | azərbaycanlı[1] |
| Vətəndaşlığı |
 Türkiyə |
| Fəaliyyəti | rəssam |
| Mükafatları |
 |
Yaşar Zeynalov 5 aprel 1960-cı ildə Bakı şəhərində anadan olmuşdur. Rəsimə 1975–1979-cu illər arasında Bakıda Əzim Əzimzadə adına Azərbaycan Dövlət Rəssamlıq Məktəbində başlamışdır. 1979-cu ildə bu məktəbin məzunu olaraq, 1979–1985-ci illər arasında təhsilinə İ. Y. Muxina adına Sankt-Peterburq Rəssamlıq Akademiyasında davam etmişdir.
1987-ci ildə Azərbaycan Rəssamlıq Akademiyasında müəllim işləməyə başlamış və 1994-cü ilə qədər bu vəzifəni davam etdirmişdir.
Yaşar Zeynalov 40-dan çox cizgi filmində rəssam kimi çalışmış və 500-dən çox kitab üçün illüstrasiyalar üzərində işləmişdir.
Rəssam Yaşar Zeynalovun əsərləri Bakı, Moskva, Sankt-Peterburq, Riqa, Tallin, Tbilisi, Minsk, Kiyev, Berlin, İstanbul, Ankara və İzmirdə 4 fərdi və 50-dən çox qrup sərgisində sənətsevərlərə təqdim edilmişdir. Sənətçinin şəkilləri Azərbaycan, Türkiyə, Rusiya, Almaniya, Amerika, Hollandiya, Avstriya, İngiltərə, Yaponiya, Səudiyyə Ərəbistanı və İraqda bir çox böyük kolleksiyalarda yer almaqdadır.
2005–2008-ci illəri arasında İstanbul Böyükşəhər Bələdiyyəsinin Topkapı Mədəniyyət Parkında yerləşən "Panorama 1453 Tarix Muzeyi" nin inşasında Baş Rəssam vəzifəsində çalışmışdır.
2012-ci ildə Harbiye Hərbi Muzeyi üçün "Mohaç döyüşü" dioramını;
2016-cı ildə Konyada "Zindankale" dioramasını;
2017-ci ildə Konya İslam Mədəniyyət Mərkəzində "Konyanüma" panoramasını;
2018-ci ildə "Bursa 1326" panoramasını;
2018-ci ildə "Manisa Mesir Macunu Festivalı" nın dioramasını hazırladı.[2]
1989-cu ildən Gənc Rəssamlar İttifaqının və 2005-ci ildən Azərbaycan Rəssamlar İttifaqının üzvüdür.
Yaşar Zeynalov hal-hazırda İstanbulda yaşayır və "Panorama 1915" -Çanaqqala döyüşü[3] Panorama Muzeyi və Etimesqut bələdiyyəsinin "Türk Tarixi Parkı" üçün "Ərgənəqon dastanı", "Malazgird döyüşü", "İstanbulun fəthi", "Sakarya döyüşü" dioramalarının qurulması davam etməkdədir.[4]
- 2016-cı ildə Yaşar Zeynalov Azərbaycan Respublikası Prezidenti İlham Əliyev tərəfindən Azərbaycan Respublikasının əməkdar rəssamı fəxri adına layiq görülmüşdür.
- ↑ Painter Yaşar Zeynalov
- ↑ "Mesir macunu tarihinin yaşatıldığı müze". 2022-09-23 tarixində arxivləşdirilib. İstifadə tarixi: 2020-04-26.
- ↑ ‘Çanakkale Zaferi’ Çanakkale 1915 Panoramik Müzesi
- ↑ "Panorama 1453". 2022-08-22 tarixində arxivləşdirilib. İstifadə tarixi: 2020-04-26.