İsa Abbasov Faiq oğlu 2 avqust 1996-cı ildə Azərbaycan Respublikasının Gəncə şəhərində anadan olmuşdur. 2003-cü ildə Mirzə Abbas Abbaszadə adına 20 nömrəli tam orta məktəbə daxil olmuşdur. 2014-cü ildə həmin məktəbin məzunu olmuşdur. Eyni ildə Gəncə Dövlət üniverstetinin Tarix fakültəsinə daxil olmuşdur.2018-ci ildə təhsilini başa vurmuşdur. Həmin ilin iyun ayında 1 il müddətlik hərbi xidmətə yollanıb. 2019-cu ilin iyun ayında isə xidməti başa vurmuşdur.

İsa Abbasov Faiq oğlu 27 sentyabr 2020-ci il tarixində başlayan İkinci Qarabağ müharibəsinin helə ilk günlərində, 28 sentyabırda könüllü olaraq ordu sıralarına qatılmışdır. Füzuli, Xocavənd və Şuşa rayonları istiqamətində gedən döyüşlərdə böyük şücaət göstərmişdir. Füzuli rayonu istiqamətində gedən döyüşlər nəticəsində əyağından yaralandığı üçün, Şəmkir rayon xəstəxanasına yerləşdirilir, lakin müalicə tamamilə başa çatmamış, o yenidən könüllü olaraq döyüş yoldaşlarının yanına dönüb. 10 noyabr 2020-ci il tarixində Şuşadan Laçına gedən yol istiqamətində gedən döyüşlərdə qəhramanlıq göstərmişdir, lakin düşmənin attığı mərminin qəlpəsindən yaralanaraq şəhidlik zirvəsinə ucalmışdır. 14 noyabr 2020-ci il tarixində Gəncə şəhər Şəhidlər xiyabanında böyük izdihamla dəfn olunmuşdur.