Biz İp-ləri onsuz da müvəqqəti bloklayırıq, bunun uzun müddətə bloklanmasının o qədər də əhəmiyyəti yoxdur. Çünki, bir İp-dən bu gün biri daxil ola bilir, sabah başqası. Ona görə də İP-nin bloklanmasını düzgün hesab etmirəm.-Vago 07:39, 19 yanvar 2011 (UTC)

RusVikisinə istinad edərək, qaydaları onların qaydaları ilə müəyyənləşdirməyi düzgün hesab etmirəm. Biz öz qaydalarımızı yaratmalıyıq. İdarəçi seçkisində kimlər səs verə bilməz bölməsindəki 4 bəndin yalnız I-sində müddəti dəyişdirərək saxlamaq olar. Bax belə: Səsvermə başlayan tarixdən 3 ay əvvələ kimi redaktəsi olmayanlar səs verə bilməz. Vəssalam! --Cek Li Taran 07:46, 19 yanvar 2011 (UTC)

• İp gəlib səsverirsə bu artıq Vandallıqdır. Onu heç olmasa 2 saatlıq bloklamaq lazımdır.
• Səsverənlər təcrübəli istifadəçilər olur. Təcrübəsiz istifadəçi səsvermənin nə olduğunu bilir ki, gəlib xüsusi işarə qoyub səs verə...
• Ruviki də EnVikidən götürüb qaydaları. qaydalar öz-özünə yaranmır. Heç kim də oturub qayda fikirləşmək fikrində deyil. qaydalar envikidə, devikidə, ruvikidə çox böyük mübahisələr və təcrübələr hesabına yaranıb. Onlar bu etapı 4-5 il əvvəl keçiblər. Onların təcrübəsindən istifadə etmək daha düzgündür, nəinki oturub özündən uydurmaq. Elmi işlər, qanunlar da başqa mənbələrin araşdırılmasından və istifadəsindən sonra yaranır. Siz ki, bunu bilirsiz. --Irada 07:54, 19 yanvar 2011 (UTC)

Bəli, İradə xanım. Mən onları bilirəm və bildiyim üçün də rusa istinad etmək istəmirəm. Nəyə görə Səsvermə başlayan tarixdən 15 gün əvvələ kimi redaktəsi olmayanlar səs verə bilməz? Məncə 1-3 ay arası bir dövrü götürmək olar. Nəyə görə İdarəçiliyə namizəd öz-özünə səs verə bilməz? Məgər real həyatdakı səsvermələrdə seçiçi özü-özünə səs vermir? Səs verir. Seçiçi seçicidir. O, namizəd də ola bilər. Amma yenə də seçicidir! İP ilə səs verənlərin İP ünvanları bloklanmalıdır? Yox, bu düzgün deyil. Bunun qarşısını almaq üçün səsvermə dövründə sadəcə . Vəssalam! --Cek Li Taran 08:05, 19 yanvar 2011 (UTC)

*Müddət ona görə verilir ki, uzun müddət vikipediyada olmayanların buradakı son hadisələrdən xəbəri olmur. Amma yenə də sizinlə razılaşıram: 15 gün olmasın 1 ay olsun. Mən etiraz etmirəm.

• İP-lərin qadağan olunması isə düzgün deyil. Bəlkə kimsə İP ilə şərh yazmaq istəyir. Cox zaman istifadəçi gələcək idarəçinin təqibinə məruz qalmasın deyə fikrini İP ilə deyir.
• İdarəçinin öz-özünə səsverməsi isə elə bir prinsipial məsələ deyil - qaydalardan onu çıxarıram--Irada 08:19, 19 yanvar 2011 (UTC)

Mühafizə edilməni mən də düzgün hesab etmirəm. Bunu bir şərtlə etmək olar ki, şərhlər yazılan hissə başqa məqalə kimi yaradılsın (həmin səhifə mühafizə olunmasın) və səsvermə gedən yerdə həmin məqaləyə bu cür istinad verilsin: Səsvermə ilə bağlı şərhlərinizi burada bildirə bilərsiniz. --Vago 08:22, 19 yanvar 2011 (UTC)

Bu da prosesi mürəkkəbləşdirir. Çünki burada hər bir istifadəçi üçün şərh var, həm də ümumi şərh. Sonra da bunların arxivləşdirilməsi. Aləm qarışacaq bir-birinə :) Çoxları isə başqa səhifədəki şərhləri heç oxumayacaqlar da. Buradakı şərhlərin hamısını oxumağa hövsələləri çatmayanlar gedib harada isə şərh oxuyacaqlar...:) bu real deyil --Irada 08:32, 19 yanvar 2011 (UTC)

Müvafiq şablonlar yaratmaqla bu problemi aradan qaldırmaq olar. --Cek Li Taran 08:36, 19 yanvar 2011 (UTC)

İndiki halda qaydaya əlavə etmək olmaz. Bu istifadəçiləri çaşdıra bilər. İradə xanım yaxşı olar ki, əlavələrini ayrıca bir səhifədə etsin, sonra orada onun müzakirəsini keçirək. Bu səhifəni isə əvvəlki vəziyyətinə qaytaraq. Hörmətlə:--Sortilegus 09:38, 19 yanvar 2011 (UTC)

Hələ ki, qaydalarda elə bir ciddi düzəliş etməmişəm. İndi ki deyirsiniz sonraya qalsın - nəzərdə tutduğum digər əlavələri hələlik etmirəm. Etdiklərim isə elə də ciddi deyil və onların izahlarını vermişəm, Cekli və Vagonun təkliflərini nəzərə alaraq müəyyən dəyişikliklər də etdim. Səsvermədə bu kiçik əlavələrin ziyanı olacağını güman etmirəm --Irada 09:43, 19 yanvar 2011 (UTC)

Xarici keçidi saxlamaq olar. Amma qalan ən cüzi dəyişiklik də səsvermə yolu ilə olmalıdır. Yadınızdadır da, bura 3 dəfə bloklanan istifadəçilərə idarəçi seçkisində iştirak icazəsi verilməsi ilə bağlı bəndin əlavəsi üçün nə qədər müzakirələr getdi, səs vermə keçirildi. Yəni əlavə orfoqrafik, qrammatik səhvin düzəldilməsidirsə, o olar, amma qalan ən cüzi əlavə və dəyişiklik müzakirə olunub səsvermə yoluyla qəbul edilməlidir. --Sortilegus 09:51, 19 yanvar 2011 (UTC)

Bəli, razıyam! --Cek Li Taran 09:52, 19 yanvar 2011 (UTC)

Nədən 1 ay Vikipediyada görünməyənlərin səsi sizin üçün belə önəmlidir? Bunun üçün səsvermə keçirmək nə dərəcədə düzgündür? Müzakirələrdə konsensus alınmayanda səsvermə kiçirilir. Hər halda özünüz bilin... --Irada 09:59, 19 yanvar 2011 (UTC)

Mənim üçün qayda-qanunlara riayət olunması önəmlidir. Qanunla da qayda və prinsiplərə istənilən cüzi əlavə və dəyişiklik səsvermə yolu ilə olmalıdır. Yoxsa sən lazım bildiyin bir bəndi əlavə elədin, sonra birini də Cekli əlavə edib deyəcək ki, niyə sənin əlavən qalır onunki isə çıxarılır. Birini də mən əlavə edəcəm, bununla da yenə aləm dəyəcək bir-birinə. Ona görə səhifə əvvəlki vəziyyətinə qaytarılmalıdır.--Sortilegus 10:11, 19 yanvar 2011 (UTC)

Bəli, razıyam! --Cek Li Taran 10:19, 19 yanvar 2011 (UTC)

Sortilegus, normal qayda yarat, sonra riayət et! Cekli, "bəli-bəli" yazmaq yaxşı iş deyil. Nazirlik deyil bura...--Irada 10:28, 19 yanvar 2011 (UTC)

Bəli, razıyam! --Cek Li Taran 10:33, 19 yanvar 2011 (UTC)

Ay millət, dərdimiz nədir, yenə nəyi bölə bilmirik? Yoxsa hamınız mənim kimi Vikipediyada müzakirələrsiz (oxu:mübahisələrsiz) işləyə bilmirsiniz?  :) Elədirsə, atalar yaxşı deyib: "Su ..." :)--Vago 10:44, 19 yanvar 2011 (UTC)

Bəli, razıyam! "Susmaq gümüşdür, danışmaq qızıl:)))" --Cek Li Taran 10:48, 19 yanvar 2011 (UTC)

Sortilegus, normal qayda yarat, sonra riayət et! - bu nə ittiham tonudur belə? Xahiş eləyirəm mənə müraciət edəndə etik çərçivələri aşmayasan. İdarəçi digər istifadəçilərə nümunə olmalıdır, belə yox --Sortilegus 10:50, 19 yanvar 2011 (UTC)

Nədən xoşun gəlmədi? "Bəli" demədim, ona görə? Burada "cındırdan" tutmuş "zinakara" qədər yüz söz deyirlər, "idarəçi ölüb, ya qalıb" deyirlər. Onda heç etik qaydalar yadına düşmür...--Irada 10:53, 19 yanvar 2011 (UTC)

Məni qəst edirsinizsə, Sizdən fərqli olaraq mənim dediyim sözlər konkret heç kimə ünvanlanmayıb, kimin sözdən xoşu gəlir, özünə götürür, bunun qarşısını mən necə ala bilərəm?--Vago 10:59, 19 yanvar 2011 (UTC)

Bağışlayın bütün göz yumulan "etik qaydaları" siyahıya almağa vaxtım olmadığına görə ilk yadıma düşənləri yazdım. Sizə qarşı heç bir qəsdim yoxdur.--Irada 11:02, 19 yanvar 2011 (UTC)

Kaş ki, onları heç yada salmayaydınız... --Cek Li Taran 11:06, 19 yanvar 2011 (UTC)

Cekli, niyə ki, yazırsınız susmaq gümüşdür, danışmaq qızıldır, qoy elə də olsun.
P.S. İslamda qadınlara saf qızıl taxmağa icazə verilir. Kişilərə isə saf qızıl taxmaq haramdır, gümüş isə müstəhəb :))) ---Vago 11:10, 19 yanvar 2011 (UTC)

Mənə qarşıdır qəsdin? Özün bilərsən. Nə istəyirsən elə, nə istəyirsən yaz. Mən bu tonda səninlə müzakirə aparmayacam. Bacardığım qədər gərginliyi azaltmağa, istifadəçilər arasında münasibətləri düzəltməyə çalışıram. Sən belə görürəm ki, bunun əksini etmək istəyirsən. Özün bilən məsləhətdir. Bundan nə AzViki qazanacaq, nə də elə sən özün.--Sortilegus 11:11, 19 yanvar 2011 (UTC)

Mənim heç kimə qəsdim yoxdur. Mən yalnız normal qayda istəyirəm. Artıq çoxları AzVikini "bardak" adlandırır. Özün oxumusan ki,...Hələ o cür nə qədər yazılar var. Bir idarəçi kimi belə münasibət və yazılar məni sevindirmir. Sortilegus, səni ancaq şəxsən sənə deyilmiş "ton" narahat edirsə, məni ümumi AzViki narahat edir. Sənin nə qazanacağını bilmirəm, Amma AzViki artıq uduzur.--Irada 11:17, 19 yanvar 2011 (UTC)

Səsvermə layihəsinin "Səsvermə müddəti" yarımbaşlığında Səsvermə başlamazdan 3 gün əvvəl idarəçi seçkisi haqqında səsverməni açan istifadəçi tərəfindən Kənd meydanında məlumat yerləşdirilməlidir. cümləsinin verilməsi məqsədə müvafiqdir. Çünki bəzi istifadəçilər ola bilsin ki, müxtəlif səbəblərdən bu seçkidən bixəbər olsun. --Sultan11 19:11, 4 fevral 2011 (UTC)

Mövzunun həcminin kiçik olduğunu nəzərə alaraq müzakirəsi üçün 3 gün vaxt təyin olunur. Hər kəs bu müzakirəyə qatılıb, müzakirə edə, qaydalara hansısa əlavələr etməyi və ya düzəlişlər etməyi təklif edə bilər. Müzakirə hər kəs üçün açıqdır. 3 gün sonra Səsvermə qaydalarının səsverməsi başladılacaq. Hörmətlə --eldarado ^✉ 10:42, 22 yanvar 2018 (UTC)

Səsvermə qapalı keçirilir deyəsən. :)→Vago ^ms 11:20, 9 iyun 2020 (UTC)