Vikipediya:Bürokratlara müraciət/Arxiv 2022 - Haqqinda Melumat

Bu, keçmiş müzakirələrin arxividir. Zəhmət olmasa, bu səhifədəki məzmunu dəyişdirməyin. Yeni bir müzakirəyə başlamaq istəyirsinizsə, ndən istifadə edə bilərsiniz.

Nəzakət qaydasının pozulması

Salam, @Sortilegus, @Eldarado, @Turkmen. Baskervillin 15 fevral 2022-ci ildə Kənd meydanında (xüsusən bu cümlə:"Yaratmış olduğunuz qütbləşmədən sadəcə olaraq utanmalısınız") Vikipediya:Nəzakət, Vikipediya:Təhqir, təhdid və aqressiyaya yol verilməməlidir, Vikipediya:Etiket, Vikipediya:Bloklama qaydaları prinsiplərinə ziddir və istifadəçi bloklanmalıdır. Cəzasızlıq belə kobud ifadələrin tez-tez təkrarlanmasına gətirib çıxaracaq. Eminn (müzakirə) 19:10, 16 fevral 2022 (UTC)

Eminn adi bir sözə görə bloklanma tələb etmək nə dərəcədə doğrudur ? Kimin məni bloklamasını arzu edirsiz ? 2 dəfə statuslarımın əlimdən alınması üçün səsvermə başlatmış şəxsin ya məni "gecə bürokratı" adlandıran şəxsin ? Konkret olaraq hansı qayda və harada pozulub.— Baskervill (müzakirə) 21:52, 16 fevral 2022 (UTC)

Salam Eminn, sizdən belə sadə müraciət gözləməzdim açığı. Normalda mövzuları daha geniş araşdırır və ətraflı izah edərək məsələlərə tərəfsiz yanaşırdınız. Bu dəfə nəsə fərqlilik hiss elədim və ümid edirəm ki, yanılıram. İlk öncə müraciətə fikir bildirim ki, bəli qaydalar pozulub. İdarəçi aqressiv müraciət edib, qütbləşmə olduğunu qeyd edib və 6 nəfərin ona qarşı olduğu ilə bağlı ittihamlar irəli sürüb. Lakin məsələ burasındadır ki, bunu etməyən bir iki idarəçi var hal-hazırda digərləri isə müəyyən vaxtlarda nəzakət qaydalarını və etiket qaydalarını pozub, məüyyən istifadəçiləri qruplaşma ilə ittiham edib və s. Yəni bunlar olub hər zaman lakin heç kəs bloklanmayıb. Nəinki bloklamaq heç bunun müzakirəsi belə getməyib. İdarəçi 6 nəfərin ona qarşı olduğunu qeyd edib lakin son bürokrat səsverməsində heç də bundan geri qalmayan daha lakin bir nəfər belə olsun yazmadı ki, bu nə danışığdı? Mən bürokrat seçildiyim zaman keçmiş idarəçimiz Cekli gündə üç dəfə gəlib mənə ay bürokrat, ay bürokrat deyə mürəciət edərək Nəzakət qaydalarını pozurdu lakin bir nəfər belə yazmadı ki, qaydaları niyə pozursunuz. Yəni bunu ediriksə hər kəsə qarşı edək, mən də bir neçə dəfə aqressiyalı ismarıclar yazmışam buna da qarşı çıxan olmayıb. Uzun sözün qısası idarəçilərin bloklanması çox mənasızdır və heç bir vikidə tətbiq olunmur. Bu cür məsələlərdə yaxşı olar ki, qaydaları pozan idarəçilərlə müzakirələr olunsun və bu halın təkrarlanmaması üçün çalışılsın. Əgər dəfələrlə təkrarlanarsa statusun alınması müzakirə olunsun və bu hər bir idarəçiyə aid olsun müəyyən idarəçilərə deyil. Hörmətlə — eldarado(müzakirə | fəaliyyət | meta səhifəsi) 06:20, 17 fevral 2022 (UTC)

Hörmətli @Eldarado, Cekli829-un, mənim və digərlərinin müzakirəyə nə kimi aidiyyəti var? Ümumiyyətlə aidiyyətim olmayan müzakirədə mənim haqqımda danışılması nə dərəcədə doğrudur? Burada müzakirə mənim barəmdə açılmayıb. İkincisi siz mənimlə aydınlaşdırmadan, bu barədə müzakirə aparmadan necə iddia edirsiz ki, mən istifadəçiyə rişxənd etmişəm? İndiyədək Vikidə kiməsə nəzakətsizlik etdiyimi görmüsüzmü? Hələ cümlənin sonunda da qeyd etmisiz ki, "bir nəfər belə olsun yazmadı ki, bu nə danışığdı?". Bu cümlə Vikipediya cümləsi deyil. Xahiş edirəm Vikipediya:Etiket qaydalarının "Ümumi etiket qaydaları" bölməsinin 16-cı bəndində qeyd edildiyi kimi "əsassız ittihamlar etməyin", Vikipediya:Xoş niyyətli olduğunuzu göstərin. Və sonda sizdən xahiş edirəm, aidiyyətim olmayan müzakirədə məndən danışmayın. Ümumi olaraq fikirlərinizə qatılmıram. Ədalətli qərarlar nisbətlə verilmir. Narazı olduğumuz məsələlərdə müzakirə açılır və qərar qəbul edilir. Necə ki, @Eminn hazırda bunu edir. İstifadəçinin əvvəlki bloklarını nəzərə alaraq (Eldarado tərəfindən 12 günlük blok edilib, Solavirum tərəfindən isə 1 həftə) blokun 1 ay təyin edilməsini dəstəkləyirəm. Turkmen ^müzakirə15:26, 17 fevral 2022 (UTC)

Konkret bu halda Baskervill-in nəzakət qaydalarını pozduğunu düşünmürəm. Qütbləşmə, özünə qarşı qruplaşma olduğundan şübhələnməsi və bunu dilə gətirməsi normal haldır. Ona qalsa mən də nə vaxtdır ki, digər 2 bürokratı (Baskervill və Eldarado-nu) eyni mövqedən çıxış etməkdə, hansısa mənada qruplaşmaqda ittiham edirəm. Və bu ittihamlarda özümü haqlı sayıram. Onda gərək ikisi birləşib məni bloklayaydılar. Normal fikir mübadiləsinə hər zaman açıq olmaq lazımdır. Xüsusilə idarəçilər tənqidlərə dözümlü olmalıdırlar. — Sortilegus (müzakirə) 15:32, 17 fevral 2022 (UTC)

Turkmen sizcə geniş izah verib əziyyət çəkmisiz, sağolun. Amma ehtiyac yox idi. Onsuzda mən səsvermə başladanda bilirdim siz və digər 3 istifadəçi əleyihmə səs verəcəksiz. Narahat olmayın. cümlələrində Vikipediya:Etiket qaydaları pozulmayıb ? İddia edirsiniz ki, burada adi cümlələrdən istifadə etmisiniz, ancaq kənardan oxunan zaman heç də elə təsir bağışlamır. Kənd meydanında olanı yazmışam, heç kimi təqhir etməmişəm. Bir daha bəyan edirəm ki, idarəçilik statusunun zorla əlimdən alınması üçün kəşfiyyat işləri aparılır və böyük bir ehtimalla həlledici zərbə bu il ərzində vurulacaqdır. Atalar yaxşı deyib, Sən saydığını say, gör fələk nə sayır.... — Baskervill (müzakirə) 16:51, 17 fevral 2022 (UTC)

Mən orada istifadəçi ilə son dərəcə nəzakətli danışmışam. Hörmətli idarəçi və bürokratlar, zəhmət olmasa Baskervill-in müzakirə tərzini nəzərə alaraq, istifadəçi barədə tədbir görün. İstifadəçi artıq 2-ci müraciətdir ki, Nəzakət qaydalarını pozur. Turkmen ^müzakirə17:16, 17 fevral 2022 (UTC)

Baskervill, mən adi söz kimi görmürəm. Aqresiya görürəm. Məsələn, mən arzu etmirəm ki, hər gün müzakirə səhifəmə hansısa istifadəçi "utanmalısınız" yazsın. Ola bilər, siz belə mesajlar qəbul etsəniz, narahat olmazsınız. Eldarado, bəli yanılırsınız. Özünüz qeyd edirsiniz ki, idarəçi aqresiyaya yol verib və bizim qəbul etdiyimiz prinsipin adı belədir: Vikipediya:Təhqir, təhdid və aqressiyaya yol verilməməlidir. İndiyə qədər hansısa pozuntular olub və cəzasız qalıbsa, bu da ilk növbədə bürokratların problemidir. Turkmenin rişxəndlə və sancmalı ifadə işlətməsinə niyə etiraz etməmisiniz? Vikicəmiyyət bürokratlardan addımlar gözlədiyi halda siz digər istifadəçilərin məsələyə müdaxilə etməsini gözləyirsiniz. 300 Vikipediyanı açıb yoxlamadım və dəqiq bilmirəm digər vikipediyalarda idarəçilər bloklanır ya yox. Amma texniki olaraq bu funksiya var və deməli, qaydalar pozulanda tətbiq olunmalıdır. Sortilegus, mən də ittiham etdiyinizi xatırlayıram, amma "eyni mövqedən çıxış etdiyinizə görə utanmalısınız" yazdığınızı xatırlamıram. Belə başa düşürəm ki, bundan sonra istənilən istifadəçi digərinə "siz utanmalısınız" yaza bilər və bu ifadəyə görə cəza tətbiq olunmayacaq. Güman edirəm ki, digər istifadəçilər bu müzakirəni izləyirlər və gələcəkdəki müzakirələrin daha aqresiv olacağına zəmin yaradırsınız.— Eminn (müzakirə) 19:45, 17 fevral 2022 (UTC)

"Yaratmış olduğunuz qütbləşmədən sadəcə olaraq utanmalısınız" kimi bir ifadə bəlkə sanksiyalıq bir şey olmasa da, açıq-aşkar (AzVikidə qəbul edilməmiş, lakin əksər vikidə tez-tez qeyd edilən) VP:XNOG qaydasını pozur. Bunu bir idarəçi pozmamalıdır. Hər şey bir yana, "o vaxtı bu olmuşdu, vecinə alan olmadı, bunu da vecinizə almayın" necə bir arqumentdir ki? Bura hansısa bir orta məktəbdirmi, "mən sənin şagirdinə keçirəm, sabah sən də mənimkinə keçərsən" deyib gözümüzü yumaq? Bundan əlavə, idarəçilərin bloklanması prinsipial olaraq düzgün görünmür, əvəzində qayda pozuntusu olan keyslər bir-bir yığılıb idarəçiliyin alınması üçün müraciət edilməlidir. Adi istifadəçi deyil ki, "hə, fəaliyyətinə məhdudiyyət qoydum, öyrənib qayıdar" məntiqini izləyək. İdarəçi, normal olaraq, nümunəvi istifadəçi olmalıdır. Mən istənilən idarəçinin daimi olaraq qeyri-peşəkar rəy yayımlaması ilə mövcud vəziyyəti pisləşdirməsinə qarşıyam, düzgün deyil sadəcə. --► Hörmətlə: Sola Virum 10:40, 18 fevral 2022 (UTC)

oxuduqdan sonra istifadəçiyə qarşı hər hansı bir tədbirin görülməsinin tərəfdarıyam. --► Hörmətlə: Sola Virum 19:28, 19 fevral 2022 (UTC)

Solavirum bəs oxuduqdan sonra idarəçiyə qarşı hansıa bir tədbirin görülməsini zəruri hesab etmirsinizmi ? Burada yazılanla, mənim yazdığım arasında hansı fərq var ? Mən orada hansı qaydanı pozmuşam ? — Baskervill (müzakirə) 02:26, 21 fevral 2022 (UTC)

İstifadəçiyə xəbərdarlıq verildiyi halda qaydanı daimi pozursa, hətta onun haqqında başlıq açıldığı dövrdə bunu edirsə, bəli. Başqa bir istifadəçini "şəxsi qəzəlik"də ittiham etmisiniz, başqa nə olsun? --► Hörmətlə: Sola Virum 05:00, 21 fevral 2022 (UTC)

Turkmen, aidiyyatınız olmasa niyə sizin adınızı çəkim ki. Nə üçün adınızı çəkdiyimi qeyd etmişəm. Əsassız da deyil əsas da gətirmişəm. Qeyd etdiyim cümlə vikipediyalıq deyil demisiz. Necə yəni? Məqalə daxilində işlətsəm elə cümlə müdaxilə etməkdə haqlısız müzakirədə isə deyil. Nəzakətsiz davranmamışam olanı demişəm. Doğru söz acı olur bəzən. Eminn, mən həmişə çalışmışam ki, mənə qarşı pozulan qaydalara dərhal müdaxilə etməyim. Bu həm doğru olmaz həm də kənardan şəxsi məqsədlərə görə hüququmdan sui istifadə etmək kimi görünə bilər. Buna görə də maksimum gözləməyi üstün tuturam ki, digər idarəçilər məsələyə müdaxilə etsinlər. Haqsızsınız demirəm lakin haqlı da görə bilmirəm. Haqlısınız ki, qeyd etdiyiniz ifadə xoşa gələn fadə deyil, digər tərəfdən də, qayda pozan hər bir idarəçiyə qarşı eyni tərzdə yanaşa bilmirsiniz. Bir günümü ayırıb keçmiş müzakirələri oxuyaraq idarəçilərin elə ifadələrini çıxarda bilərəm ki, utanmalısınız ifadəsi yalan olar. Təbbi ki, haqq qazandırmıram və düşünürəm ki, Baskervill dəyərli və təcrübəli idarəçilərimizdən biridir və yaxşı olar ki, müzakirələrdə hisslərini cilovlasın. Sözümün canı odur ki, hardan baxsaq bu mövzunun tərəfli şəkildə açılmış olduğu aydın şəkildə görünür. İstənilən halda idarəçilərin statuslarının alınması ilə bağlı tutarlı səbəblərlə birlikdə hər kəs idarəçilərə müraciət edə və ya idarəçi müzakirəsində başlıq açaraq müzakirəyə başlaya bilər. Solavirum, tam səmimi deyə bilərəm ki, idarəçi olduqdan sonra fəaliyyətinizi həqiqətən də çox bəyənirəm və buna çox sevinirəm. Çünki keçmiş fəaliyyətiniz ilə müqayisə edilməzdir. İdarəçi olduqdan sonra müzakirələrdə artıq qeyri-ciddi ifarələrlə iştirak etmirsiz. Müzakirələrdən başqa isə ümumi fəaliyyətinizi hər zaman bəyənmişəm. Buna görə də sizin də yuxarıda qeyd olunan digər idarəçilər tərəfindən bənzər qayda pozuntuları ilə bağlı fikirlərinizi bilmək maraqlı olardı mənim üçün. Mövzuya dolayı yolla aidiyyatı olduğu üçün burada qeyd edə bilərsiniz fikirlərinizi (o müzakirələrdə də qaydalar pozulub mu?,pozulubsa sizcə nə üçün müdaxilələr olunmayıb? həmin dövlərdə idarəçi olmadığınız üçün daha səmimi olacağınızı düşünürəm.), öncədən təşəkkür edirəm. Son olaraq bu müzakirəni görən idarəçilərdən, idarəçilərin fəaliyyətini nəzarətdə saxlamaq üçün hansısa tədbirlərin görülməsi ilə bağlı təkliflər etmələrini rica edirəm. Lazımdırsa bununla bağlı bir qayda tərtib edək. Hörmətlə — eldarado(müzakirə | fəaliyyət | meta səhifəsi) 14:00, 21 fevral 2022 (UTC)

Eldarado, qaydalar pozulubsa, dərhal müdaxilə etməlisiniz. Qərar verməkdə çətinlik çəkirsinizsə, bu, ciddi problemdir. Zəhmət olmasa, digər idarəçilərin elə fikirlərini ortaya çıxarın ki, utanmalısınız ifadəsi yalan olsun. İdarəçi kobudluğu siz qeyd etdiyiniz kimi ənənəvi haldırsa, hansısa cəza mexanizmi olmalıdır. Belə davam etməməlidir.— Eminn (müzakirə) 18:02, 21 fevral 2022 (UTC)

"Eldarado"nun "mənə qarşı pozulan qaydalara dərhal müdaxilə etməyim" ifadəsi düzgündür, müzakirə yekunlaşdıran, şikayətə nəticə gətirən, istifadəçiyə sanksiya tətbiq edən üçüncü tərəf idarəçi olmalıdır. Buna baxmayaraq, qayda pozuntularına göz yummaq əvəzinə başqasına müraciət edilsə, daha optimal olar. --► Hörmətlə: Sola Virum 09:00, 22 fevral 2022 (UTC)

İdarəçilərin təftişi

Salam. Buradakı müraciətə əsasən yazıram. Hörmətli bürokrat və idarəçi Sortilegus-un məlumatlandırmasıyla, mən təklif edirəm ki, xroniki hal almış idarəçilərə xas passivliklə bağlı qaydalara uyğun olaraq təftiş aparılsın. Bütün idarəçilərin bu bənd əsasında təftiş edilməsini tələb edirəm. Sortilegus-un da qeyd etdiyi kimi ""İdarəçilərin əsas vəzifələri" bölməsində göstərilən minimal tələblərə uyğunlaşdırmazsa, o zaman müzakirəsiz və səsverməsiz həmin istifadəçi idarəçi statusundan məhrum edilir. Bu bənd müddətli həqiqi hərbi xidmət keçdiyi müddətdə qeyri-aktiv olan idarəçi/bürokrata aid edilmir.". Mənimlə həmfikir olan istifadəçilər də var. Yenə qeyd edirəm ki, etirazımız şəxslərə deyil. Hər bir idarəçinin vikipediyaya əvəzsiz töhfələri olub. Hər birinə təşəkkür edirik. Amma səlahiyyətini istifadə etməyənlərdən xahiş və tələb edirik ki, aktiv istifadəçi olaraq fəaliyyətinə davam etsin. Mən tələb edirəm ki, KM-da başladılan müzakirə tarixinədək (2 May 2022 saat 17:14 (UTC) ) olan idarəçi fəaliyyətləri təftiş edilsin. Zəhmət olmasa nəzər alın, hörmətli Sortilegus, Turkmen. Eldarado. Təşəkkürlər. - Dr.Wiki54 (müzakirə) 20:12, 3 may 2022 (UTC)

Vikipediya:İdarəçilərin və bürokratların seçilməsi qaydalarının "İdarəçilərin və bürokratların statuslarının alınması" bəndinə və o bəndin istinad etdiyi Vikipediya:İdarəçilərin fəaliyyəti prinsipinin "İdarəçilərin əsas vəzifələri" bəndinə görə Azərbaycan dilindəki vikipediyanın hər bir idarəçisi son 6 ayda 500 redaktə və 25 idarəçi səlahiyyətlərinə daxil olan əməliyyat (silmə, bloklama və s.) həyata keçirməli idi. 2 noyabr 2021-2 may 2022 arası idarəçi fəaliyyəti təftişi aşağıdakı kimidir. (redaktə sayına görə)— Sortilegus (müzakirə) 23:01, 3 may 2022 (UTC)

Təşəkkürlər @Sortilegus bəy. İdarəçi səlahiyyətlərinin istifadəsini də təftiş etdikdən sonra sizdən qaydalara uyğun olaraq müvafiq addımları atmağınızı xahiş edirəm. -Dr.Wiki54 (müzakirə) 00:01, 4 may 2022 (UTC)

Təşəkkürlər, Nicat49 bəy. Mən özüm də aşağıya 2 may 2021 - 2 noyabr 2021 idarəçi statistikalarını əlavə edirəm. Yaxşı olar ki, Sortilegus redaktə statistakısı üçün də əvvəlki 6 ayı da aşağıya əlavə edəsiniz. Məncə situasiya dəyişməyəcək. Qısaca belə deyim, son 6 ay üçün minimum 500 redaktə sayını keçməyə 4 idarəçi var Babək Akifoğlu, Drabdullayev17, Eminn, Wertuose bəylər, 25 idarəçi səlahiyyəti limitini keçməyən isə bir nəfər var Wertuose bəy. Qaydada "və" deyildiyinə görə hər iki şərt ödənilməlidir. Mən örnək üçün əvvəlki 6 ay statistikasını da əlavə etdim. Bu statistikada da 25 idarəçi səlahiyyəti icrası şərtini ödəməyən Baskervil, Drabdullayev17 Qolcomaq və Wertuose var. Bizi son 6 ay maraqlandırır. Xülasə, 12 ay ərzində iki dəfə minimum olan 25 idarəçi səlahiyyəti icrası limitini Wertuose və Drabdullayev17 bəylər icra etməyib. Sortilegus, sizdən xahişim əvvəlki 6 ayın redaktə statistikasını da əlavə edib ümumi mənzərəni yekunlaşdırdıqdan sonra müvafiq addımları qaydalara uyğun atmağınızdır. Adları keçən bütün idarəçilərə bugünə qədər Azərbaycanca Vikipediyaya verdiyi töhfələr üçün dərin təşəkkürümü bildirirəm. Ümidvaram ki, bundan sonra da aktiv istifadəçi kimi onları aramızda görəcəyik.- Dr.Wiki54 (müzakirə) 06:03, 4 may 2022 (UTC)

İndi burda bürokratlar necə qərar verməlidir? Bir az qarışıq məsələdir. Məncə, digər iki bürokrat da fikrini bildirsin, məsələni konsensusla həll edək.— Sortilegus (müzakirə) 16:23, 4 may 2022 (UTC)

@Sortilegus salam, @Wertuose-nin oflayn fəaliyyəti viki üçün önəmli yer tutur. Və düşünürəm ki, oflayn müzakirələrdə onun AzVikinin idarəçisi kimi iştirakı daha doğru olardı. Vikicəmiyyətin səsvermə ilə seçdiyi şəxs olaraq.

@Drabdullayev17 haqqında düşünürəm ki, dəyərli istifadəçidir, ayrıca şəxsinə də hörmətim böyükdür. Amma təəsüf ki, hazırda layihəyə heçbir töfhə vermir. Və məncə fəaliyyətini bərpa edənədək hüquqları alınsa düzgün olar. Həmçinin təklif edirəm enviki və trvikidəki kimi biz də ayrıca Bürokrat müzakirəsi səhifəsi yaradaq və buradakı konsensus tələb edən müraciətlər barədə orada müzakirələr aparaq. Qarışıqlıq olmasın. Turkmen ^müzakirə17:08, 4 may 2022 (UTC)

Turkmen salam. @Wertuose ilə bağlı dediklərinlə tam razıyam. Burada görünməyən, amma çox dəyərli fəaliyyət göstərir, məsələn, azviki istifadəçilər qrupunun yaradılması və fəaliyyətinin davam etdirilməsi, azviki ilə bağlı layihələrin icrası, ayın layihəsi qaliblərinin mükafatlandırılması və s. @Drabdullayev17 də adətən fəal olurdu. Əsgərlikdə ola biləcəyini ehtimal edirəm. Özü ilə əlaqə yaratmaq yaxşı olardı. Bürokrat müzakirəsi səhifəsinin yaradılmasını dəstəkləyirəm. İdarəçi müzakirəsi səhifəsi var. — Sortilegus (müzakirə) 17:22, 4 may 2022 (UTC)

Təkrardan salam, @Turkmen və @Sortilegus. Redaktə saylarına baxanda məlum olur ki, əvvəlki 6 ayda qaydaları ödəməyən 4 idarəçi: @Baskervill, @Drabdullayev17, @Eminn və @Wertuose bəylərdir. Həm əvvəlki 6 ay, həm son 6 ayda qaydaların ən az birini (500 redaktə və 25 idarəçilik funksiyası) ödəməyən isə Drabdullayev17, Eminn və Wertuose bəylərdir. Hər üçünün önəm kəsb etdiyini anlayıram. Xüsusi vurğuladığınız kimi @Wertuose bəyin Azərbaycanca Vikiyə olan töhfələri əvəzsizdir. Bunu danmıram. Offline fəaliyyəyi isə təbii ki, təqdirəlayidir. Ancaq offline fəaliyyət göstərmək üçün idarəçi səlahiyyətinə nə gərək var? Fikir bildirmək üçün, hədiyyə təqdim etmək üçün, tədbir təşkil etmək üçün mütləq idarəçi olmaq lazımdır? Məncə bəy idarəçi olmadan da istifadəçi qrupuna rəhbərlik edə, təşkilatı işləri yerinə yetirə bilər. Drabdullayev17 bəy isə son redaktəsini 1 həftə əvvəl edib. Ondan öncə də ara-sıra redaktələr edib. 6 aylıq fəaliyyətsizliyinin əsgərliklə bağlı olduğunu düşünmürəm. Düzü, mən belə xırdaçılığa getmək istəmirdim. Əlimdən gəldiyi qədər hər müzakirədə idarəçiləri aktivliyə səsləyirdim. Nəinki mən, digər bütün istifadəçilər. Amma nəticə olmadığı üçün məcbur oldum. Adı çəkilən 3 fəaliyyətsiz idarəçidən də yenə xahiş edirəm ki, mənibyanlış anlamasınlar. Məsələ şəxsi qərəz məsələsi yox, prinsiplər və azvikidə fəaliyyətin yaxşılaşdırılması məsələsidir. Xülasə, mən təklif və tələb edirəm ki, qaydalara uyğun olaraq fəaliyyətsiz 3 idarəçidən idarəçilik səlahiyyəti alınsın. - Dr.Wiki54 (müzakirə) 19:24, 4 may 2022 (UTC)

İdarəçi	Son 6 aydakı redaktə sayı (2 noyabr 2021 - 2 may 2022) 500 redaktə	Əvvəlki 6 aydakı redaktə sayı (2 may 2021 - 2 noyabr 2021) 500 redaktə	Son 6 aydakı idarəçi əməliyyatları (2 noyabr 2021 - 2 may 2022) 25 redaktə	Əvvəlki 6 aydakı idarəçi əməliyyatları (2 may 2021 - 2 noyabr 2021) 25 redaktə
Sortilegus	8485	1911	1254	185
Wertuose	63	81	5	5
Babək Akifoğlu	466	560	111	97
Araz Yaquboglu	18957	14284	2109	2297
Eminn	398	180	823	341
White Demon	858	11045	595	2149
Nicat49	516	684	294	192
Eldarado	560	963	101	238
Qolcomaq	1044	1853	29	22
Turkmen	2108	4092	199	463
Toghrul R	4189	3552	1002	1389
Baskervill	1024	489	59	19
Drabdullayev17	394	9	57	0
Solavirum (21 iyul 2021-dən idarəçi)	13464	10729	229	357
Sura Shukurlu (4 yanvar 2022-dən idarəçi)	2338	-	276	-

Fəaliyyətsizliyim haqqında izahat

Salam hörmətli Vikicəmiyyət. Hər kəsə məlum olan və təxminən 2 il davam edən pandemiya dövrü hamımızın həyatına müəyyən dərəcə təsir etmişdir. Bu dövrdə ən çox yük dəyərli həkimlərin üzərinə düşmüşdür. Bir həkim olaraq mənim də iş yüküm kifayət qədər artmış və Vikilayihədəki fəaliyyətim demək olar ki, olmamışdır. Amma yaxın günlərdə Vikifəaliyyətimi əvvəlki vəziyyətinə qaytaracam. İdarəçilik məsələsinə gəldikdə isə əgər Vikicəmiyyət mənim buna layiq olmadığımı düşünürsə özüm istefa verməyə hazıram. Bu müddət ərzində olan yenilikləri öyrənmək üçün qısa bir müddət mənə kifayət edəcəkdir. Hörmətlə — Drabdullayev17 (müzakirə) 12:25, 5 may 2022 (UTC)

Salam, hörmətli @Drabdullayev17. Sizi çox gözəl anlayıram. Siz bu hüquqa layiq olduğunuz üçün seçilmisiniz. Sadəcə qaydalara əsasən fəaliyyətsiz olduğunuz üçün müəyyən tədbirlər icra olunmalıdır. Amma öz adımdan deyə bilərəm ki, sizin aktiv fəaliyyətiniz viki üçün önəmlidir və sizdən bundan sonra da aktiv istifadəçi fəaliyyətinizi davam etdirməyinizi xahiş edirəm :) Uğurlar! - Dr.Wiki54 (müzakirə) 13:49, 5 may 2022 (UTC)

Çox aktual və vacib məsələdir. İstifadəçilərin idarəçi və bürokratlardan hesabat istəməsi, fəaliyyətlərinə nəzarət etməsi çox müsbət haldır. Öz fəaliyyətim məni qane etmir və bəzən idarəçi statusundan imtina etmək barədə düşünmüşəm. Lakin hal-hazırda bu fikirdə deyiləm. Dr.Wiki54, hazırladığınız cədvəl tamamilə dolğum informasiya əks etdirir. Amma mənim fikirlərim bir az fərqlidir. Cədvəldə qeyd etdiyiniz məlumatlara əsasən, mənim yerinə yetirdiyim idarəçi əməliyyatları sayı kifayət qədər yüksəkdir. Bu göstərici ilə son altı ayda idarəçilər arasında 4-cü, ondan əvvəlki altı ayda isə 6-cı olmuşam, normal göstəricidir. Qaydalarda 500 redaktə tələbi normaldır, lakin 25 idarəçi əməliyyatı tələbi çox azdır. Faiz nisbəti ilə götürəndə 95 faiz redaktə və 5 faiz idarəçi əməliyyatı tələbi qeyd olunur. Bu prinsipin mətni 2011-ci ildə hazırlanıb. Həmin tələblərə yenidən baxılmalı və sərtləşdirilməlidir. Effektiv nəzarət mexanizmi hazırlana bilər.— Eminn (müzakirə) 17:06, 5 may 2022 (UTC)

Hörmətli @Eminn, əslində qayda şərtləti çox yüngüldür. 500 redaktə gülüncdür. Amma sizin idarəçi fəaliyyətiniz olub, düzdür. Lakin hazırki qaydalar belədir. Qaydalara dəyişikliklə bağlı başqa müzakirə başladım dəyişikliklər tətbiq edə bilərik. Qayda ilə bağlı layihə hazırlayıb müzakirə başladacağam, amma hal-hazırda mövcud olan qaydalara riayət etmə məcburiyyətimiz var. -19:19, 5 may 2022 (UTC) Dr.Wiki54 (müzakirə) 19:19, 5 may 2022 (UTC)

Yuxarıda qeyd edilən fikirlərlə bağlı olaraq bəzi düşüncələrimi bölüşmək istərdim. Qaydalara təbii ki, əməl olunmalıdır, amma konkret istinad edilən bənd qaydalara əlavə olunduğu dövrdə Vikipediyada yaranmış mühitə uyğun tərtib olunmuşdu. Həmin bəndin təşəbbüskarlarından biri kimi deyə bilərəm ki, həmin dövrdə idarəçi sayımız az idi və idarəçiləri aktivliyə həvəsləndirmək, aktiv olmayanları idarəçi statusundan məhrum etmək üçün belə bir addım atılmışdı. Amma bu gün idarəçi sayımızın artdığı dövrdə həmin qayda aktuallığını itirsə də, qüvvədə qalır. Digər vikilərin isə demək olar ki, heç birində buna bənzər tələb yoxdur və biz bu bəndi ru-vikidəki qismən buna bənzəyən başqa bir tələbi presedent kimi qəbul edərək yazmışdıq. Amma ondan bir müddət sonra Metada yeni qayda qəbul olundu ki, 2 il qeyri-aktiv olan idarəçinin statusu stüardlara müraciət etməklə, yaxud idarəçinin özünün hər hansı vikisəhifədə statusdan imtina etməsini bəyan etdiyi halda avtomatik alına bilər. Ona görə də bizim əlavə etdiyimiz bənd böyük ölçüdə aktuallığını itirdi. Bura qədər dediklərimdə bu qaydanın qəbul olunma məntiqini izah etməyə çalışdım. Əlavə olaraq onu da qeyd etmək istəyirəm ki, həmin bəndin qəbul olunduğu dövrdə istifadəçi qrupumuz yox idi və hər hansı aktiv offlayn fəaliyyət barədə söhbət getmirdi deyə belə fəaliyyətlər qaydalarımızda o vaxt nəzərə alınmayıb və sonradan da əlavə edilməyib. Sonda yuxarıda mənə dəstək olaraq qeyd edilən fikirlərə görə təşəkkürümü bildirirəm. Qaydalarda nəzərdə tutulmuş növbəti addım olaraq idarəçilərin müzakirəsi olarsa, orada da fikirlərimi bildirməyə hazıram. Həmçinin yaxın vaxtlarda həm Vikipediyada onlayn, həm də Vikipediya ilə bağlı offlayn fəallığımı artıracağam.--Wertuose (müzakirə) 08:31, 6 may 2022 (UTC)

Salam @Wertuose, məncə qaydalar aktuallığını itirməyib. Hal-hazırda 3 idarəçi (aralarda da başqa 2-3) xaricində aktiv olan idarəçi olmur. Böyük problemlər yaşayırıq bunu İdarəçilərə Müraciət səhifəsində də yazmışam. Əksəriyyət də mənimlə həmfikirdir. Sizin fəaliyyətiniz dəyərlidir, ümumiyyətlə azvikinin mövcud idarəçi heyətində olan hər bir idarəçinin fəaliyyəti önəmlidir. Lakin konkret olaraq son 1 ildə sadəcə 10 idarəçi səlahiyyəti istifadəniz var. Hər ayda 1 dəfədən belə az edir bu. Mən təklif edərdim ki, siz elə aktiv istifadəçi kimi fəaliyyətinizə davam edəsiniz. Geri qayıtmağınız bizim üçün böyük qazanc olar. Düşünürəm ki, offline fəaliyyət önəmli olsa da, online-la çox əlaqəsi yoxdur. Amma oradaki fəaliyyətiniz də təqdirəlayiqdir. Təşəkkür edirəm. - Dr.Wiki54 (müzakirə) 09:35, 6 may 2022 (UTC)

Hörmətli Bürokratlar (@Sortilegus, @Eldarado, @Turkmen) müzakirələr baş tutub yekun qərar verildi mi? - Dr.Wiki54 (müzakirə) 12:22, 10 may 2022 (UTC)

Son qərarın verilməsi üçün VP:BMZ-də müzakirə başladıldı.— Turkmen ^müzakirə16:57, 10 may 2022 (UTC)

İstinadlar

Şəhid məqalələri

Salam. Bürokratlardan Sortilegus, Eldarado, Turkmen, xahiş edirəm ki, bu məsələ ilə maraqlansınlar. Hörmətlə, dancewithdevil (müzakirə) 08:18, 8 may 2022 (UTC)

Salam dancewithdevil. Mən o müzakirənin gedişini izləyirəm. Amma o müzakirə ilə bağlı bürokratların edə biləcəyi bir şey yoxdur. Məsələ bürokrat səlahiyyətləri daxilində deyil. Vikicəmiyyətin qərarı olmalıdır - ya konsensus, ya da səsçoxluğu. Bundan sonra şəxslərlə bağlı qəbul olunan prinsipə də hansısa düzəlişlər edilə bilər. Amma onda da səsvermə keçirilməlidir. — Sortilegus (müzakirə) 08:42, 8 may 2022 (UTC)

Müraciət baxılmamış qaldı.— Sortilegus (müzakirə) 13:29, 18 may 2022 (UTC)