Salam. Uzun müddətdir davam edən idarəçi-istifadəçi mübahisələrinə hamımız şahid oluruq. Və bu mübahisələr vaxtı hərə bir qaydaya istinad edir. Biri silinməli məqalə kriteriyalarını əsas gətirir, biri ensiklopedik əhəmiyyətliliyə keçid verir, biri idarəçilərin vəzifəsindən danışır. Heç kim çıxıb demir ki, vikipediyamızda yazılan qaydaladaların bir çoxu layihə halındadır. Məncə bunları müzakirə edib, son hala salaraq səsverməyə çıxarmalıyıq. Çünki qaydaları qəbul etməsək normal fəaliyyət göstərmək mümkün olmayacaq. --Aabdullayev851 (müzakirə) 22:00, 20 fevral 2016 (UTC)

Salam həmkar. Müəyyən boşluqlar var bəli: qəbul edilməmiş, tam çevrilməmiş və ya ümumiyyətlə çevrilməmiş qaydalar var. Təklifiniz ümumidir, mərhələli həllin daha asan olacağını düşünürəm. Ona görə gərək mövzuları bir-bir seçib qaydaları çevirib müzakirəli səsverməsini keçirək. Əsas məsələ nədən başlayaq sualına cavabdır.--Asparux Xan Bulqar (müzakirə) 22:39, 20 fevral 2016 (UTC)

Hər ay bir qaydanı müzakirə edərək səsverməyə çıxaraq. --Aabdullayev851 (müzakirə) 22:46, 20 fevral 2016 (UTC)

Aabdullayev851 və Asparux Xan Bulqar hər ikinizi bu gözəl təşəbbüsü səsləndirdiyinizə görə alqışlayıram. Vikigörüşlərdə iştirak edən istifadəçilər bilirlər ki, mən demək olar ki, hər görüşdə bu məsələni qaldırıram və qaydaların işlənməli olduğunu bildirirəm. Əgər ikiniz də qaydalarla bağlı iş görməyə həvəslisinizsə o zaman kiçik bir işçi qrup yarada bilərik. Bu halda işimizi planlaşdırıb bir-birimizə kömək etməklə daha yaxşı, tez və asan nəticəyə nail olmaq olar. Mən hazırda musiqi və filmlərlə bağlı iki ensiklopedik əhəmiyyətlilik qaydası üzərində işləyirəm. Wertuose şəxslərlə bağlı ensiklopedik əhəmiyyətlilik qaydası üzərində işləyir. Serkanland isə film və serial məqalələri üçün nəzərdə tutulmuş stil kitabçaları işləyir. Əgər razısınızsa ilkin olaraq ensiklopedik əhəmiyyətlilik qaydaları üzərində işləri yekunlaşdırmağı təklif edirəm. Yaradılması lazım olan bir neçə qayda (elm xadimləri, idman və idmançılar, şirkət və təşkilatlar, kitablar və sair) qalıb. Həmin qaydaları yaratmaqla bizə kömək edə bilərsiz. Saha sonra növbə ilə səsvermə və silinmə qaydaları üzərində işləyə bilərik. Hörmətlə --sefer azeri 06:00, 21 fevral 2016 (UTC)

"Elm xadimləri" haqqında qaydalar tez-tez ehtiyyac duyulanlar içində olduğu üçün zənnimcə elə ilk bundan başlayacam.--Asparux Xan Bulqar (müzakirə) 06:49, 21 fevral 2016 (UTC)

Asparux Xan Bulqar çox ağıllı fikirdir. Həmin qaydanın keçidi budur. Hörmətlə --sefer azeri 07:22, 21 fevral 2016 (UTC)

Çox yaxşı fikir və təşəbbüsdür. İdarəçi səlahiyyətləti qaydalarında da dəyişiklik etmək lazımdır. İdarəçilər müvəqqəti, məsələn 2 illiyə seçilməlidir və aktiv olmayanlar avtomatik idarəçilikdən kənarlaşdırılmalıdır. sefer azeri, cənab Wertuose VP:ŞEƏ üzərində necə işləyir ki, aylardı hər görüşdə məhz o qaydadan danışırıq, məsələ qaldırırıq, o deyir ki, o qaydanı Fuad Eminov işləyir?--samral ^müzakirə19:48, 21 fevral 2016 (UTC)

Samral ifarəçilərin görüşündə qərara gəlindi ki, həmin qaydanı Wertuose özü normal hala salsın. Həvəsiniz varsa siz də ona kömək edə bilərsiz. --sefer azeri 21:16, 21 fevral 2016 (UTC)

Görüş demişkən, deyirəm bu görüşlər baş tutmamışdan əvvəl, planlaşdırılarkən vikicəmiyyətə də xəbər verilsə çox yaxşı olar.--samral ^müzakirə21:19, 21 fevral 2016 (UTC)

Vikicəmiyyət üçün görüş keçirildikdə sizin də xəbəriniz olur. İştirak etmədiyiniz görüşlər isə idarəçilər üçündür. --sefer azeri 17:56, 22 fevral 2016 (UTC)

sefer azeri siz çox gözəl başa düşdüz mən hansı görüşləri deyirəm. Azərbaycan vikimediyaçıları istifadəçi qrupunun gizli facebook qrupunda qərarlaşdırılan görüşlərdən söhbət gedir. Hansı ki, o görüşlərdə sadəcə idarəçilər iştirak etmir. Burada bir sual ortaya çıxır. O gizli face qrupu necə Azərbaycan vikimediyaçıları istifadəçi qrupunun facebook qrupudur ki, istifadəçi qrupunun əksər üzvlərinin o qrupdan xəbəri belə yoxdur. Və o qrupun da tipi açıq yox, gizli-qapalıdır və keçid linki də heç yerdə yoxdur.--samral ^müzakirə20:07, 22 fevral 2016 (UTC)

Adından da göründüyü kimi, həmin görüşlər "Azərbaycan vikimediyaçıları istifadəçi qrupu"nun üzvləri üçün keçirilir. --sefer azeri 05:54, 23 fevral 2016 (UTC)

Bu qaydaların sonu nə oldu? Ən önəmli qayda idarəçilərin fəaliyyəti, səlahiyyəti və onların hərəkətinə nəzarət mexanizmidir. Bu qaydalar üzərində birinci olaraq işləmək lazımdır. --Aabdullayev851 (müzakirə) 13:50, 2 mart 2016 (UTC)

sefer azeri vaxt və imkan olanda bu siyahıya baxın görün mən də o qrupun üzvüyəm ya yox.--samral ^müzakirə21:56, 4 mart 2016 (UTC)

Samral sizin hansı qrupun üzvü olub-olmamanız məni qətiyyən maraqlandırmır. Əgər qrupun fəaliyyətindən uzaqlaşdırılmısızsa deməli nəsə səhviniz olub. Zəhmət olmasa problemlərinizi özünüz həll edin və mənə birbaşa aid olmayan məsələlərə görə məni narahat etməyin. Uğurlar--sefer azeri 08:03, 5 mart 2016 (UTC)

sefer azeri tez-tez siz səhv edirsiz ki, daim sizdən şikayət edirlər. Məni o qrupun fəaliyyətindən heç kim uzaqlaşdıra bilməz. Sizə aiddiyyatı olmayan bir məsələdirsə o zaman qarışmayın. Əvvəldən deyin ki, mənlik deyil.--samral ^müzakirə11:44, 5 mart 2016 (UTC)

Fakt sizin qrupun təşkil etdiyi heç bir tədbirdən xəbəriniz yoxdur və heç bir işdə iştirak etmirsizsə deməli uzaqlaşmısız və ya uzaqlaşdırılmısız. Bir daha təkrar edirəm, mənim adımı mənə birbaşa aidiyyatı olmayan məsələlərə görə çəkib narahat etməyin zəhmət olmasa. --sefer azeri 21:40, 5 mart 2016 (UTC)

sefer azeri yazmısız ki, Fakt sizin qrupun təşkil etdiyi heç bir tədbirdən xəbəriniz yoxdur və heç bir işdə iştirak etmirsizsə deməli uzaqlaşmısız və ya uzaqlaşdırılmısız. İmkan və vaxtıvız olanda bu şəkillərə baxın. [1][2][3][4] Bəzilərində hətta birlikdəyik ). Amma son cümlədə qismən haqlısız. Görüşləri gizli facebook qrupunda təşkil edən Wertuose olduğuna görə. Gərək biz bu sualı ona ünvanlayaq.--samral ^müzakirə21:41, 8 mart 2016 (UTC)

Salam hörmətli Vikipediya idarəçiləri,

Mən Milli Dəstə [5] səhifəsini yaratdıqdan sonra loqonu yüklədim, ancaq loqonun lisenziyası ilə bağlı suallar yarandı və müzakirədən (ingilis dilində) sonra silindi. Mənə isə Wikimedia Commons-a yazıb, lisenziyalaşdırmaq üçün sübutedici sənədlər göndərməyi tələb etdilər. Mən isə 28 Fevral tarixində Wikimedia Commons-a məktub yazdım, ancaq cavab gəlmədi. Göndərdiyim məktub bu ünvana göndərilmişdi. permissions-commons@wikimedia.org [Ticket#2016022810011205]. Uzun sözün qısası mənə loqonu yükləməkdə yardımçı olun. Loqo bizim azarkeş qrupumuza məxsusdur və biz bu loqonu tərtib etmişik. Bu barədə niyə şübhələr yarandığına hələ də təəccüb edirəm. Mümkünsə nəyi və necə edəcəyim barədə mənə kömək edərdiz. --145.120.9.204 02:16, 24 mart 2016 (UTC) -- (müzakirə) 22:45, 25 mart 2016 (UTC)

Salam men wikipediyaya yeni qosulmusam meqale yaratmaq isteyirem lakin bacarmiram kim mene komek ede biler? Ilkin 10 (müzakirə) 18:55, 29 fevral 2016 (UTC)Ilkin

Salam hörmətli Ilkin 10. Səhifənizə məqalə yaratmaq üçün avtoaçar yerləşdirdim. O boşluğa Məqalə adını yazırsız məqalə yarat düyəmisini klik edirsiz.--Asparux Xan Bulqar (müzakirə) 19:42, 29 fevral 2016 (UTC)

Salam cənab İlkin, konkret olaraq hansı mövzuda məqalə yaratmağı planlaşdırırsınız? --Keete 37 (Farid Aliev) (müzakirə) 19:43, 29 fevral 2016 (UTC)

Salam, Ilkin 10. Birincisi, AzVikidə məqalələr Azərbaycan dilinin qaydalara uyğun yazılmalıdır. Bu isə o deməkdir ki, məqaləni yazanda İngilis yox, Azərbaycan əlifbasını işlətməlisiniz (yəni yaratdığınız məqalənizdə burda kimi İngilis əlibası ilə yazsanaz, o silinə bilər). Məqalə yaratma nümunəsini isə videoda görə bilərsiniz. --Мурад 97 (müzakirə) 20:08, 29 fevral 2016 (UTC)

Çox sağolun təşəkkür edirəm hər birinizə

mən vikipediyada əsas çətinliyi simvollarda çəkirəm simvolların mənasını bilmirəm necə örgənə bilərəm simvolların mənasını?

Yaxşı yazılmış hazır məqalələrin redaktə səhifələrinə baxa bilərsiz. Orada hansı simvolun necə görünüş yarada biləcəyini görərsiz. Məsələn [[ ]] bu cür ikiqat kvadrat mötərizə daxili keçid verir yazılara və s. --Yusif Sərrac (müzakirə) 16:08, 3 mart 2016 (UTC)

Aleykum salam Ilkin 10. Bu də baxa bilərsiz.--samral ^müzakirə21:58, 4 mart 2016 (UTC)

Salam mən vikiyə yeni qoşulmuşam məqalə yaratmağı yaxşı bilmirəm yəni ki məqalədə sol yaxud sağ tərə şəkili necə qoyurlar? Ilkin 10 (müzakirə) 14:47, 1 mart 2016 (UTC)

Xoş gəlmisiniz. Şablonu nəzərdə tutursunuz yəqin. Uyğun şablonu məqalənin əvvəlinə yerləşdirə bilərsiniz. --Aabdullayev851 (müzakirə) 10:48, 2 mart 2016 (UTC)

şəkili necə əlavə edə bilərəm? Ilkin 10 (müzakirə) 15:37, 9 mart 2016 (UTC)

Vikipediyanın əsas qaydası olan 5 əsas prinsipin mövcud versiyasını yenilədim. Xahiş edirəm müzakirə edək. --Aabdullayev851 (müzakirə) 10:04, 3 mart 2016 (UTC)

Etdiyiniz dəyişiklikləri geri qaytarıb, səhifəni mühafizə etdim. Çünki bu məsələdə əvvəlcə müzakirəyə ehtiyac var. --►Asiya səfiri Cekli 19:00, 3 mart 2016 (UTC)

İlk gündən nəticə məlumdur. Cari idarəçilər qanunların dəyişməsini istəmir. Sonra bizə o qanunları istinad edirlər. --Aabdullayev851 (müzakirə) 19:54, 3 mart 2016 (UTC)

Aabdullayev851 ola bilsin ki, bəzi idarəçilər qanunların normal/işlək hala salınmasını, yeni qanunların yaradılmasını və vikipediyanın qanunlara istinadla idarə olunmasını istəmir. Bəzi idaərçilərin aqreesiv reaksiyasını bu cür qəbul etmək olar. Lakin, bu heç də hamıya aid deyil. Şəxsən mən sizin qanunlar üzərində işləmək təşəbbüsünüzü çox yüksək qiymətləndirirəm və alqışlayıram. Xahiş edirəm, bir qədər səbrli olun, mümkün qədər müzakirələrdə iştirak edin və əzmlə tutduğunuz yolda irəliləməyə çalışın. Mən də mümkün qədər sizə kömək etməyə çalışacam. Üzərində redaktə etdiyiniz qayda səsvermə nəticəsində qəbul edilmiş rəsmi prinsip olduğuna görə dəyişikləri müzakirə etmək lazımdır. Düşünürəm, digər qaydalarla (rəsmi prinsip statusu olmayan) işləmək daha asan olacaq. Hörmətlə --sefer azeri 08:04, 4 mart 2016 (UTC)

1 həftə ərzində heç kim öz fikrini yazmadı. Səbəb nədir görəsən? Məni müzakirə etmədən dəyişiklikdə günahlandıranlar niyə əməli iş görmürlər? Öz fikrinizi niyə yazmadınız? --Aabdullayev851 (müzakirə) 21:34, 11 mart 2016 (UTC)

Seçilmiş məqalə statusu olan Mohandas Karamçand Qandi məqaləsinin adını Mahatma Qandi olaraq dəyişdirmək istəyirəm. Problem olmaz ki? --Yusif Sərrac (müzakirə) 15:31, 3 mart 2016 (UTC)

Həmkar mən təklifinizə yaxşı baxıram. Bəli bu şəxs bütün dünyada qeyd etdiyiniz adla məşhurdur. Hərçənd bir də ASE-yə nəzər salmaq istədim, fəqət Q hərfi ilə başlayan cild məndə yoxmuş. VI və VII cilddə M hərfi ilə verilmiş məqalələr içində isə bu şəxs haqqında yazı qarşıma çıxmadı.--Asparux Xan Bulqar (müzakirə) 16:34, 3 mart 2016 (UTC)

Mən problem görmürəm.--Serka@nl@nd 17:53, 3 mart 2016 (UTC)

Salam. Azərbaycan Vikipediyasında olan bütün şablonların toplandığı bir başlıq var? Varsa zəhmət olmasa link atarsız. --Yusif Sərrac (müzakirə) 21:46, 4 mart 2016 (UTC)

Salam həmkar. Bəlkə bu işinizi gördü.--Asparux Xan Bulqar (müzakirə) 21:52, 4 mart 2016 (UTC)

Sağ olun. Elə axtardığım bu idi. --Yusif Sərrac (müzakirə) 22:21, 4 mart 2016 (UTC)

Salam mən film kateqoriyası üzrə məqalə yaratmaq istəyirəm lakin anlayışım yoxdur kpmək edə bilərsiz yəni belə bir şey mümkündür ki, viki mənə məqaləyə aid suallar versin məsələn serialın çıxdğı tarix getdiyi kanal nə qədər getdiyi zaman kimi suallar versin mənə məndə suallara cavab və məqalə yaransın bele bir şey mümkündür? Ilkin 10 (müzakirə) 16:25, 7 mart 2016 (UTC)

Cənab Ilkin 10, serial haqda məqalə yaradarkən bu şablondan istifadə edə bilərsiniz - [6], əqər sualınız olsa mənə müraciət edə bilərsiniz. Sizə dərin hörmətlə: --Keete 37 (Farid Aliev) (müzakirə) 21:19, 7 mart 2016 (UTC)

Fərid bəy çox sağolun təşəkkür edirəm bağışlayın birdə mən şəkili necə yükləyə bilərəm? Ilkin 10 (müzakirə) 04:33, 8 mart 2016 (UTC)

Ilkin 10 müəllif hüquqları ilə qorunan şəkillərin və digər media fayllarının vikipediya yüklənilməsinə icazə verilmir. Yalnız serial və ya onun mövsümlərinin posterlərini yükləyə bilərsiz. Hörmətlə --sefer azeri 06:58, 8 mart 2016 (UTC)

Sefer azeri mən indi məsələnb googleden serialın adını yazıb şəkil yükləyirəm müəllifi mən deyilim o zaman nə edim?

Salam mən vikiyə şəkil yükləyirəm lakin silinir müəllifi özüm deyiləm o zaman müəllif kimi qeyd edim? Ilkin 10 (müzakirə) 15:31, 15 mart 2016 (UTC)

- User:CKoerner (WMF) (talk) 22:09, 7 mart 2016 (UTC)

Salam mən vikidə məqale yaratmışam lakin axtarış bölməsində məqaləni tapmaq olmur adını yazıram gəlmir googledədə məqalənin adını yazıb axtarıram oradada tapılmır bu nədən olar məqalə amma vikidə var silinməyib. Ilkin 10 (müzakirə) 15:35, 10 mart 2016 (UTC)

Aleykuma Salam. Həmkar ola bilsin ki, məqalə yeni yaradıldığından mərkəzə oturmayıb. Mən məqaləni yazdıqdan ən azı bir həftə sonra onu google axtarış sistemində tapa bilirəm. Səbirli ol. Yəqinki bir müddət sonra görünəcəkdir.Qolçomaq (müzakirə) 15:53, 10 mart 2016 (UTC)

salam mən wikidə yeniyəm şəkil əlavə edə bilmirəm yəni vikidə məqalə yaradıram lakin məqaləyə şəkil əlavə edə bilmirəm kömək edə bilərsiz? — Bu imzasız yazı Ilkin 10 (m • t) adlı istifadəçi tərəfindən əlavə edilib;

Salam, Ilkin 10 sizə kömək edə bilər, baxıb başa düşə bilərsiz. Bir də, müzakirələrinizin sonuna imza atmağı unutmayın. İmza atmaq üçün buradakı şəkilə baxın.--Ağ iβlis (müzakirə) 14:40, 13 mart 2016 (UTC)

Cox sağolun təşəkkür edirəm. Ilkin 10 (müzakirə) 14:57, 14 mart 2016 (UTC)

Salam bir məqalənin vikidə və googledə axtarış zamanı tapılması üçün nə qədər vaxt lazımdır yəni mən vikidə məqalə yaratmışam məqalənin adını vikidə axtarış bölməsinə yazıram çıxmır googledədə axtarış edirəm gəlmir məqaləinin axtarış zamanı tapılması üçün nə qədər vaxt lazımdır? Ilkin 10 (müzakirə) 14:48, 14 mart 2016 (UTC)

Təxminən 1 həftəyə google-də çıxacaq. Axtarış sisteminə gəldikdə isə, mən də fikir vermişəm ki, yeni məqalələri göstərmir. Məncə 10 martda axtarış sisteminin təkmilləşdirilməsi üçün aparılan işlərin nəticəsidir. Sadəcə gözləyin. Çox da böyük problem deyil.--Ağ iβlis (müzakirə) 15:53, 14 mart 2016 (UTC)

Çox sağolun təşəkkür edirəm Ilkin 10 (müzakirə) 16:01, 14 mart 2016 (UTC)

Salam. Daha əvvvəl də qeyd etdiyim kimi idarəçilər və istifadəçilər arasında yaranan əsas problem qanunların və qaydaların olmaması, mövcüd qanunların isə tam təkmilləşdirilməməsidir. Buna görə də qaydaların yenidən yazılmasına ehtiyac olduğunu düşünürəm. Bunu da Kənd meydanında qeyd etmişdim. İlk iş olaraq 5 əsas prinsipin redaktəsi ilə başladım. Lakin redaktə bitdikdən sonra idarəçilərdən biri bütün redaktələrimi geri qaytararaq, köhnə versiyanı bərpa etmiş və məni blokla hədələmişdir. Mən də öz yazdığım versiyanı istifadəçi səhifəmdə təkrar yazaraq yenidən müzakirəyə çıxarmaq istəyirəm. Siz istifadəçilərdən və idarəçilərdən xahiş edirəm müzakirədə aktiv iştirak edərək öz dəyərli fikirlərinizi bölüşəsiniz. Unutmayaq ki, Vikipediya heç kimin şəxsi mülkü deyil, bu ictimai bir layihədir.

• Mövcud versiya

Qeyd edim ki, mən təklif etdiyim versiya ingilis dilli vikipediyada olan qaydaların tərcüməsidir. Belə düşünürəm ki, bu ən mükəmməl formadır. --Aabdullayev851 (müzakirə) 13:04, 15 mart 2016 (UTC)

Aabdullayev851, məncə əladır. Qaydanın yenilənməsi üçün səsvermənin keçirilməsini təklif edirəm.--Ağ iβlis (müzakirə) 13:27, 15 mart 2016 (UTC)

Ağ iβlis bəlkə digər istifadəçilərdən kimsə öz fikrini bildirmək istəyir. Gözləyək ya səsverməyə keçək? --Aabdullayev851 (müzakirə) 06:36, 16 mart 2016 (UTC)

Gəlin 1 gün də gözləyək, bəlkə fikir bildirmək istəyən istifadəçi oldu.--Ağ iβlis (müzakirə) 11:18, 16 mart 2016 (UTC)

Aabdullayev, məncə siz bunun mahiyyətini hələ tam başa düşmürsünüz. Biz hər şeyi dəyişdirə bilərik, yalnız bu beş sütüunu dəyişə bilmərik. Bunun adı AzVp-da səhvən prinsip yazılır, əslində sütun, yaxud binövrə, yaxud dayaq olmalı idi. Bu ingiliscədən olduğu kimi tərcümə olunmalıdır, məncə. Və biz bunları müzakirə etməli, səsvermə ilə qəbul etməli deyilik. İstənilən istifadəçi mətni orijinalına uyğunlaşdıra bilər. Hansı hissəni dəyişmək istəyirsinizsə, bunu edə bilərsiniz, amma əsaslandırın ki, ingiliscə belə yazılıb, siz də orijinalına uyğunlaşdırırsınız. Yalnız tərcüməniz səhv olduğu halda, redaktəniz geri qaytarıla bilər. Mən 1-ci bəndi ruscadan tərcümə etdim və əlavə etdim. Rusca 5 sütun, ingiliscə 5 sütundan daha genişdir. Bunun səbəbi isə budur ki, ingiliscə 5 sütunda qaydalara 50 keçid, ruscadan isə qaydalara 20 keçid var. Yəni ingiliscə 5 sütunun xeyli konkret olmasının səbəbi qaydalara keçidlərin çox olması ilə əlaqədardır. Sizin təqdim etdiyiniz versiyadakı əsas çatışmamazlıq isə qaydalara keçidlərin olmamasıdır. Sizə uğurlar.

94.20.90.195, siz deyəsən məsələnin nə yerdə olduğunu tam bilmirsiniz. Mən mətni tamamilə ingilis dilindən tərcümə etmişdim və keçidləri də vermişdim. Lakin redaktələrim geri qaytarıldı və səhifə mühaziə edildi. Yəni isətəsək də artıq səhifəni dəyişdirə bilmirik. Sizin qeyd etdiklərinizi mən artıq həll etmişdim. Məsələnin mahiyyətini və əhəmiyyətini də yetəri qədər anlayıram. Hörmətlə Aabdullayev851 (müzakirə) 07:41, 17 mart 2016 (UTC)

Aabdullayev851. Başqa dillərdə və ingiliscə bu "5 sütun" adlanır. Siz isə "5 əsas prinsip" köhnə adı saxlamısınız. Başqa dillərdə, məsələn danimarka wp-sində "5 əsas sütun"un sinonimi olaraq həm də "5 ümumi prinsip" də işlədilmişdir, bunda da, rus wp-sində də göstərilir ki bu 5 ümumi prinsip istisna olmaqla, dəyişməz qaydalar yoxdur.

Adlandırma haqqında ayrıca müzakirə aparmaq olar amma xahiş edirəm müzakirə səhifəsinə yazasınız. Ağ iβlis məncə kifayət qədər vaxt keçib. Səsverməni başladaqmı? --Aabdullayev851 (müzakirə) 16:00, 19 mart 2016 (UTC)

Başlada bilərsiz məncə.--Ağ iβlis (müzakirə) 16:19, 19 mart 2016 (UTC)

Aabdullayev851, səsverməni başlatdım: Vikipediya:Səsvermə/Beş əsas prinsip--Ağ iβlis (müzakirə) 16:32, 19 mart 2016 (UTC)

Mehtiyev Seymur Bəxtiyar oğlu (19.12.1984,Azərbaycan) -Uroloq-Androloq, cərrah.

Azərbaycan Tibb Universitetini müvəffəqiyyətlə bitirən Dr. Seymur Mehtiyev, uroloq-androloq ixtisası üzrə çalışdıqdan sonra öz ixtisasını daha da təkmilləşdirmək üçün İstanbul Universitetinin Tibb fakultəsinin Urologiya-andrologiya kafedrasında fəaliyyət göstərmişdir.

Türkiyədə olarkən bir çox xəstəxanalarda və klinikalarda həm terapevtik, həm də ən yeni üsullarla cərrahi müdaxilələrdə yaxından iştirak etmiş və nailiyyətlər qazanmışdır.

Avropa Uroloqlar Cəmiyyətinin, Türkiyə Uroloqlar Cəmiyyətinin və Türkiyə Androloqlar Cəmiyyətinin həqiqi üzvü olan Dr. Seymur Mehtiyev İspaniya, Çexiya və Almaniya kimi ölkələrdə keçirilən elmi konfranslarda iştirak etmiş və məruzələr hazırlamışdır. 2012-ci ildə ABŞ-ın Cleveland Universitetində Endourologiya üzrə müşahidəçi olmuşdur.

Doktorluq dissertasiyası üzərində işləyir. Azərbaycan, İngilis, Türk, Rus dillərini bilir.

Dr. Seymur Mehtiyev Bakının bir neçə səhiyyə müəsisələrində çalışmış, topladığı təcrübələr sayəsində böyük nailiyyətlər qazanmışdır. Hal-hazırda fəaliyyətini Real Hospitalda uroloq-androloq cərrah, həmçinin klinikanın Baş həkimi olaraq uğurla davam etdirməkdədir.

Dr. Seymur Mehtiyev, 2015-ci ildə Fransanın məşhur Medipol Hospitalında böyrək daşlarının flexibl lazerlə müalicəsi kursunda iştirak etmiş, birbaşa canlı böyrək daşı əməliyyatlarını həyata keçirmişdir.

Bu illərdə daima Avropada beynəlxalq konqreslərdə və kurslarda iştirak edir. Qazanılan yeni təcrübəni müvəfəqiyyətlə ölkəmizdə tətbiq etməkdədir.

— Bu imzasız yazı ( • t) adlı istifadəçi tərəfindən əlavə edilib; 12:52, 17 mart 2016 (UTC)

Seymur həkimi yaxından tanıyıram. Təhsil aldığımız müddətdə tanış olmuşuq. Amma şəxsin ensiklopedik olduğunu düşünmürəm. --Aabdullayev851 (müzakirə) 09:03, 17 mart 2016 (UTC)

Bunu bura yazmaqda məqasədiniz nədir ? Nəsə sualnız, təklifiniz, dəvətiniz və ilaxır var idisə onu yazmalı idiniz.--Asparux Xan Bulqar (müzakirə) 09:08, 17 mart 2016 (UTC)

Aabdullayev851 məqsədinizi mən də anlamadım.--samral ^müzakirə18:22, 17 mart 2016 (UTC)

Asparux Xan Bulqar,Samral şəkildən yuxarıdakı məlumatları mən yazmamışam. İmzasız yazıdır. --Aabdullayev851 (müzakirə) 18:39, 17 mart 2016 (UTC)

Aabdullayev851 üzrlü sayın, düz deyirsiz.--samral ^müzakirə19:16, 17 mart 2016 (UTC)

Samral bəyə qoşuluram.--Asparux Xan Bulqar (müzakirə) 20:09, 17 mart 2016 (UTC)

Salam mən vikidə məqalə yaratmışam indi məqalənin adını googleyə yazıb axtarıram məqalə googledə tapılmır niyə? Ilkin 10 (müzakirə) 09:16, 18 mart 2016 (UTC)

Əleyküm salam. məqalədir ?--Asparux Xan Bulqar (müzakirə) 09:24, 18 mart 2016 (UTC)

Gəl təzədən evlənək (film, 2012) Ilkin 10 (müzakirə) 09:29, 18 mart 2016 (UTC)

Həmkar ola bilsin sorğunun çox aşağı olması ilə əlaqədar axtarış nəticələrində görünməsi gecikir. Məqalədə yüngül texniki problemlər var amma axtarış nəticələrinə təsir edən cinsdən deyil, məzmun baxımındandır. Sadəcə biraz səbirli olun. Bu məsələ 3–7 sutka vaxt alır adətən. Siz ona fikir vermədən məqaləni zənginləşdirin. Özü yaxında düzələcək.--Asparux Xan Bulqar (müzakirə) 09:38, 18 mart 2016 (UTC)

Yəni indi məqalədədir problem? Ilkin 10 (müzakirə) 09:52, 18 mart 2016 (UTC)

Məqalənin özü təkmilləşdirilməlidir, indiki halı münasib deyil. Google–da çıxmağı isə vaxtla əlaqədardır: yuxarıda yazdım bu haqda.--Asparux Xan Bulqar (müzakirə) 15:45, 18 mart 2016 (UTC)

Cox sağolun Ilkin 10 (müzakirə) 15:49, 18 mart 2016 (UTC)

Burada (Kateqoriya:Vikianbara yüklənməli fayllar) 300-ə qədər şəkil var ki, vikianbara yüklənməlidir. Bunun daha asan yolunu bilən varmı? Bir vaxt Samral, Cekli829 elə mən də bir az yüklədik Commonsa. Amma o üsul vaxtı çox alır. Asan yolu olsa əla olardı. --Araz Yaquboglu (müzakirə) 05:02, 19 mart 2016 (UTC)

Bu fayl silinməlidir çünki commonsada var.--Asparux Xan Bulqar (müzakirə) 07:35, 19 mart 2016 (UTC)

Salam! Mən sualı Vikikitabın Kənd Meydanında da yazmışam, sadəcə, düşünürəm ki, burada da yazsam daha tez cavab alaram. İngiliscə Vikikitabda Vikiuşaq layihəsi var. Bu layihədə də Food Alphabet adlı bölmə var. Mən də Azərbaycanca Vikikitabda bu bölməni yaratmaq istəyirəm. Amma adı necə olsun? Məncə Ərzaq Əlifbası daha məqsədəuyğundur. IBAnk (müzakirə) 15:05, 19 mart 2016 (UTC)

Münasibətimi Vikikitabda bildirmişəm. --►Asiya səfiri Cekli 17:46, 19 mart 2016 (UTC)

Təşəkkür. IBAnk (müzakirə) 18:11, 19 mart 2016 (UTC)

Salam. Bütün vikipediyaçıları 2 önəmli səsvermədə iştiraka dəvət edirəm.

• Vikipediya:Səsvermə/Arbitraj Komitəsi¹
• Vikipediya:Səsvermə/İdarəçilərin fəaliyyəti (II)

Səsvermələr bu 2 qayda haqqındadır.

• Vikipediya:Arbitraj Komitəsi
• Vikipediya:İdarəçilərin fəaliyyəti

¹-Qeyd:Bu səsverməyə Arbitraj Komitəsi şablonunda da göstərilən Arbitraj Komitəsi qaydasının bütün alt başlıqları (AK-ya müraciət, AK-ya müraciət forması, AK-ya təqdim edilmiş ərizələr, AK-nın qərarları, AK-da dayandırılmış ərizələr və AK-nın seçilmə qaydaları) da daxildir.--samral ^müzakirə20:29, 23 mart 2016 (UTC)

Ana Səhifə sözü düzgün deyil. Bizim dildə daha çox Əsas Səhifə sözü işlənir. Ana Səhifə sözü isə daha çox Türkiyə türkçəsində "Ana Sayfa" formasında işlənir.--samral ^müzakirə18:49, 25 mart 2016 (UTC)

Samral Türk Vikipediyasında da eyni şəkildə yazılıbsa, deməli heç bir problem yoxdur, özümüzdən Amerika yaratmağın mənası yoxdur. İki dilin bir-birinə yaxınlaşdırılmasının heç bir ziyanı yoxdur. --Keete 37 (Farid Aliev) (müzakirə) 19:02, 25 mart 2016 (UTC)

Keete 37 (Farid Aliev) şəxsi fikir və idealarınızı zəhmət olmasa özünüzə saxlayın. Türk dili ilə Azərbaycan dilini gedin başqa yerdə yaxınlaşdırın. Türkiyə türkcəsinin öz qaydaları var, Azərbaycan dilinin öz.--samral ^müzakirə19:05, 25 mart 2016 (UTC)

Samral Ana Səhifə sözü bəyəm erməni dilindədir? Normal azərbaycan sözüdür. Xahiş edirəm, burada onsuzda çətin durumu daha da gəlizləşdirməyin. Baş səhifə də demək olar, Əsas səhifə isə çox gülünc səslənir. --Keete 37 (Farid Aliev) (müzakirə) 19:08, 25 mart 2016 (UTC)

Keete 37 (Farid Aliev) mən müzakirə açmışam. Fikrimdə haqlı da ola bilərəm, haqsız da. Sizə xoş deyilsə münasibət bildirməyin. Allah-Allah. Məcbur deyilsiz ki.--samral ^müzakirə19:12, 25 mart 2016 (UTC)

Bu mənasız müzakirələrə biganə qalsam, Vikipediyanın sonuna çıxarsınız. --Keete 37 (Farid Aliev) (müzakirə) 19:14, 25 mart 2016 (UTC)

Ana səhifə və Əsas səhifə söz birləşmələri sinonim hesan edilə bilməz ki? Hətta maraq üçün qeyd edim ki, Ana səhifə yazdıqda nəticəyə , Əsas səhifə yazdıqda (çox yaxın rəqəmlərdir). İndiki adında problem görmürəm.--Ağ iβlis (müzakirə) 19:25, 25 mart 2016 (UTC)

Serkan mənə sadəcə elə gəlir ki, bizim bəzi istifadəçilərimiz özləri süni şəkildə problem yaratmağa can atırlar. --Keete 37 (Farid Aliev) (müzakirə) 19:31, 25 mart 2016 (UTC)

Samral, açdığın müzakirəyə heç bir zərurət yoxdur. "Səhifə" sözündəki "S" hərfinin böyük deyil, kiçik ("s") yazılması ilə bağlı müzakirə açsaydın daha yaxşı olardı. --►Asiya səfiri Cekli 19:52, 25 mart 2016 (UTC)

  Cekli829 düzgün məqama toxundu.--Ağ iβlis (müzakirə) 20:02, 25 mart 2016 (UTC)

"S"-nı kiçik hərf etmək lazımdır amma. Baxaram, çox sistem məlumatı dəyişmirsə mən edərəm.--Sortilegus (müzakirə) 20:40, 25 mart 2016 (UTC)

Asiya səfiri Cekli niyə elə hesab edirsiz ki, açdığım müzakirəyə heç bir zərurət yoxdur? Bəlkə hansısa müzakirəni açanda kimdənsə icazə almalıyıq?--samral ^müzakirə21:27, 25 mart 2016 (UTC)

İcazə almaq yox, sadəcə fikirləşmək lazımdır. Çünkü belə müzakirələr vaxt itkisi olmaqla yanaşı Vikipediyadanın normal işini pozur. --►Asiya səfiri Cekli 12:36, 26 mart 2016 (UTC)

Cekli və Sortilegus ilə həmrəyəm. --Araz Yaquboglu (müzakirə) 05:31, 26 mart 2016 (UTC)

Əgər dəyişmək istəsəniz, "Baş səhifə" olmalıdır. --Melikov Memmed^⇒email10:39, 28 mart 2016 (UTC)

Hörmətli Sortilegus. Siz müzakirəyə ehtiyac olmadığını burada göstərməliydiniz. Artıq gecdir. Müzakirənin keçirilməsi barədə qərar qəbul olunub. Bunun qarşsını almaq istiqamətində son redaktələriniz və yazdıqlarınız qeyri-qanunidir. Əminəm ki müxtəlif vasitələrlə bunların qarşısı alınacaqdır. Yeri gəlmişkən, sizin fikrinizi də bilmək istəyirəm. Müzakirəyə ehtiyac olmadığını vurğulamaqla nə vəd edirsiniz? Ədaləti təmin edə biləcəksinizmi? Şikayətlərə baxılmasını və vikipediya qaydalarına uyğun qərarların qəbul edilməsinə boyun olursuzmu? Heç nə etmək fikrində də deyilsiz, sadəcə ədalət tələb edənlərə hədə-qorxu gəlməkdən başqa. — Bu imzasız yazı 185.30.91.202 () tərəfindən əlavə edilib; 19:34, 27 mart 2016 (UTC)

Hörmətli Sortilegus. Dünən barpa etdiyimiz müzakirəni bir daha silıdiniz. Amma hələ də son suala cavab vermirsiz. Nə təklif edirsiz? Bəzi idarəçilər qərəzli işlər edirlər, bəziləri vandallıq edirlər, bəziləri qaydaları bilmirlər, bəziləri qaydaları qəsdən pozurlar. Bu böhran vəziyyətidir. Müzakirəni silirsiz, amma vəziyyətdən çıxış yolu göstərmirsiz. İndi nə təklif edirsiz? 185.40.35.29 12:01, 30 mart 2016 (UTC)

Salam. Bu müzakirəni mən açmışdım. Metaya edilən müraciətdən sonra Vikimediya Fondundan e-mail gəldi. Düşünürəm ki, digər istifadəçilərə də bu tip e-mail gəlib. Orada cavablandırmağımızı istədikləri bəzi sullar var idi. Bu suallara cavab verdikdən qısa bir müddət sonra isə aşağıdakı məzmunda ikinci mətn gəldi :

Hi,

I’d like to thank you again for providing your insights on the recent situation on the Azerbaijani Wikipedia. This email is sent in BCC to all users responded to my questionnaire sent in early March.

After a thorough investigation by the support and safety team at the Wikimedia Foundation, we understand that the current major issues on the Azerbaijani Wikipedia are as follows :

User concerns of admin rights abuse by a few admins, most notably by User:Sefer_azeri. Lack of local community policies that regulate admins’ work, or admins’ decision appeal process.

We understand the need for a harmonious, peaceful community in order to create a productive editing environment. However for both legal and ethical reasons the WMF strives to limit office actions to cases of obvious harm to an individual user's personal safety or where we're legally required to intervene.

As the above prescribed issues do not rise to the level that WMF can take office actions, we urge the Azerbaijani community to come together in order to resolve those issues internally and with the help of the global community on meta.

Meanwhile, we recommend the following prioritization as a guideline to what needs to be done as a resolution roadmap : Desysop of rights-abusive admins, most notably User:Sefer_azeri if judged appropriate If you believe that a user's rights need to be removed, this should probably happen first to allow for a clean slate. Requests to remove user’s rights can be made on meta. To request the removal of another user's permissions, you must gain consensus on the local wiki first. When there is community consensus that the user's access should be removed, a trusted user from that wiki should provide a link to the discussion on the steward's request page, a brief explanation of the reason for the request, and a summary of the results of discussion. In order to create consensus, we recommend starting a specific topic on the local village square on Azerbaijani Wikipedia. The discussion should include links that demonstrate the admin rights abuse. The topic should be opened for discussion and vote for a few days before submitting the request to the steward page on meta. Set-up policies to regulate admins’ work Activate the ArbCom and/or draft and put major policies into effect

In order to simplify the process, we will be happy to provide ideas based on existing policies or the experiences of other communities on steps 2 & 3 once the community is done with dealing with step 1 or decides not to pursue that action. We believe that this is a complex issue, and looking at the resolution systematically as a step-by-step process is an essential element to make progress.

Please let us know if you have any questions.

Best regards, -- Haitham Shammaa Senior Strategist Wikimedia Foundation

Imagine a world in which every single human being can freely share in the sum of all knowledge. Click the "edit" button now, and help us make it a reality!

Bu məktub əsasında mən də lazımı işləri görməyə başladım. Bunun sizi niyə narahat etdiyini bilmirəm amma kütləvi olaraq müzakirəni silmənizin səbəbini bilmək istərdim. Hörmətlə Aabdullayev851 (müzakirə) 07:25, 30 mart 2016 (UTC).

Əslində bu məktubun məğzi çıxış yolları axtarılmasından ibarətdir, sadəcə azvikinin daxili idarəetməsi haqqında məlumatları olmadığına görə dəqiq nə etmək gərəkdiyi ilə bağlı məsləhət görə bilmirlər. Bir idarəçidən çox narazılıq varsa siz bütün idarəçiləri kütləvi şəkildə müzakirəyə çıxara bilməzsiniz. Bununla siz istifadəçi-idarəçi, hətta istifadəçi-istifadəçi (idarəçiləri dəstəkləyən və dəstəkləməyən) qarşıdurması yaradırsınız. Bəziniz bunu qəsdən edirsiniz, bəziniz isə bilməyərək. Bu məsələnin 1 çıxış yolu var - haqqında fərqli-fərqli istifadəçi və idarəçidən çox sayda şikayət olan Səfərin etimad səsverməsinin keçirilməsi. Bunun üçün Vikipediya:İdarəçi müzakirəsi səhifəsində müzakirə açılıb. Amma bu kampaniya şəklində olmamalıdır, idarəçilər də istəklərini əsaslandırmalıdırlar. Bu proses 1 həftəyə də yekunlaşa bilər, 1 ilə də. Mümkün qədər çox idarəçinin fikir bildirməsi gərəkdir ki, indilik idarəçilər bunu etməyiblər. Digər tərəfdən, məsələn, mən Səfərin yerinə olsaydım özüm müzakirəsiz etimad səsverməsinin keçirilməsini istərdim. Çünki, ona qarşı olan sadəcə bu qruplaşma deyil. Bu qruplaşmanın fəaliyyəti azvikiyə zərər vurub və vurmaqda davam edir. Təbii ki, belə davam etsələr onlara qarşı daha ciddi administrativ addımlar atılacaq. Amma məsələn, idarəçi müzakirəsi açanlar bu qrupun üzvü deyillər ki. Tamam ayrı mövzuya (kino məqalələri) görə müzakirə açılıb. Başqa istifadəçilərdən də şikayətlər var. Amma idarəçini özünün-özü üçün etimad səsverməsi keçirməyə məcbur edə bilmərik. Sadəcə təklif edə bilərik ki, bunu da mən edirəm. Qaldı ki, səsvermənin idarəçinin razılığı oldu-olmadı keçirilməsinə, ona artıq idarəçi konsensusu lazım olacaq. O da indilik yoxdur. Mənə facebook-da, şəxsi görüşlərdə şikayət edən çox idarəçi var Səfərin fəaliyyətindən, amma bu mənə durub özbaşıma seçki təşkil etmək haqqı vermir. O şikayətlər vikipediyada olmalıdır, ona əsaslanıb etimad seçkisi keçirlməlidir. Məsələ bu cürdür. --Sortilegus (müzakirə) 19:19, 30 mart 2016 (UTC)

Hörmətli Sortilegus öz sizin yuxarıda yazdıqlarınıza aşağıda maddələr halnda yazıram :

1. İdarəçilərin kütləvi səsverməyə çıxarılması : Məktubda göstərilib ki, qaydaları pozan idarəçiləri müzakirə edin, təkcə Səfəri müzakirə edin deyilmir. Bütün idarəçilərin adını yazmaqda məqsədim qərəzli mövqedən çıxış etməməyimdir.
2. Siz müzakirəni başlatmaqla qarşıdurma yaratdığımı yazmısınız. Müzakirə elə qarşı fikirlərin bəyan edilməsidir. Qarşı fikirlər bəyan edilməsə həqiqət və ortaq qərar da meydana gəlməz.
3. Tək çıxış yolunun Səfərin müzakirəsi olduğunu deyirsiniz amma təkcə şikayət olunan o olmadağı üçün bütün qayda pozan idarəçilərin müzakirəsinə ehtiyac var.

İndi keçək mənim suallarıma. Xahiş edirəm aşağıdakı suallara cavab verəsiniz :

1. Mənim açdığım müzakirə bitmədən, o qədər istifadəçinin öz fikrini bildirdiyi müzakirəni hansı qaydaya əsasən silmisiniz?
2. Yuxarıdakı açıqlamanızda istifadəçilərin qərəzli mövqe tutduğunu qeyd etmisiniz. Sizin isə müzakirəni silməniz sizcə qərəzli hərəkət deyilmi?
3. Bu müzakirənin təşkilatçısının bloklanacağını yazmısınız, müzakirəni mən başlatdığım üçün bu mənim bloklana biləcəyimi göstərir. Xahiş edirəm bloklanma səbəbini izah edəsiniz. Bunu yəqin ki, bloklama qaydalarının 7-ci maddəsinə əsasən edə bilərsiniz amma mənim gördüyüm işin Vikipediyanin normal işini pozmaq kimi qəbul edilməsinin əsası olmalıdır.
4. Yuxarıda iki dəfə müzakirənin bitdiyini düşündüyünzü, artıq müzakirə aparmağa ehtiyyac olmadığını yazmısınız. Sizin şəxsi fikriniz burada istifadəçilərin müzakirə apamağına mane olmalıdırmı?
5. Arbitraj ilə bağlı keçirilən səsveməni təftiş etdikdən sonra dayandıracağınızı yazmısınız. Xahiş edirəm səsverməni hansı qaydaya əsasən dayandıracağınızı izah edin.

Hörmətlə Aabdullayev851 (müzakirə) 04:17, 31 mart 2016 (UTC)

Hörmətli Aabdullayev851, bütün idarəçiləri müzakirəyə çıxarmaq düzgün deyil. Eyni şeyi təkrar-təkrar sizə yazmağa məni məcbur edirsiniz. Bu idarəçilərə təzyiq vasitəsidir. Bu gün siz belə müzakirə açırsınız, çünki qeyd etdiyiniz kimi, nəsə düzəlişiniz geri qaytarılıb və s. Bu müzakirə 3-4 ay gedə bilər. Bu müzakirə presedent yaradacaq. Deyək ki, 3-4 aydan sonra hansısa idarəçidən incik düşən bir başqa istifadəçi belə müzakirə açacaq və məntiqlə bu ilboyu davam edə bilər. Ona deyə bilməyəcəyik ki, idarəçiləri kütləvi müzakirə etmək olmaz. Çünki presedent olacaq artıq. Düzdür, siz idarəçi seçilə bilmədiniz azikidə, amma təsəvvür edin ki, idarəçisiniz. Və ilboyu sizin fəaliyyətiniz burada müzakirə olunur. O zaman idarəçi adi vandalizm hallarını belə aradan qaldırmağa, vandalı bloklamağa, hansısa lazımsız məqaləni silməyə çəkinəcək. Deyəcək nə işimə qalıb, siləcəm, mənim müzakirəmdə gəlib yazacaq ki, pis idarəçidir, Muradın sözləri ilə desək "idarəçi statusu alınsın". O zaman da azvikiyə nəzarət azalacaq. İdarəçi əsaslı sübut göstərib səsverməni dayandıra, müzakirəni bitirə və ya ləğv edə də, davamlı olaraq bitmiş, ləğv edilmiş müzakirəni qaldıran istifadəçini bloklaya, qrup halında hərəkət edən və fəaliyyətləri digər istifadəçilərə hücum kimi dəyərləndirilən istifadəçiləri bloklaya da bilər. Bu sizin sualların hamısının cavabıdır. Amma artıq neçənci dəfədir ki, cavab kimi eyni şeyi sizə yazıram. Düşünürəm ki, bu artıq sonuncu dəfədir. Hörmətlə:--Sortilegus (müzakirə) 06:42, 31 mart 2016 (UTC)

Hörmətli Sortilegus, mən bu müzakirəni öz başıma açmamışam. Səbəbi yuxarıda vermişəm, amma siz hələ də yuxarıda verdiyim suallara konkret cavab verməmisiniz. Xahiş edirəm hər suala konkret cavab verəsiniz. --Aabdullayev851 (müzakirə) 06:50, 31 mart 2016 (UTC)

• 1. Mənim açdığım müzakirə bitmədən, o qədər istifadəçinin öz fikrini bildirdiyi müzakirəni hansı qaydaya əsasən silmisiniz?

Siz hansı qaydaya əsasən bütün idarəçiləri müzakirəyə çıxarmısınız? Sizə hansı qayda bu hüququ verir? Siz düşünürsünüz ki, vikipediyada kim ürəyi nəyi istədi, kimi istədi müzakirəyə çıxara bilər? Mən idarəçi səlahiyyətlərimdən istifadə edib, vikipediyada qarşıdurma yaradacığını nəzərə alıb müzakirəni ləğv etmişəm. Etirazınız varsa digər idarəçilərə bunu şikayət edə bilərsiniz.

• 2. Yuxarıdakı açıqlamanızda istifadəçilərin qərəzli mövqe tutduğunu qeyd etmisiniz. Sizin isə müzakirəni silməniz sizcə qərəzli hərəkət deyilmi?

Bəli, qrup şəklində qərar verib idarəçiləri müzakirəyə çıxarmaq qərəzli mövqedir. Bu cür səsvermədə, müzakirələrdə hədəf müəyyənləşdirib qrup şəklində ona hücum etmək isə bloklanma ilə nəticələnir. Bu bütün vikipediyalarda belədir. Bunun qarşısının alınması olaraq müzakirənin ləğvini qərəzli mövqe hesab etmirəm.

• 3. Bu müzakirənin təşkilatçısının bloklanacağını yazmısınız, müzakirəni mən başlatdığım üçün bu mənim bloklana biləcəyimi göstərir. Xahiş edirəm bloklanma səbəbini izah edəsiniz. Bunu yəqin ki, bloklama qaydalarının 7-ci maddəsinə əsasən edə bilərsiniz amma mənim gördüyüm işin Vikipediyanin normal işini pozmaq kimi qəbul edilməsinin əsası olmalıdır.

Şəxsi nümunəmi əsas götürüm. Məsələn, siz mənim müzakirəmə belə şey yazmısınız: "Vikipediyanın 5 əsas prinsipini redaktə etdikdə mənim redaktəmi geri qaytarmış, müzakirə səhifəsində isə verdiyim suallara isə cavab verməmişdir. Bu istifadəçi haqqında başqa mənfi rəyi və fikri olan bura yazsın". Birincisi, prinsipləri elə kimin ürəyi necə istədi dəyişə bilməz. Bu müzakirə olunmalıdır. Yeni istifadəçi olduğunuz üçün bunu bəlkə də bilmirsiniz, ona görə sizi bloklamadan bir neçə dəfə geri qaytardım düzəlişinizi. Sabah durub məsələn, deyək ki, idarəçilərin seçilməsi prinsipini də belə asanlıqla redaktə edə bilərsiz, yazarsız 1 səslə idarəçi seçilmək olar. Onu geri qaytaranda da xətrinizə dəyəcək? Mənim sizin bütün suallara cavab vermək öhdəliyim yoxdur. Heç cavab verməyə də bilərəm. Mən sizin müəlliminiz deyiləm və sizə dərs keçmirəm ki, hər sualınıza cavab verim. Bunu əsas gətirib məni müzakirəyəmi çıxarırsınız? Hələ üstəlik, "Bu istifadəçi haqqında başqa mənfi rəyi və fikri olan bura yazsın" deyirsiniz. Müsbət rəyi olan yazmasın? :) Və ümumiyyətlə bu nə təhrikedici tondur belə. Bunlara görə təbi ki, blok düşür sizə.

• 4. Yuxarıda iki dəfə müzakirənin bitdiyini düşündüyünzü, artıq müzakirə aparmağa ehtiyyac olmadığını yazmısınız. Sizin şəxsi fikriniz burada istifadəçilərin müzakirə apamağına mane olmalıdırmı?

İki yox, artıq yəqin ki, 3 dəfə demişəm və bu da olsun dördüncü. Belə dağıdıcı, istifadəçilər arasına nifaq salan müzakirə aparıla bilməz. Yəni bu müzakirə ləğv olundu. İdarəçi olaraq 4-5 günə bir başqa müzakirəni də sonlandıracam. O da qonşu dövlətlərdəki kənd və rayon adları ilə bağlı. Bunu da mənim şəxsi fikrim kimi dəyərləndirirsiz? Yəni bu işi də görə bilmərəm sizcə?

• 5. Arbitraj ilə bağlı keçirilən səsveməni təftiş etdikdən sonra dayandıracağınızı yazmısınız. Xahiş edirəm səsverməni hansı qaydaya əsasən dayandıracağınızı izah edin.

Hələ təftiş edirəm. Ona görə dayanmalıdır ki, sizə haradansa deyiblər ki, tez arbitraj səsverməsi keçirin, siz də alayarımçıq bir qrup adam bunu səsverməyə çıxarmısınız. Bu elə vacib bir prinsipdir ki, müzakirəsi getməli idi, əlavə və düzəlişlər olmalı idi, təkliflər dinlənilməli idi. İdarəçilərdən biri oturub dəstək qazanan bu əlavələri, təklifləri prinsipə əlavə etməli idi. Yoxsa ki, "tez arbitraj yaradaq, ora seçilək, idarəçilərin səlahiyyətlərini əlindən alaq" düşüncəsi ilə hərəkət edilməməli idi.

Yəqin ki nəsə yenə narazılığınız olacaq, amma çevir tatı-vur tatı olmasın. Başqa mövzularda suallar ünvanlaya bilərsiniz. Eyni mövzuya təkrar-təkarar cavab verməyə mənim həvəsim yoxdur.--Sortilegus (müzakirə) 07:48, 31 mart 2016 (UTC)

Hörmətli Sortilegus siz həqiqətən də məni hansısa qrupun üzvü kimi görürsünüz və mənim burada eləməyə çalışdığım işin məqsədini anlamırsınız. Sizinlə müzakirə aparmaq sadəcə vaxt itikisi imiş. Digər idarəçilərə müraciət edərəm, olmasa daha yuxarı instansiyalara. Mənim məqsədim Vikipediyanı parçalamaq deyil, inkişaf etdirməkdir. --Aabdullayev851 (müzakirə) 07:57, 31 mart 2016 (UTC)

Əgər bu doğrudan da belədirsə, mən buna çox sevinərəm. Amma siz düşünürsünüz ki, 13 idarəçi vikipediyanı parçalamaq, dağıtmaq istəyir? Ona görə onlardan qurtulmaq lazımdır? Bu 13 idarəçi arasında 10 ildir ki, vikipediyada fəaliyyət göstərən var. Mən 9 ildir fəaliyyət göstərirəm. Yəni buranı kərpic-kərpic hörmüşük, saatlarla vikipediyada redaktələr, düzəlişlər etmişik, yeni məqalələr yaratmşıq. Digər idarəçilər də, fəal istifadəçilər də elə. Buna görə heç kim pul almır. Və düşünün ki, siz 1 il bundan qabaq vikipediyada qeydiyyatdan keçən bir istifadəçi gəlirsiniz və deyirsiniz ki, bunları müzakirə etmək lazımdır. Bu olmasın, o olsun, bu prinsipi keyfim belə istəyir düzəldirəm. Ola bilər bu sizin təşəbbüsünüz olmasın və böyük ehtimal da ki, sizin təşəbbüsünüz deyil. Kimin olduğunu da mən bilirəm, siz sadəcə o ümumi qrup ruhunda hərəkət edirsiniz. O qrupdakı bəzilərinin də vikipediyadakı fəaliyyətləri həmişəlik məhdudlaşdırılırb. Yəni onlar elə ömür boyu qıraqdan İP-lərlə şərhlər, təhqirlər yazıb buranı dərəbəyliyə çevirməyə çalışacaqlar. Baxın artıq heç 1-2 nəfərdən başqa o İP-lərə ciddi yanaşıb cavab verən də yoxdur. Əgər siz də vikipediyanın inkişafını istəyirsinizsə məqalə yaradın, zənginləşdirin, redaktə edin. Yoxsa o vandallara qoşulsanız, yəqin ki, bir müddətdən sonra siz də burada İP ilə yazanlardan biri olacaqsınız. --Sortilegus (müzakirə) 08:15, 31 mart 2016 (UTC)

Sortilegus, IP ilə yazmağımızın səbəbi o deyil ki biz vandalıq, səbəbi odir ki, siz idarəçilər vandallarsınız, buradan yapışıb durmusunuz, başqalarının fəaliyyətinə imkan vermirsiz. İstifadəçi adımızı qorumaq üçün IP ilə yazmağaməcburuq. Göz qabağındadır ki, sözün düzünü deyənləri vandalcasına bloklayırsız! Bəli vandal sənsən!!! Bütün vüikipediya səni və sənin silahdaşlarını vandal kimi qəbul edir!!! 94.20.192.171 12:17, 31 mart 2016 (UTC)

Xahiş edirəm bu mövzuda öz fikrinizi bildirəsiniz. Bu Vikipediyanın ən əhməiyyətli qaydasıdır. Bunun müzakirəsində və səsverməsində hamımız aktiv iştirak etməliyik. --Aabdullayev851 (müzakirə) 08:11, 30 mart 2016 (UTC)

• Səsvermə

Hörmətli Aabdullayev851. Bu istiqamətdə fəaliyyətiniz təqdirəlayiqdir. Amma nəzərə alın ki, vikipediyada bu "Beş sütun"dan başqa istənilən qayda səsvermə ilə qəbul edilir. Bu "Beş sütun" isə dəyişməzdir. İngiliscə və rusca mətnin həcmində fərq ola bilər, amma məzmunu eynidir, məzmununda heç bir fərq yoxdur. İntervikilərdə "Beş sütun"ları bir-bir açıb baxın. Görün hansı səsvermə ilə qəbul olunub?! Mənə elə gəlir ki, bizdəki "5 sütun" 2 variantda ola bilər: Ruscadan tərcümə, və ingiliscədən tərcümə. Əslində biz bunlardan birini rəsmən seçməliyik. 185.40.35.29 12:21, 30 mart 2016 (UTC)

Hörmətli 185.40.35.29, mən təklif etdiyim versiya ingilis dilindən tərcümə olunmuş versiyadır. --Aabdullayev851 (müzakirə) 12:37, 30 mart 2016 (UTC)

Hörmətli Aabdullayev851, heç bir problem yoxdur, problem bunun səsvermə ilə qəbulundadır,mən belə düşünürəm. Yəni "5 sütun"u səsvermə ilə qəbul etmək olmaz, vikipediyada belə bir təcrübə yoxdur. Məzmununu dəyişməmək yolu ilə redaktəsinin təkminləşdirilməsi isə müzakirə yolu ilə həyata keçirilməlidir. Mən belə başa düşürəm. Siz mənimlə razı deyilsinizsə, intervikidə "5 sütun"un səsvermə ilə qəbul edilməsinə nümunə göstərin. 185.40.35.29 13:40, 30 mart 2016 (UTC)

Əziz Vikipediya idarəçi və istifadəçiləri! Hazırda laboratoriyalarda gedən səsvermədə müxtəlif IP-lərdən daxil olub və idarəçilərin bütün bloklamalarına baxmayaraq yenidən qəsdən destruktor fəaliyyəti ilə məşğul olan A. Məmmədovun qarşısı nəyə görə alınmır? Məncə bu istifadəçi nəhayət özünə hesabat verməlidir. Məncə bütün bu qanunlardankənar hərəkətlər hər kəsi bezdiribdir. Təklif edirəm bütün laboratoriya səhifələrini IP-lərdən mühafizə edək, yəni onsuzda laboratoriyalarda ancaq avtotəsdiqlənmiş istifadəçilər səsvermə hüququna malikdirdirlər. Bura IP-lərdən daxil olan anonimlər əsasən vandalizmlə məşğuldurlar, məncə nəhayət bir tədbir görülməlidir. Çünki A.Məmmədov kimi insanlar hələ də buradan rəsmi şəkildə uzaqlaşdırıldıqlarını anlamaq iqtidarında deyillər. Yəni Aydının nə vaxtsa burada yenidən fəaliyyət göstərmə ehtimalı 0 bərabərdir. Ancaq o müxtləif kompüterlərdən daxil olub, buranın stabilliyinə təhlükə törədir. İdarəçilərdən bu məsələ ilə bağlı yekdil qərar bildirmələrini xahiş edirəm. Hörmətlə: --Keete 37 (Farid Aliev) (müzakirə) 15:57, 30 mart 2016 (UTC)

Keete 37, buranın stabilliyinə heç kim təhlükə törədə bilməz. Çünkü buna edilən bütün cəhdlərin qarşısını almaq mümkündür. Belə insanlar sadəcə özlərinə ziyan edir. Vikipediya elə bir məkandır ki, burada qərəzçiliklə heç nəyə nail olmaq mümkün deyil. Son günlər zamanım məhdud olduğu üçün Vikipediyaya daxil olmaq imkanım da az olur. Ona görə də hansı IP-lərdən vandallıq edilirsə, mümkünsə qeyd edin, dərhal bloklayaq. --►Asiya səfiri Cekli 16:49, 30 mart 2016 (UTC)