Vikipediya məqalələrindən

• Premyerası 1979-cu ildə baş tutmuş Min bir gecə baletini Fikrət Əmirov "Min bir gecə" nağıllarının süjetləri əsasında bəstələyib.
• Çexiyanın paytaxtı Praqa şəhərində yerləşən və 1410-cu ildə quraşdırılmış astronomik saat dünyanın üç ən qədim saatından biri olmaqla, hələ də işləyən ən qədim astronomik saatdır.
• Fəzada bucaqların ölçülməsi üçün tətbiq edilən Üsturlab cihazı tarixi mənbələrə görə ilk dəfə olaraq Eratosfen tərəfindən b.e.ə.250-ci ildə düzəldilmişdir.
• Cüzeppe Verdinin Temistokle Soleranın librettosu əsasında yazmış olduğu 4 pərdəli Nabukko operasının librettosu Bibliya hekayəsi əsnasında yazılmışdır.
• 1982-ci ilin noyabrında, Soyuq müharibənin qızğın çağında Sov.İKP MK-nın yeni Baş katibi Yuri Andropova yazdığı məktub sayəsində məşhurlaşan, ABŞ-ın Men ştatından olan Samanta Smitin xatirəsinə hər il iyun ayının ilk bazar ertəsi Men ştatında Samanta Smit günü kimi qeyd edilir.
• Sankt-Peterburqun mərkəzində yerləşən Yay bağındakı günümüzə kimi qorunub saxlanılan ikimərtəbəli I Pyotrun Yay sarayı on dörd otaqdan və iki mətbəxdən ibarətdir.
• Əmək adamlarını təsvir edən rəssam kimi də tanınan Ferdinand Hodlerin 1910-cu ildə çəkdiyi "Odunçu" adlı rəsm əsəri bir il sonra – 1911-ci ildə buraxılmış nominal dəyərli 50 İsveçrə frankı (şəkildə) olan əsginaslarda çap olunmuşdur.