Toledo alkazarı, İspaniyanın Toledo şəhərində yerləşən alkazardır.
| Toledo alkazarı | |
|---|---|
 | |
| Ümumi məlumatlar | |
| Ölkə | |
| Koordinatlar | 39°51′29″ şm. e. 4°01′14″ q. u. |
| Sahibi | İspaniya Quru Qoşunları |
 Vikianbarda əlaqəli mediafayllar | |
III əsrdə Roma İmperiyasının saraylarından biri kimi tikilmişdir. 1085-ci ildə Toledonu Tavaif-ül Mülkdən geri alan VI Alfonso, daha sonra isə X Alfonso tərəfindən bərpa edilmişdir. 1535-ci ildə V Karl tərəfindən bərpa edilmiş və 1561-ci ildə II Filipp paytaxtı Madridə köçürənə qədər dəfələrlə İspaniya krallığının sarayı kimi istifadə edilmişdir.
Alkazarın mühasirəsi
İspaniya vətəndaş müharibəsinin ilk günlərində, 22 iyul 1936-cı ildə Toledo vilayətinin hərbi qubernatoru, polkovnik Xose Moskardo İtuartenin rəhbərliyi altında olan 800 Guardia Civil (İspaniya Jandarmeriyası) daxil olmaqla, ümumilikdə 1028 silahlı Respublikaçı əsgər və milis qüvvələri tərəfindən mühasirəyə alınmış və 28 sentyabr 1936-cı ildə, Enriki Varelanın rəhbərliyi altında olan altında Afrika Ordusu tərəfindən xilas edilmişdir. Bu günlərdə binaya xeyli ziyan dəymişdir.
Himmlerin səfəri
Henrix Himmler 23 oktyabr 1940-cı ildə Fransanın Hendaye şəhərində keçirilməsi nəzərdə tutulan Hitler - Franko görüşündən dörd gün əvvəl, 19 oktyabr 1940-cı ildə İspaniyaya səfərə gəlmiş və oktyabr ayının 21-də Alkazarı ziyarət etmişdir.
Ümumdünya irsi
1986-cı ildə Alkazar da daxil olmaqla şəhərin tarixi ərazisi YUNESKO-nun Ümumdünya irsi siyahısına daxil edilmişdir. Alkazar müasir dövrdə hərbi muzey kimi istifadə olunur.