Tamerlan Soltanbəyli (28 noyabr 1997, Tüntül, Qəbələ rayonu – 19 sentyabr 2023, Xocalı) — Azərbaycan Silahlı Qüvvələrinin kiçik çavuşu.
Tamerlan Soltanbəyli | |
---|---|
Tamerlan İmran oğlu Soltanbəyli | |
Şəxsi məlumatlar | |
Doğum tarixi | 28 noyabr 1997 |
Doğum yeri | |
Vəfat tarixi | 19 sentyabr 2023 (25 yaşında) |
Vəfat yeri | Xocalı, Azərbaycan |
Dəfn yeri | Tüntül kənd qəbiristanlığı |
Vətəndaşlığı | Azərbaycan |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 2017—2023 |
Rütbəsi | Əsgər |
Döyüşlər |
İkinci Qarabağ müharibəsi • Hadrutun azad edilməsi Qarabağda döyüşlər |
Təltifləri |
Həyatı
Soltanbəyli Tamerlan İmran oğlu 28 noyabr 1997-ci ildə Qəbələ rayonunun Tüntül kəndində anadan olmuşdur. 2015-ci ildə Qəbələ rayon Tüntül kənd tam orta məktəbini bitirmişdir. Ailənin 2-ci övladı olan Tamerlan 19 sentyabr 2023-cü ildə Qarabağda keçirilən antiterror əməliyyatında iştirak edərək Xocalıda şəhid olmuşdur.
Heyvanları çox sevən Tamerlanın atlara qarşı da xüsusi sevgisi olmuşdur. Şəhidin doğum günü münasibətilə 28 noyabr 2023-cü ildə Qəbələ rayonunun Tüntül kəndində şəhidin atının ən ön sırada olduğu at yürüşü keçirilmişdir.
Hərbi xidməti
Soltanbəyli Tamerlan orta məktəbi bitrdikdən sonra Azərbaycan Silahlı Qüvvələrinin sıralarında müvəqqəti hərbi xidmət keçmişdir. Hərbi xidmətini tamamladıqdan sonra Azərbaycan Silahlı Qüvvələrində müddətdən artıq həqiqi hərbi xidmət qulluqçusu kimi xidmət etmişdir. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində şücaətlə döyüşmüş, başından qəlpə yarası almışdır.
Azərbaycan Respublikasının Xocavənd rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə Azərbaycan Respublikasının Prezidenti İlham Əliyevin 25.12.2020-ci il tarixli Sərəncamı ilə "Xocavəndin azad olunmasına görə" medalı ilə təltif edilmişdir.
Azərbaycan Respublikasının Füzuli rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə Azərbaycan Respublikasının Prezidenti İlham Əliyevin 25.12.2020-ci il tarixli Sərəncamı ilə "Füzulinin azad olunmasına görə" medalı ilə təltif edilmişdir.
Azərbaycan Respublikasının Şuşa şəhərinin işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirdiyinə görə Azərbaycan Respublikasının Prezidenti İlham Əliyevin 29.12.2020-ci il tarixli Sərəncamı ilə "Şuşanın azad olunmasına görə" medalı ilə təltif edilmişdir.
Soltanbəyli Tamerlan 19 sentyabr 2023-cü ildə Azərbaycan Respublikası tərəfindən keçirilən antiterror əməliyyatları zamanı Xocalıda şəhid olmuşdur.
Qəbələ rayon Tüntül kənd qəbiristanlığı
İstinadlar
- Müdafiə Nazirliyi. (PDF). 2023-10-11 tarixində (PDF). İstifadə tarixi: 2023-11-28.
- Azərbaycan Respublikası Prezidentinin Sərəncamı. . 2021-01-18 tarixində . İstifadə tarixi: 2023-11-28.
- Azərbaycan Respublikası Prezidentinin Sərəncamı. . 2022-02-24 tarixində . İstifadə tarixi: 2023-11-28.
- Azərbaycan Respublikası Prezidentinin Sərəncamı. . 2022-04-16 tarixində . İstifadə tarixi: 2023-11-28.