Qalereyanın tarixi 1967-ci ildən başlayır. Belə ki, həmin ildə respublikanın direktiv orqanlarının qərarı ilə Sumqayıt şəhər Sərgi salonu təsis olunmuşdur. Sərgi salonu 1981-ci ilə qədər Azərbaycan Rəsmlər Qalereyasının filialı kimi fəaliyyət göstərmişdir. 1981-ci il dekabrın 31-də Azərbaycan SSR Nazirlər Sovetinin 583 №-li sərəncamı ilə Sumqayıt Dövlət Rəsm Qalereyası statusunu almışdır. Qalereyanın fonunda 280 rəsm əsəri var.

Sumqayıt Rəsm Qalereyasında Azərbaycan təsviri incəsənətinin inkişafında mühüm rolu olan bir çox xalq rəssamlarının, həvəskar rəssamların, xarici ölkə rəssamlarının fərdi sərgiləri nümayiş olunur. Sumqayıt Dövlət Rəsm Qalereyasında nümayiş olunan sərgilər mövzuca daha rəngarəng olması ilə seçilir.Sumqayıt Dövlət Rəsm Qalereyasında Azərbaycanın təsviri incəsənətinin inkişafında mühüm rolu olan bir çox xalq rəssamlarının fərdi sərgiləri nümayiş olunub. Bunlardan bəziləri aşağıdakılardır:

• 07.04.1968 — Azərbaycan xalq rəssamları Nadir Əbdürrəhmanovun və Tahir Salahovun ilk bədii sərgisi;
• 06.05.1974 — Azərbaycan xalq rəssamı Bədurə Əfqanlının bədii sərgisi;
• 1978 — Azərbaycan musiqisinin 60 illiyinə və A.Kərimovun yaradıcılığına həsr olunmuş sərgi;
• 13.07.1979 — SSRİ xalq rəssamı M.Abdullayevin fərdi sərgisi;
• 15.06.1983 — Respublikanın əməkdar rəssamı Hafiz Zeynalovun fərdi sərgisi

• 1982 — "Biz kommunizm qururuq" devizi altinda bütün qardaş respublikalarını təmsil edən sovet rəssamlarının səyyar sərgisi.

Burada xarici ölkələrin dekada və incəsənət on günlükləri, xarici ölkə rəssamlarının sərgiləri keçirilib:

• Oktyabr 1979 — Özbəkistan SSR incəsənət günləri;
• 1982 — Rumıniyanın Arçeş vilayətindən gətirilmiş uşaq rəsm sərgisi;
• Oktyabr 1987 — Almaniya Demokratik Respublikasının Lüdviqshafen şəhərindən gətirilmiş alman rəssamların sərgisi;
• Aprel 1996 — İsrail dövlətinin Yerusəlim şəhərindən gətirilmiş İsrail rəssamlarının qravürlərindən ibarət sərgisi.

• "Sumqayıt – doğma şəhərim mənim"
• "Narkomaniya — əsrimizin bəlasıdır"
• III Respublika karikatura sərgisi,
• Azərbaycanda məskunlaşan məcburi köçkün uşaqların rəsm əsərlərindən, məktəblilərin dekorativ – tətbiqi sənət sahəsinə aid olan əl işlərindən ibarət olan sərgilər
• "Gənclər şəhərinin palitrası"
• "Xalq Sənətkarlarının İnteraktiv Sərgisi"
• Sumqayıt rəssamlarının əsərlərindən ibarət "Rənglərin aləmi" adlı sərgilər
• Gənc rəssamların fərdi sərgiləri
• Məktəblilər arasında sərgi-müsabiqə
• "18 Oktyabr-Dövlət Müstəqilliyi Günü"
• "17 Noyabr-Dirçəliş Günü"
• "15 İyun-Qurtuluş Günü"
• "31 Dekabr" – Dünya Azərbaycanlılarının Həmrəylik Günü"
• "20 Yanvar"
• "Xocalı" faciəsi,
• "31 Mart – Azərbaycanın soyqırımı günü"

1990-cı illərdə Rəsm Qalereyasının yararsız hala düşməsi burada keçirilən tədbirlərə öz mənfi təsirini göstərmişdir. 2003–2004-cü illərdə qısa bir müddət ərzində qalereya yüksək səviyyədə əsaslı təmir olunaraq Sumqayıt sakinlərinin ixtiyarına verilib. Qalereyanın təmirindən sonrakı açılışı ilə əlaqədar 26 mart 2004-cü ildə Sumqayıt rəssamlarının əsərlərindən ibarət sərgi təşkil olunub.

• Sumqayıt
• Sumqayıt Tarix Muzeyi

• xeberle.com. İstifadə tarixi: 12.03.2021.
• . sumqayitxeber.com. İstifadə tarixi: 12.03.2021.