Plovdiv Milli Musiqi Məktəbində vokal və fortepiano təhsili almışdır. Bir sıra milli mükafatlar qazanmışdır. Milandakı Enriko Karuzo yarışmasının finalına çıxmışdır. 2003-cü ildə Milanda Nikolay Qyaurov və Mirella Freninin himayəsi altında qala konsertdə iştirak edir. 2009-cu ildə Cenevrə Konservatoriyasında magistr dərəcəsini alır. Bolqarıstan Milli Televiziyasının təşkil etdiyi "Hit-1" yarışmasında qardaşı ilə birlikdə "İlin Müğənniləri 2000" mükafatını qazanır. 2000 və 2001-ci illərdə Bolqarıstanda bir neçə musiqi yarışmasında qazanmışdır.

Qardaşı rok müğənnisi Marin Yonçevdir. İsveçrənin Vo kantonunda yaşayır.

Müğənninin repertuarına Rossininin "Uğurlu oyun" operasında İzabella, Leoş Yancekin “Hiyləgər tülkünün macəraları” operasında, Klaudio Monteverdinin “Ulissa vətəninə qayıtması” operasında Yunon və “Poppeyanin tacqoyması” operasında Poppey, Qaetano Donizettinin Don Pasquale operasında Norina, Georq Fridrix Hendelin “Yuli Sezar” operasındaKleopatra və “Aqrippine” operasında Poppeya, Volfqanq Amadey Motsartın Hamı belə edir operasında Fordilici, Jorj Bizenin “Mirvari ovçuları” operasında Leyla, Covanni Perqolezinin “Xidmətçi olan xanım” operasında Serpina rollarını icra edir.

Viliyam Kristi, Dieqo Fazolis, Ceyms konlon, Adam Fişer, Tomas Henqelbrock, Emmanuelle Aim, Fabio Biondi, Ottavio Dantone və başqaları kimi dirijorlarla işləmişdir.

2010-cu ildə "Operalia" beynəlxalq opera müsabiqəsində birinci opera müğənnisi mükafatına layiq görülür.

Yonçeva 2014-cü ilin iyul ayında Venesuela dirijoru Dominqo Hindoyanla evlənir və İsveçrənin Vo kantonunda yaşayırlar. Cütün 6 oktyabr 2014-cü il təvəllüdlü bir Mateo adlı oğlu var. 2019-cu ilin oktyabrında qızı Sofiya dünyaya gəlmişdir.

•  (ing.) (fr.)