Sloveniya ərazisindən keçən ilk dəmir yolu 1840-cı ildə Avstriya İmperiyasının paytaxtı olan Vyana və əsas ticarət limanı olan Triesti birləşdirən zaman inşa edilir. Nəticədə 1844-cü ildə Maribor Qratsla əlaqələndirilir. Dəmir yolu daha sonra 1849-cu ildə Praqersko və Sele vasitəsilə Lyublyana qədər uzadılır.

1860-cı ildə Praqerskodan gələn dəmir yolu Ormoje ilə yanaşı Xorvatiyadakı Çakovec ilə bağlanır və bununla da imperiyanın Avstriya və Macarıstan hissələri birləşdirilir.

1862-ci ildə Zidanı Zaqreb ilə birləşdirən Sava çayı boyunca tək bir yol qurulur (ikinci yol 1944-cü ildə tikilir).

1863-cü ildə Dravoqrad, Maribor, Klaqenfurt və Villax şəhərlərini birləşdirən Drava çayı boyunca Karinti Dəmiryolu inşa edilir.

1870-ci ildə Sava çayının yuxarı sahili boyunca İtaliyadakı Kran, Lyublyana, Esenise və Tarvisionu birləşdirən bir dəmir yolu inşa edildi. 1999-cu ildə Murska Sobota və Xodoş arasındakı tək yol xətti bərpa edildi, bu da Macarıstan dəmir yolu sistemi ilə birbaşa əlaqəni təmin etdi. 2016-cı ilin aprel ayında Praqersko Xodoş xəttinin elektrikləşdirilməsi tam olaraq başa çatdırılır.

Yuqoslaviya dəmir yollarına aid olan çoxlu sayda qatarları Sloveniyanın müxtəlif şəhər stansiyalarında görmək mümkündür. Lyublyanada isə dəmiryolu muzeyi vardır.

• Eyni ölçülü reylslər:
  •   Avstriya – 15 kV AC gərginlikli;
  •   Xorvatiya — 25 kV 50 Hz AC gərginlikli;
  •   Macarıstan — 25 kV 50 Hz AC gərginlikli;
  •   İtaliya — 3 kV DC gərginlikli.

Sloveniya dəmir yollarının uzunluğu 1229 km-dir. Relslər arasında genişlik orta ölçülüdür (1435 mm). 331 km xətt cüt yollardan ibarətdir. Təxminən 503 km dəmir yolu, 3 kV DC gərginlikli xəttlərlə elektrikləşdirilmişdir.

Lyublyanada V və X Panavropa dəhlizləri kəsişir. Bu nəqliyyat dəhlizləri Avropanın əsas iqtisadi bölgələrini birləşdirir: V dəhlizi Venesiya-Triest/Koper/Lyublyana-Maribor-Budapeşt-Kiyevi, X dəhliz isə Salzburg-Lyublyana-Zaqreb-Belqrad-Saloniki birləşdirir.

• 2020-05-25 at the Wayback Machine