Slavko Kaleziç 4 oktyabr 1985-ci ildə Monteneqronun paytaxtı Podqoritsa şəhərində anadan olmuşdur. O Monteneqronun Çetinye şəhərində yerləşən İncəsənət Akademiyasında təhsil almışdır. Daha sonra Slavko Monteneqro milli teatrında ansambla üzv seçilmişdir. Slavko müxtəlif teatr və filmlərdə bir çox obrazlar canlandırmışdır. O eyni zamanda Madrid, Tel-Əviv, Stokholm, London və s. şəhərlərdə keçirilən paradlarda çıxış etmişdir.

X Factor Adria

2013-cü ildə Slavko Kaleziç Serbiyanın X Factor Adria musiqi yarışmasında iştirak etmiş, lakin yarışmada erkən məğlub olmuşdur. Yarışmadakı iştirakından sonra Slavkonun San o vječnosti adlı debüt albomu işıq üzü görmüşdür. Albomda "Krivac", "Feel the Music", "Freedom" və s. mahnılar yer almışdır.

2017 Avroviziya Mahnı Müsabiqəsi

2016-cı ilin dekabr ayında Monteneqronun RTCG telekanalı Slavko Kaleziçin "Space" adlı mahnı ilə Monteneqronu Ukraynanın paytaxtı Kiyevdə keçirilən olan 2017 Avroviziya Mahnı Müsabiqəsində təmsil edəcəyini açıqlamışdır. 9 may tarixində baş tutan müsabiqənin yarımfinal mərhələsində altıncı səhnəyə çıxan Slavko 16-cı yerdə qərarlaşaraq, finala adlaya bilməmişdir.

The X Factor UK

Avroviziya Mahnı Müsabiqəsində iştirakından sonra Slavko Kaleziç 2017-ci ilin iyul ayında Böyük Britaniyanın The X Factor musiqi yarışmasının 14-cü mövsümündə iştirak etmişdir. Yarışmanın ilk dörd mərhələsini uğurla adlayan Slavko Nikol Şerzingerin komandasında yer almışdır. Yarışmanın beşinci mərhələsində Slavko məğlub olaraq iştirakını dayandırmışdır.

Sinqllar